اهداء الى جميع من يقراء هذا
الموضــــــــــــــــــــــوع

يسعدني
ان
انقل لكم محاوره بين الشاعرين

الشاعر زايد ابن عدله

و

الشاعر فايز مبارك الرشيدي

في تاريخ
1430/4/6
يوم الخميس في قصر الاحتفالات بقرية ضريغط

والمحاوره قويه وذات معنى خطير

واليكم المحاوره


البدايه

زايد ابن عدله
******

يوم الخميس اللي مضى في ليلة الجمعه بعــــد
شاهدت لي مشهد تمنيت انني ماشاهده
يوم ان ليلى مرت وعدت وابى الطيب قـــــــــعد
والاربعه معها اطلعوا كلن يومي ساعده


فايز مبارك
****


ذاك الخيال اللي تخيله فيه برق بلا رعــــد
يوم الاوادم كلبوها من الرشيدي هاجده
الحرب جت بدروعها والفارس الغازي رقد
يوم الهبايب يابن عدله في سماها عاقده


زايد ابن عدله
****


برق الخريف يلوح لكن مانزل منه البرد
والناس للمعبود في وقت التهجد ساجده
والمشكله ياصاحبي جتنا من ارسال البلد
مدري علام الناس لا هالحين فينا حاقده


فايز مبارك
*******

الذيب يازايد لو انه في طريقه مــــــــــــنفرد
اقفى بطريقه مالقـــــــــى ذيبن شبيه يعانده
شوش على ارسال القناه الغاوي اللي منقرد
قفل علينا ارسالها والناس ماهي جاحده



زايد ابن عدله
******

الحجــــــــــــه اللي يازميلي ماثبت معها سند
تلقى لها ناسن اليا جابت هدفها تاجده
ثلاث مرات يتردد ماحملت مـــــــــــــنه بولد
والظاهر ان الــــرابعه ماعاد منها فايده


فايز مبارك
******


اللــــــي نوى راس الجبل يرقاه حول ماصعد
ماحدن يدور يازميلي ناس راحت شارده
الاولــــــــــه والثانيه بالفارس اللــــي معتمد
نزل حدر والناس في قمة جبلها صاعده

زايد ابن عدله
*******


من زار مكه يسجد مع اللي ركع فيها وسجد
والمسجد الاقصى سمعنا فيه نسمه بارده
يالله عسى اللي يحسده تبلى عيونه بالرمد
ناسن سوالفها على الجمهور بس مطارده



فايز مبارك
******


اللي زرعها يحصد الثمره ومن جدا وجد
واللــي يدورها تراها يابن عـــــدله كايده
واللي بسط سبع ورفع سبعن شداد بلا عمد
ان الكحيله مالها الا رجال عبس الرايده



زايد ابن عدله
********


يافايز الليل انتحى من بيني وبينك وعد
واللي حصل هاك السنه خلاص ماني عايده



*********************************************
***************************************
*********************************
***************************

وشــــــــــــــــــــــكرا




صقـــــــــــــــر
ابــــــــن
عبس