قبيلة بني رشيد - محاورة بين عابد البراك ومعيوف ابن زهيميل

معيوف

يا عابد البراك خل السواليف=أسمع كلامي .... بعد رد السلامي
حنا تجمّعنا قلوبٍ مواليف= من وسط نجد ومن جنوبٍ وشامي

عابد

يامرحبابك وانت رجل الموقيف=عطني علومك يارفيع المقامي
الليله الليله نفك المضاريف=مافيه خافي ياقوي العضامي

معيوف

فيك البقاء يا تاج رؤس العواريف=إن جاء نهارٍ فيه يجلا الظلامي
الليله الليله ماهْي للملاقيف=يسرون فيها محتمين الجهامي

عابد

مابك قصور انتم هل العرف والسيف=لاجاء نهارن فيـه كتـم العسامـي
الليلـه الليلـه نصرفـك تصريـف=احسب احسابـك لايجيـك المنامـي

معيوف

البرق يبرق في خيالٍ وراء السيف= وأليا رعد شديت باق الحزامي
لاتحسب إني سهل وألاّ على الكيف=أنا كريم أليا لقيت الكرامي

عابد

الله يكافيـنـا شــرور الـصـواديـف= شوف الجمل شقران مالـه سنامـي
ليتك سفير العبس في قاعة اجنيف=تعطـي خبـر لاجـاء نهارالكتـامـي

معيوف

الله بلاك بخوة شنيف وخليف=ضاع الجمل منهم وضاع النعامي
ليتك معزب ما نت فبلادنا ضيف= تأخذ و تعطي مثل رامي وسامي

عابد

ان كانها صارت ملوى وتحذيف=تهون ماتمر قصـر السلامـي
العام يومنا عل العد بالصيـف=تقول خايف والزوامل حيامـي

معيوف

يقنعك ياعابد من الحائط الليف=وإن ما قنعت ألحقت نفسك ملامي
ما ودنا نشقى وحنا مناكيف=مثل الجمال اللي طواها الهيامي

عابد

اتعبتني يلـي تويـق المشاريـف=جاهد وشوف بلير راع الحرامـي
انابري منكم ولو ترجـع امعيـف=ياهل الشقاء والخوف تحت الخيامي