قبيلة بني رشيد - مرثيه في صديق

صدفه بعد مدة وأنا في طريقي
في غربـي الروض بالحــــزم برقا

مريت قـــبر لي زمانه يــشيقي
ماضي مضى ذكـراه بالنـــفس ترقا

ياقبربالصحراء وسطك صديقي
في وحشة من عقـب الوناسه وفرقا

في رحمه الله يالصديق الرفيقي
ادعـي لك الرحـــمه ولا اجـفا غرقا

ليتك عرفت إني لـشوفك شفيقي
عليك روحــي نـــار والوجــد حرقا

سلام ياقــــبر الصديق الوثيقي
ســلام واعماقي من الحــزن شرقا

عليك جرحي ياصديقي عميقي
ياوافــــي مافـــيك بالغـــدر درقا

لاوهنـــي لو انت لحظه تويقي
نهضو لك من بـــين الإلـــحاد مرقا

حتى تاكـــد من غلاي الحقيقي
وهــمٌ سرق جسمي من الوجد سرقا

اليا ذكرتك صار بالصدرضيقي
وجًريت ونــة راعي ابل أبله تورقا

حب صحيح وشاهد لي شهيقي
شوقـــي الـيكم يطرق الروح طرقا

او وجد من للموت للقتل سيقي
مطلوب دم ولمعه السيف زرقا

ياليت بالطيب ثمن باللفيقي
كل العفون اللي له الهذر قرقا

يبقى الشجاع وكل قلب رقيقي
ويمـــوت راس بالمـــشاكل معرقا

ناسن جميع اطباعهم ماتليقي
منا لهم فرقى وفرقى وفرقى

للإستماع للقصيدة بصوت شجي عبر هذا الرابط