ياطير تكفخ ماتبي كف راعيك=وقبل أمس تكفخ للعلف فوق كفه
لي صاحبٍ ياطير يشبه مواريك=اليا (نكَر) ما ينعرف وين شفه
لو ما أنت طير أنا أشهد أنه بناخيك=ولو هو طير أقضيت عمرك بصفه
عليه طلت وجه والله تخليك=أن شفتها ما عاد وجهك تضفه
ويا طير كان الصيد متعب أياديك=هذاك صيده لا ألتفت له يكفه
صيده يجيه قلوب ضميا مهاليك=يوم أن جنحاك لصيدك ترفه
أقسم قسم لو بس مره يناديك=وإلا يلوح لك بشيله ولفه
وعاد أنت تفهم وش يسولف محاكيك=ان كل من يوقف بوجهك تزفه
تصيح بأعلى الصوت ماأبيك ماأبيك=وأن صمل برايه بوكرك تهفه
وكانك خسرت اللي تحبه ويغليك=ماي البحر حرة خفوقك تجفه
تحس من ضيقتك ماتدري شفيك=عقلك يصيبه من جفا البعد خفه
ياطير لو تدري بغلا كف راعيك=حرام ماتكفح قهر فوق كفه

ياطير لو تدري بغلا كـف راعيـك
.....................حـرام ماتكفـح قهـر فـوق كفـه

رائعه صح لسان ثامر شبيب
دائما قصائده تلامس احاسيسنا وتنطق بما لم نستطع النطق به
لله دره وصح لسانه في كل مرّه

اقتباس من مشاركة ناصر الرشيدي (المشاركة 2081584) ياطير لو تدري بغلا كـف راعيـك .....................حـرام ماتكفـح قهـر فـوق كفـه رائعه صح لسان ثامر شبيب دائما قصائده تلامس احاسيسنا وتنطق بما لم نستطع النطق به لله دره وصح لسانه في كل مرّه ابو فيصل كنت ولازلت ملك الابداع والذوق سلامي لقلبك المتبول :)