قبيلة بني رشيد - شيلة باب الرجا اداء ابراهيم سعود كلمات متعب التركي

السلام عليكم ورحمة الله وبركاته
أسعد الله أوقاتكم بكل خير

وعسى الله يدوم علينا الأمن والأمان
ويبعد كل مكروه عنا

أما بعد
حبيت أضيف لكم هذى
الأبيات الرائعه
للشاعر متعب التركي
وهي من أداء المنشد
أبراهيم سعود وبداية موفقه له
وأتمنى له المزيد من التوفيق
والى الامام يا أبو سعود

مفتوح باب الرجا

مفتوح باب الرجى لو هب مليون ريح
والريح ماتاخذ الغرسه من عروقها

القوس مكسور والرامي يقوم ويطيح
والسهم منعاج والايام خازوقها

لو لبسو ساقط الهرجه ثياب المديح
قلنا سحابة وبلة يابس حلوقها

ياحادي الركب لا توده عليه وتصيح
ماعاد هي سالفة ليلى ومعشوقها

مديت شوفي وشفت الكون رحب وفسيح
والارض حدر المواطي والسماء فوقها

مادام عين الرضا ماها هماج وشحيح
ابتبع الغيمة اللي رفة بروقها

مدري عن المقبلة لكن عسى الله يبيح
اللي تهز القلوب وهزني شوقها

غنيت للحب ولسان المحبة فصيح
والبدو سبة غناها ضيقة خلوقها

باكر يروح الشتاء والثلج قصره يسيح
مايفضح الثلج غير الشمس وشروقها

[youtube]https://www.youtube.com/watch?v=XeCwF6LeWRU[/youtube]