قبيلة بني رشيد - حبيب الملايين لـ (بخيت الجهني)

حبيب الملايين

يا أحن وأطيب من على الأرض ها لحين

يا أعز وأسمى من قصيدي حكابه

يا خادم البيتين يا ناصر الدين

يا ماشياً درب النبي والصحابه

صقر العروبة سيد العسر واللين

الطيب بشته والمراجل ثيابه

اليا تبسم سيدي يورق التين

واليا زعل يذبح عدوه مهابه

فعايله تشهد وهذي براهين

الفقر شاله يوم فهرس كتابه

حتى انه اعفى عن جميع المساجين

رمز العرب لاهوجس العلم جابه

دموع عينه يوم هلت بساتين

خلت صحارينا تحول ل (غابه)

لا مد كفه ينكسر سد برلين

من فيض خيره كن الأرض السحابه

يا نور يشرق في حدود الحرمين

المجد سيفك والمراجل نصابه

بالشعر لو نكتب بمدحك دواوين

ما نستطيع الوصف ضمن الكتابه

الشعر في مدحك تسوقه قوانين

لا شاب قافه فيك يرجع شبابه

لو قلت عبد الله ل (حاله) ببيتين

غطت شعاع الشمس طيب ورحابه

من مثل أبو متعب حبيب الملايين

فرحه تعم الشعب لا ألقى خطابه

الله سقا حبه قلوب المصلين

ومن حبه الله فك للخير بابه

واللي يميز هامة المجد ثنتين

إن الوطن عينه والأمة حجابه

الشاعر بخيت الجهنـــــــــــــــــــــي