قبيلة بني رشيد - (سـلام مـني يارجاجيـل)

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - (سـلام مـني يارجاجيـل) (http://ban3abs.com/aa/showthread.php?t=1433)

(سـلام مـني يارجاجيـل)

أيها الأعزاء في منتديات عنترة بن شداد ، أقدم لكم هذه القصيدة وهي أول مشاركة لي بهذا المنتدى العامر آملا أن تحوز على أستحسانكم

سـلام مـني يارجاجيـل خيـار= تسليـم من نشمـي وعنـه يـردي
تسليمتن فيهامواعـظ للأفكــار= ولاعاد عـنهاياالحبـيـب مصـدي
انقاء جـواهرها من أعماق الابحار= واسـوقـهامثـل الخيـال المسـدي
واخـلي العاقـل يدقق بالابصـار= والطـيـبه مـاني عليهـا مبــدي
مادام هـالدنيا مجـين ومعبــار = والعيـشه اللي وسـطـها ماتمـدي
اليا سرى ليل الدجاء وجاك الأسحار= اسجـدلخـالق نعـمـة ماتعـدي
واطلب مـن الوالي نجاتك من النار= يمكن توافـق سـاعـة مـاتـردي
بكره لياحلبك قصـاف الاعمـار = وقـفيت عن مـالٍ بجمـعه مجدي
وراح النسب والجـاه وعلوم إكثار= وراح اللسـان اللي يجيـدالتحـدي
وحطـوك في قبرٍ سراديبه اصغـار = واصبحت تنشـد عن زمان معـدي
وقامت جميع أعضاك تنطق بالأخبار= وبان الطريق اللي لعَمْـلَك يـودي
أماتفـوز بجنــةٍ كـلها انهـار= وحوريةٍ فيـها الجمـال متـعـدي
وشيٍ ما نقدرناصفـه لك بالأشعار= فوق الخيال ولانعـرف وش نبـدي
وتكفيك نظراتك لعـلام الأسـرار= ورضاه عنـك بكل شـيٍ معـدي
والا حطب للنار من ضمن الأحجار = ويمنـاك فيها ماتجيــد التــصدي
ولاميتن فيهـا ولاتطفـي النــار= ولاهناك دكـتور يجيـب المهــدي
ونصيحتي تعـرض على ناس تجـار= وللي رصيــده بالخـزانه مصـدي
وتذكير للي حافظ كـل الأذكـار= ويسراه تجهل كـم يميـنه تمــدي
والله لو تجـمع من المــال مليـار = لتقول أبا ثـاني علشان أهــدي
واليا ملكتـه قلت أبا ثالث خيار= منشان لاجتـنا النـوائب يسـدي
وأدمنت في جمـعه لويورِد النـار = ودِك تطالـع في رصيـد يــردي
النفس جشعـه والمكاسب لها آثار= والمال يغـري من يقـوم ويكـدي
وصلاة ربي عــد همال الأمطـار= وعداد من شـددبالاحرف ومـدى

نصيحة من الشـاعر/نشـــمي دغيــمان الرشيــــيدي

رد: سـلام مـني يارجاجيـل خيـار = تسليـم من نشمـي وعنـه يـردي

واطلب من الوالي نجاتك من النـار=يمكـن توافـق ساعـة ماتـردي
بكره لياحلبـك قصـاف الاعمـار=وقفيت عن مـالٍ بجمعـه مجـدي
وراح النسب والجاه وعلوم إكثـار=وراح اللسـان اللـي يجيدالتحـدي
وحطوك في قبرٍ سراديبـه اصغـار=واصبحت تنشد عن زمـان معـدي
وقامت جميع أعضاك تنطق بالأخبار=وبان الطريق اللي لعَمْلَـك يـودي
أماتفـوز بجنـةٍ كلـهـا انـهـار=وحوريـةٍ فيهـا الجمـال متعـدي
وشيٍ ما نقدرناصفه لك بالأشعـار=فوق الخيال ولانعـرف وش نبـدي
وتكفيك نظراتـك لعـلام الأسـرار=ورضاه عنـك بكـل شـيٍ معـدي
والا حطب للنار من ضمن الأحجار=ويمنـاك فيهـا ماتجيـد التصـدي
ولاميتـن فيهـا ولاتطفـي النـار=ولاهناك دكتـور يجيـب المهـدي

الاخ نشمي حياك الله وبرك الساعات تواجدك معنا

واشكرك جزيل الشكر على هذه القصيده الرائعه و النصيحه الطيبه

وتمنالك التوفيق ..وطولت العمر

تحياتي

رد: سـلام مـني يارجاجيـل خيـار = تسليـم من نشمـي وعنـه يـردي

نصيحة من الشـاعر/نشـــمي دغيــمان الرشيــــيدي

[/QUOTE]

وعليكم السلام ورحمة الله وبركاته

وصح اللسانك الشاعر نشمي

وحياك الله بين ربعك وفي محلك

ومشكور على القصيده والنصح الطيب

وجزاك الله خير ننتظر جديدك

اخوك سعد