مدري .. جحود الوقت والإ شرابيـك =والإ ليـالٍ .. روحتبـي وشآحـت ’
وإلا همومٍ .. وردتنـي علـى ذيـك =وإلا وروداً .. جاذبتنـي وفاحـت ’
أمشي وأسولف .. بين ذولا وذوليـك =وأضحك وأنا .. كلي جروحٍ تناحت ’
وأذكـر لقانـا .. وأحترقلك وأناديـك= وأراجع أوقاتٍ .. لنا معك رآحـت ’
يومك .. من الروعه تدور غطاويـك =و اتلملم القذله .. وعينـك تساحـت ’
حتى ادلهمت .. وأعثرتبك خطاويـك =واستنهضت .. نفسك علينا وطاحت ’
تبغى الستر .. والحظ عيـا يغطيـك =عن عين عاشق .. بحرتبك وتناحت ’
واليا غشتنـي .. وأحتفتبـي قوافيـك= لميتلك .. هجسٍ بصـدري تلاحـت ’
هجسٍ .. تثنت وانسجتلـي حكاويـك =ياما صفتلك .. وانهجتلك وصاحـت ’
ماهمهـا .. ليـل الشقـا والدرابيـك =كم روبعت .. في ديرتك واستراحت ’
سطرتهـا .. يـومٍ لفتنـي طواريـك =حتى .. استبانت للملأ واستضاحت ’
واليـوم .. قفـت وابعدتنـي لياليـك =وجيوش ذكرك .. صادفتني ولاحت ’
واشتقتلك .. شـوقٍ يغربـل معاليـك = شوقٍ .. له الورقا من الضيق ناحت ’