معيوف بن زهيميل =
وش خانة البحر الأحمر بين زرق البحور = لاعين يمه ولا الظامي يسقي ظماه
بين المحيطات ما يقدر يطير أمحصور =الله يستر عليه أليا عبرنا معاه

البحر الاحمر =
وراك يالشاعر الماهر جهلت الامور = هاجمتنا لاسلام ولاهـلا ولا صـلاه
البحر مايطير ثابت لنهـار النشـور = كم عابرن غرق في موجه ولاذاق ماه

معيوف بن زهيميل =
ما نعتبرها قصور ولا تجيك القصور = لاتعاتب اصحيبك أليا صار سهلٍ خطاه
الله جعل للبشر يا بحر فوقك عبور = تاطى عليك الأوادم قدره أمن الإإله

البحر الاحمر =
لاترسل الجيش عشوائي بليا سبـور =بسامح الرجل دامه معتـرف لزمـلاه
بعض السوالف ياشاعرنا تهز الشعور = أما أرفع الرمي ولا سقت يمك زكـاه

معيوف بن زهيميل =
أنا أشهد إنك على الزلات رجلٍ صبور = ما دام هذي علومك تستحق البراه
ما شذ خله وخذ ما جاز لك يا معمور = أنا غناوي عسا الله يرزقك بالغناه

البحر الاحمر =
ياللي تحسب الأهله في توال الشهور = هل تعلم أن الزمان أقشر لادارت رحاه
ياساكنين الجبل ياذياب مدري نمـور = ترى السلامه معونه والنجاه النجـاه

معيوف بن زهيميل =
نحسب حساب الليالي خير وإلا شرور = دارين كان المعلم تواه العلم جاه
ياذيب كانك على الدرب العسير معسور = تبين إن كان رأسك ما يخاف القناه

البحر الاحمر =
ياطير ياللي تدير الحوم تحت الطيور = أما صدمت الهدى والا صدمت السراه
الحر الأشقر مالد العين صوب النسور = لو تفرد الريش وتحول بخبت الفـلاه

معيوف بن زهيميل =
ما يفسد الود غير أهل الصلف والغرور =عنهم نكرّم هل الشيمات وأهل الوجاه
وجهك وجه حر لكن فكرتك فكر كور = لو طاب في يوم ملزومٍ يعوده بلاه

البحر الاحمر =
من يعترض للرماه اللي تسد النحور =ماظن يجبر صوابه لعترض للرمـاه