قبيلة بني رشيد - قصيدة للشاعر مريف علي ومجاراة الشعار لها.. لاياسعد صور على جنب شاليه

لاياسعد صور على جنب شاليه.
ونا بصورلك على جنب حره.
اخير وابرك من مراويحك هنيه.
في واديا كل الجماعه تمره.
شبت هشيم ياسعد في حراويه.
عصرية يوم الهوى مستقره.
في ليلة ضوء القمر ساطن فيه.
تسوى مراويحك ثلاثين مره..

الشاعر مريف علي

لا ياسعد ومريف غابت لياليه
ابعد عطور الشام يمكن يضره
عودن على ناره همومه تصاليه
شف البداوه باينه من مقره
ضاعة سنينه بين مره وحاليه
لايعرف الجوهر ولا شاف دره

مجاراة الشاعر مطر عباس

-----------------------

مريف وش به ليه بلاه وش فيه
ماباله يدغدغ انجوم المجره

لولاي مستانس وميد حكاويه
ماسمح بهيك اعلوم لله دره

اللي عطاك الصدق مره وحاليه
وعود قبل للبعد راسك يفره

مجاراة الشاعر خاتم المهيمزي

------------------------
ياهيه يا اللي تعرف العلم ياهيه
شعرن قريته درتن مستقرررره
لايمكن أحدآ في زمانه ايضاهيه
لابحرته مثله ولا ب المجره
مريف سوى شي محدآ يسويه
لله دره قلت لله درررررره
واللي يقول انه اقريب حراويه
عليه يوم من الشهر فيه غره
طايع عبدالله
،،،،،،،،،،،،،،،،،،،،،،،،،،،،،،،،،،،،،،
هذا سعد ومريف ماني مجاريه ؛
لكن ..مطر حراً بكبده ..يحرّه
عنّاني .. الله في بعيره ..يعنّيه
وأنا الشعر جنّبت خيره وشرّه
أغار حتى من خويّاً ..يخاويه ؛
حتى سويلم مأرغب إنّه ..يمرّه
ودّي على جنبي وأجيبه وَوأدّيه
لأرض ٍ بها للصيدحروة وجرّة
شليويح بن علي

،،،،،،،،،،،،،،،،،،،،،،،،،،،،،،،،،،،،،،،،
‏يسعد صباح الشعر يسعد مماسيه
‏لا لا أح برقة في السنة مزون غره

‏اللي على شاطر الامل وش موديه
‏أكيد لاقي شي فيه المسره

‏يطنخ به الدنيا ويمتع الياليه
‏ان القحت والا الجمال مايضره

‏بقول سر ومبغي الناس توحيه
‏يا صاحبي خذني معك بس مره

مسند العويمري

-------------------

لا يا سعد يكفي على القلب مافيه
هيضت قلبي باالصور كل مره
يلومك الي قاصراتن خطاويه
الي ماشفناله مع الدرب جره
مريف لاحقته عليك المشاريه
ليته تعذر والعذر مايضره
يشبه الحره عسى الله يشافيه
باالديره الي باالحياء مستمره
الديره الي تنسي القلب ماضيه
ليته خذاء في مدنها كم فره
ويشوف شيآ فايته كان يمديه
تراء الحياه ايام والعمر مره

#شاعر الفيضه. ابراهيم غنمي