اليا اطرو النزل سلف الجيب دقيته
 

بدايةً اعتذر على عدم تواجدي المستمر بينكم لانشغالي ولكم مني هذه الابيات المتواضعه


اليا اطرو النزل سلف الجيب دقيته =و قفلت عن ناقد المقناص جوالي

فرصه عمر شوفها ياما تمنيته=ماكل مره يابو فيصل تهيالي

من ليل جيبي من البنزيم عبيته=ولاامرحت حتى حزمت العفش بحبالي

والفجر في حروة المقناص صليته=ومع شرقة الشمس شفت اللي على بالي

هذاك جولن وراه قنوص خليته=وهناك جولن على المرما تساوالي

وما قدر الله من المقسوم ماخطيته =أخذت مقسوم ربي من هوا بالي

وعقب انتحاي النهار وشحه بليته =دورتلي منزلن جوف الخلا الخالي

في حيد طعسٍ رفيع .. الضوء شبيته=وادنيت من جمرها الابريق ودلالي

ومن مرني من هلا المقناص ناديته=يامرحبا بالصحيب وطيب الفالي

ومن لامني في عشاي اللي تعيشته=ماذاق طعمه وكادن ما يورالي


ارجو من الادارة تنسيق القصيده لان هاك تنسيق القصائد لا يعمل وشكرا للجميع

الله الله عليك يالقناص والشاعر ولافيك حيله
اليا اطرو النزل قلت ارحب وحييته .... وقمت ازعج الصوت وادور هل الالي
ياماحلا الجول لامن جاء وهليته ..... ومعي ابو عشق مايذخر من الصالي
تحياتي لك يبوعشق ولاجا طاريه علمني

صح الله السنك

thanxxxxxxxxxxxx

مشلحط الشعار صح لسانك وابشر بعزك

حردان صح بدنك

الشاظئ المهجور
صح بدنك ووجهك ابيض

شجن
you are welcome
and
Thanks for the interesting

تسلم ياسعد على القصيده اللي أدخلتنا في جو المقناص وكأننا رأينا ما قلته في أبياتك
إحترامي وتقديري