هات القلم واكتب من الشعر هلحيـن=اكتب ترى نظم البيـوت اعجبتنـي
هلحين عجل خـل بعديـن بعديـن=عجـل هواجـس الشعـر عذبتنـي
شاعر ولي بشعـر رمـز وعنويـن=واصعب قوافـي متعبـه ماتعبتنـي
والوزن يفخر بين حرفـاً وحرفيـن=وبيوت شعري تفتخر يـوم جتنـي
وفخر مع الابيات والهاجس الزيـن=الهاجـس الـي سجتـه سهرتنـي
بكتب قصيدة حـب مثـل المحبيـن=بكتب عـن اللـي بحبهـا جننتنـي
اللي بقلبـي ساكنـه عـدة اسنيـن=وانا سكنت ابها وهـي ماسكنتنـي
عرفتهـا وانـا صغيـر ومسكيـن=وهيه من اول يـوم لـي عرفتنـي
من عرفها لليـوم ستـه وعشريـن= اسنين مـرت عمرهـا ماجرحتنـي
لاضقت جتنـي بالعواطـف تسليـن=عن ضيقتي بحلا سوالـف خذتنـي
لاسولفت يخضعلها سمـع الاذنيـن=اسكـت احـس السالفـه سكتتنـي
متعلـم الا الزيـن متعلـم الشيـن=عن اي حاجـه تخصهـا درستنـي
محلاك يادرسً كتب بيـن قوسيـن=بنفسهـا عـن حبـهـا علمتـنـي
ماهي بشراحلف على المصحف يمين=النـاس تنسانـي وهـي مانستنـي
اذكر خذاني الوقت في ضرف يومين=ابعـت عـن اعيونهـا مـا لقتنـي
عدت وشكت وين انت ياشين ياشين=لحضـة غيابـك سمهـا جرعتنـي
تعال قـرب مرحبـاً الـف وهليـن=مـن شوقهـا لصدرهـا احضنتنـي
احبها يـا نـاس بالعسـر والليـن=اصلاً غريـزه حبهـا ماغصبتنـي
احبهـا حـب البشـر للملايـيـن=انسـان يطمـع توهـا ماكفتـنـي
حبيبتي محدً عرف ويش هي ميـن=اتحيرالـسـامـع ولا حيـرتـنـي
المملكـه دار الشيـوخ السلاطيـن=المملكـه فـي حبـهـا ولعتـنـي
محلاك يا يوم ٍ جمـع بيـن قلبيـن=مـن اول ايـام العمـر عاشقتنـي
اكبـر ويكبـر حبهـا بالشـرايـن=اعـروق دمـي بحبهـا شاحنتنـي
ابحبهـا لليـوم ستـه وعشـريـن=اسنين مـرت عمرهـا ماجرحتنـي
المملكـه دار الشيـوخ السلاطيـن=المملكـه فـي حبـهـا ولعتـنـي