يا هواي و ورغبتي ليه القطيعة= القطيعة مالها يا شوق داعي
والله أن الصبر ما عدت ستطيعه=ليه يا محبوب عيني ما تراعي
مرخص لك حالي ونفسي مطيعة=وتأمر المفتون بك وأمرك مطاعي
أنت بهجة خافقي وأنته ربيعه=وأنت من عقلي بعد فرقاك ضاعي
يا عذابي صدتك فيني وقيعه=ليت قربك يا دوى روحي يباعي
لشتريه وقرب عذالي لبيعه=بيعةً مبغي وراها الأنتفاعي
فيك وحدك يكتمل زين الطبيعة=كيف ما يكمل وشوفي لك متاعي
لا تذوقني بــ فرقاك الفجيعة=الجوارح كلها بعدك جياعي
خايف من الموت منك الموت ضيعه=كيف ينعاني سبب صدتك ناعي
المحبة يا عنى حالي سريعة=من تصيبه ينغلث مثل السباعي
وأنت جرحك صعب يا ضبي التليعه=لو قلبي غض منك القلب ماعي
دام ما خالفت أنا دين الشريعة=لا تفارقني ترى فراقك ضياعي

اقتباس من مشاركة سمو الحزن (المشاركة 2722052) يـــا هـــواي و ورغـبـتـي لـيــه القـطـيـعـة الـقـطـيـعـة مـالــهــا يـــــا شـــــوق داعـــــي والله أن الـصـبـر مـــا عـــدت ستطـيـعـه لـيــه يـــا مـحـبـوب عـيـنــي مــــا تــراعــي الله الله صح السانك واعتلى شانك

اقتباس من مشاركة ابوصالح لرشيدي (المشاركة 2722076) صح السانك يابن صبح . قصيده وافيه من راس وافي .. تحياتي لك وتقبل مروري ..