مشاعري حلّقت بين السّما والسّـــحــاب=تبحث عن الكوكب الدّري تبي تشتريــه
تحمّلت في سما الإبداع كل الصـّـِعـــــاب=حتى تحقـّـق لها مقصــودها اللي تبيـــه
ثم ارسلت لي عروسًا تلبس اجمل ثـِـيـاب=تحمل شعارًا من الإبداع وسمي عليــــه
الصـّـــورة الرائعة في شعـــر والا خطـــاب=عقدًا فريدًا يشـــرِّف كــل مــن يقتـنيـــه
الوقت يجري وهو يقطف زهور الشّـبـاب=وان شفت ما تفرزه لاقلام تحــتــار فــيــه
ماكل ما ينكتب ويقال يعطي جــــــواب=إن كــان ما يدعمـــه حكمــه ورايٍ وجيـــه
بعض الرجاجيل قلبه مثل قلب الغــُـراب=يفطن للاشـيا ويـدركهـــا وقـلـبــه نبيـــه
والبعض ماهو يميـّـز في الخطا والصـّــواب=وان جيت تبحث عن احواله وجدته سفيه
الأوديه تجتمع فيها سيـــول الشـّـِعــــاب=والسّـيل يمشي مع مجـــراه ماهو يتيـــه
واللي يبي يشرب الما من بحور السّـراب=مثل الذي يرجي الماضـــي يعــوِّد عليــــه

اقتباس من مشاركة محمدخالدالشباح (المشاركة 2786949) بو حبيب الثقافة العالية تحتاج الى تضحيااات و تذوق ثقافي راقي في مجتمعاتنا الكريمة ويشكر سالم المحيريق على هذا الشعور الذي يرتقي بالحضارااات

اقتباس من مشاركة بندرأبن طريف المظيبري (المشاركة 2787030) كلمات جميله يعطيك العافية أخ سلطان لآهنت يا الغالي اخذنا فكرة طيبة وكلمات رائعه صح السان الشاعر سالم بن حمدان ,,, لآ هنت يا العزيز ,,,,,,, تقبل تحياتي