سبة لطيف ماتهنيت لاماه ... متكامل فيه الدلع و الوسامه
إهداء خاص وإلى رواد هذا الصرح الشامخ مع التحيه
الصابر اللي جره الوقت وأشقاه ما عززه تسليمته و إستلامه كبرت عليه و ساري الليل سراه حرج عليه الوقت و الهم سامه خربت مفاهيمه وعميت سواياه وطاح المطيح اللي صعيب مقامه و لو تدري العذال باللي تمثناه زادوا على سم الملامه ملامه تكثر عذاريبه و تكثر خطاياه و لا تساوى حضرته و إنعدامه و يا خوف قلبي كان بيح خفاياه و تبين الخافي وبان إنقسامه وأصبح صباح الصبح في تيهة أرياه وإنفك فيه الجرح عقب إلتمامه يصيره له كابوس في عرض ممشاه يشمت به الشامت و يلقى مرامه مات الرجاء و الصبر ما عاد يقواه إشوي و لا عض كف الندامه إسوات من مر القطار و تعداه و لا سوات اللي كسيره عظامه سبة لطيف ما تهنيت لاماه متكامل فيه الدلع و الوسامه غض غضيض وزاهي في حلاياه قبله و ملح و مكتمل في قوامه أزريت لأقنع منه وأزريت لأنساه عكر منامي إهتنى في منامه أعطاه ربي من حلا الخلق وأهناه إمدلل ماعد يومه و عامه إلياء ذكرته جر قلبي من أقصاه جر المسيل إن جر عرق العدامه مأحلاه في عيني وبالقلب مأغلاه لو شح في شوفه وشح بسلامه لولا الله الوالي و من ثم لولاه ماشفت حالي ناحلات عظامه سقيم و مغربل و ضايق و تواه لو إمتلكت إمقومات السلامه الله يبيحه من كباير سواياه و يرفأ وحيد تايه في ظلامه لا قانع منه و لاهو بوياه يكويه كي النار و الهم ظامه غداه هم و جرح فرقاء و عشاه سم سقطري صايبات سهامه و أصبح يدور للسعد و يتحراه و يخايل الراحه خيال الغمامه عليل وقت و عالق داه برداه صابر و حلمه ساعة الأبتسامه منك الخلف يالله في كل ماأمضاه إتعوضه و يعيش مرفوع هامه ما يجرح الرجال و يزيد بلواه إلا سلوك الذل و الأنهزامه اخوكم / بركه صالح الرشيدي |
يعطيك العافييه
صح السانك وعلا شانك كلمات رائعه لاهنت يالخياري |
صح لسانك يابركه شاعر جزل
والله يوفقك نتمنى منك المزيد |
راسبه بالحب
احمد سبيتان مروركم عذب لكم تحياتي الخاصه |
قصيده جزله من شاعر جزل
صح لسانك واعتلا شانك ... تحياتي لك ... |
إقتباس:
برق الوسم صح بدنك ولك التحيه على المرور العطر |
إقتباس:
وتستحق القرائه اكثر من مره جزله اهنيك على الابداع بس لا تحرمنا من جديدك تحياتي لك وتقبل مروري |
قصيده وكلمات نص نصها الشاعر إلي تحوير النص إلي معني
وهذا جميل جداً بأن ننظر إلي هذه النقطه ــــــ ما يجرح الرجال و يزيد بلواه إلا سلوك الذل و الأنهزامه صوره رائعه ورااقيه جداً .. تمثل أو تحكي عن أمر واقع شكراً لك على هذا البيت الجميل صح السانك |
الساعة الآن +4: 09:14 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.