كيف اكتبك في سطور العمر معشوقه=ياعمري اللي بصدق احساس عاشقها
يتعبني الهجس في ذكراك بطروقه=والشوق نفسي على ﻻماك محرقها
شوقن يتل القلب مع قاعة عروقه=لو ﻻ المعاليق من صدري يفارقها
خيال فكري بهده واطلق سبوقه=مع لهفة اشواقنا عله يعانقها
قطر الندى فالورق غصنه مع عذوقه=في روضتن لفحت الغربي تسارقها
يااعذب صباحات عمري واجمل شروقه=يابلسم جروح روحي ونبض خافقها
ياحلى من الشهد في لونه وفي ذوقه=ياسعد من يرتوي من فيض بارقها
وان ﻻح حبر المعاني بصدق بروقه=بدعيه يسقي الدفاتر لين يغرقها