من دم قلبي بالرسالة كتبنا=ارسالةٍ بالحب قلبي ورقها
مظروفها صافي ادموعٍ سكبنا=من اعيوني اللي دم جفني رفقها
مرسولةٍ للي جماله جذبنا=اللي ابحر الحب روحي غرقها
حلوٍ جميل برمح حبها جذبنا=رمحٍ رمى روحي وعذب رمقها
صاف الجبين ابنار حبه لهبنا=حبٍ ملك قلبي وحالي سرقها
خلٍ من اعيونه عذابٍ شربنا=حور العيون الفاتنه من عشقها
تزهى على وجهٍ ابوصفه اصبنا=ان قلت منه الشمس ربي فلقها
خلٍ اخدوده جمر ليلٍ حسبنا=خطرٍ على ارموشه يسبب حرقها
وفوقه اجعودٍ لا تخطى لعبنا=سودٍ كسنه فوق راسه فرقها
والورد من شفته قال اكتسبنا=لون الحمار وعطرنا من عرقها
حتى الكواكب من بياضه طلبنا=والشمس من شفته تاخذ شفقها
كن العجم بأفصح السان وعربنا=قالت ابكل اطيافها مع افرقها
بلسان واحد وصف فيها كتبنا=ما احدٍٍ ابمضمار الجمال وسبقها
منها استعار اجمل جمالٍ عجبنا=سبحان من بأجمل صورها خلقها
جاوبتهم يا ناس هاذي سببنا=مسكانها قلبٍ ابحبه صدقها
وبتوقيعنا نختم ارساله انبنا=ارسالةٍ بالحب قلبي ورقها