قبيلة بني رشيد - لبيه يا يا يا يا لا لا ماني قايل

لبيه يا يا يا يا لا لا ماني قايل
اخاف اقول اسمك وتعرفك عدواني

اسمك امانه وانا مأمون ومسايل
عن الامانه وهذا طبع الايماني

لذا يكون السكوت الصايل الجايل
بين الحنايا عشان يعانق الساني

لازم احفظك عن المقرود والعايل
وأضيعبك وانت لدورت تلقاني

وانا ادري ان الضياع لذبحتي عايل
بس الضياع بحياتك له طعم ثاني

مدام لمن غنجت وجيت تتمايل
ملائكتك اسلمت لعيون شياطني

لاتلومني لفتحت لضيعتي فايل
وابرزت توقيعي الرسمي وعنواني

يابعد من الغدر عند ابسط بني وايل
يااقرب من الطيب في تاريخ جداني

يالصعب من الجمع بين العدل والمايل
ياسهل من الذنب عند المشرك الجاني

غلاك عندي غلا سلمى لهل حايل
واحيان مثل الغلا المفروض لخواني

ياذرب ياشيك ياتيكيت ياهايل
لو املك المستحيل وكان بمكااني

صنعت لك من كرات الدم موبايل
وروحي شريحه وقلبي رقم مجاني

لكن هنا قدرت الله شبرها طايل
والمستحيلات تبغا امر رباااااااني

وانا بشر زايل ولي وقتي الزايل
يكفيني اعاملك من دافع انسااني

جيتك بنية نقا ماجيت متحايل
يمكن على شانك ويمكن على شاني

عدواني لغير عرفك جرف متهايل
وشلون لو يعرف اسمك بين عدوااااني

ممـــــــــــــــا راّق لـــــــــــــي