يالقسوره ياعداك الوم شللي حصل=من صومع بـ حلت التاجر واخذ دفتره
انا نشدت العرب لكن مابه عمل=والعلم يالقسوره ماحدن عرف مصدره

مافيـه مافيـه غيـر الخيـر مقبـل دبـل=وابشرك بكرة هذيل السديس عشره
والله مانـي بلايـم غيـر كثـر الجـهـل=يالله تسامـح عميـل الخـيـر وتيـسـره

لو قلت عنك زحل انا اشهد انك زحل=الارض وجبالها والنجم من منظره
اليا غدت في عيون الناس مثل الجبل=ودك ليا شفت لك شايب كسرت اظهره

لا تلتفت بالزمل وتقووول وين الفحل = خابرك جمال وان طاح الحيا تذكره
ياشين قبلك لو لسانك ينقط عسل = وشلوون ماترحم الشايب ولااتقدره

لو مدفع النفس بالمعروف قلت اتكل=اضرب بها راس حيد الضلع والاكسره
لو شايب القوم غير ماكتبه النذل = كان اتمرا بها لو ماهي ابمنظره

انا اشهد انه زها عليك تاج العقل = لعل من عقبك للبر والمغفره
القاضي حكم بالحكم اضنه عدل = لكن بعض الحكي ماضن فيه ثمره

السلم اللي عليه القوم مثل النمل=من يظهره ياطويل العمر من يظهره
قل لــ ابوعواض كان عطوه دورالبطل =لاتشاركه بالبطوله بنت متمخطره

وان كانه امزكين نفسه بشاعر شمل = وهووو لحاله مابين الذيب والكندره
يابن الحلال انت لا تلف العسل والبصل = الي مايثني علي العربان ماتشكره

من ما سكن بالقصور ولاسكن بـ الفلل=مايرعب القوم لازوله ولاحنجره
اما تبخر بعود او جاك وهو ثمل =يارب ذنب العباد برحمتك تغفره

بالامر ماتمتلك ناقه ولا لك جمل = صوتك مع هوشة القصمان لاتكثره
ياليت عندك صبر ايووب مانت بعجل = شفني ليا وقع العصفوور ماطيره

يالقسوره لو نشخص مابقى من اللعل=لو كورة الثلج كبرت جاءت مدحدره
المشكه انك قطعت الحبل عقب اتصل =ولاانت مافيه علمن ماوصلك اخبره

الدرب سكة قطار ابدوون همزة وصل = وانته لاهالحين عيينك ماعليها غبره
انا ادري انك تبا ترقا الجبل بالحبل = لكن راس الجبل مافيه غير صخره

يالصاحب اللي على ماقيل مانت بـ خبل=الرميه اللي ماصابت ذيب هل تذعره
ولا القمم كذ رقاها صاحبك بالفعل=والا انت بابن تخارج معه لا تدوره

اثره صحيح ان فيه امن الهوا ماقتل = لاشفت قيس وتأبط شر والشنفره
دووبك علي الظلع دامنك نويت الزعل = كانك تبي ترجفه بالله لاتعوره

يالقسوره في المواقف نوب زين الثقل=وان كان مريت ابن عطوان لا تصوره
والضلع خله لـ بن لادن كثير الحمل=اما يفجره ولا بـ دريل احفره

السالفه بيننا تبي كرين وشبل = وسكسين ديزل مع مقطووره وقاطره
وان طعتني خلها من بيننا تشتعل = ان كان مال التفاهم مع طرفنا شجره

اقول انا كل شئ بـ وضعنا محتمل=ماودي اشعل فتيل اوضاع مدهوره
لو شفت شخصيتك ماقلت لك منتحل=القسوره في عيوني باقين قسوره

طاح الحطب مابقي بيني وبينك جدل = لكن ملف القضيه ذاك لاتسكره
وان شفت طير الحمام الي يحب الزجل = ادخل علي الله عن الاغصان لاتذيره