|
معركه حزب العمده وحزب النصر
السلام عليكم
قامت حربين طاحنتين في الاونه الاخيره بين حزبين قويين وهما حزب العمده وحزب النصر حزب العمده ويتشكل من ..// القائد العمده .. قائد الجيوش معيوف بن زهيميل .. والجحش .. وبتال .. ابو ذيل وزير الاعلام حزب النصر ويتشكل من ..// ناصر صويان وعبدالباري عبدالعزيز وانا بدوري الصحفي للحرب اوافيكم بالتغطيه الكامله انشالله للمعركه بدايه الحرب ((العمده))
الحزب دكلاتـه توطـا المشاريـف=في نصف ساعه كلهـم واصلينـي خانو بنا وحنا هل الخيل والسيـف=حتـى بعيـد الله جـو معتديـنـي وين الجحش ياطوحـن الغطاريـف=بيومن عبوسن منه شـاب الجنينـي وين معيوف اليااعصفن العواصيـف=شوف القذايف من يسـار ويميتـي ويـن المويسـه ماتفيـد السواليـف=اخلال ساعـه عندنـا حاضرينـي وين ابن عادي مكرم الجار والضيف=بعـد الولـي حنـا بكـم نستعينـي عادو على الكره عصاتن ملاقيـف=ماذمهـم وقـت الـقـا متعبيـنـي لكن لقانا صعب ماهو على الكيـف=نتعب قبـل نتعـب وهـم فاهمينـي اليا نسيتم ماحصل بـاول الصيـف=نعيـدهـا والله عليـكـم يعيـنـي رد..// زعيم حزب النصر ((ناصر صويان)) حنا ترانـا مفرقيـن المواليـف=اللي ورثناهـا مـن الاولينـي ياللي تصرف ماتفيد التصاريف=ماتوبتـك الاولـه يالفطيـنـي عدونا من فعلنا يصبح مخيـف=لون قلبه مـن حديـده يلينـي احزابكم ماغير بدعه وتوليـف=ماعندكم غير البكاء والونينـي نبا نوصفكم ابعض التواصيـف=هذا حسب مااسمع وشفته بعيني احزابكم تشبه لقشع الشفاشيف=هذا هو البيـن والآخـر يبينـي ياحيف يابعض الرجاجيل ياحيف=مقدام قوم وباح منـه الكنينـي ذكرتني يالعمده بقصـة حنيـف=اللي شرب عشرين فنجال صيني وحنا هل النخوه ارجال المواقيف=اليا رقص مع الطبول اللعينـي هذا كلامي جاك ماهي سواليـف=واسلم وسلملي على الطيبينـي وباليوم التالي بدأت تجمع الجنود وبدات الحرب الحقيقه وقال العمده قصيده وهو يبحث عن قائد جيوشه(( معيوف بن زهيميل )) الذي انقطعت اخباره يعاقل ٍ يوسف علـى ابـوه يعقـوب=ترلـي معيـوف عـقـب المغيـبـه قائدجيوشـي مذكـر فيـه عـذروب=لاحدنـا حـزب النصـر نعتزيـبـه من غيبته كني على الوجه مصيـوب=تكفـون ياسـاس الجـدود العريبـه جيبوه لونـه مـن عـداه معطـوب=شوفه صويب ولاختفـاي المصيبـه ونكان راسه مـن هـذولاك مقلـوب=الناس تخدع نـاس ماهـي غريبـه الله يعوضنـي ومـا صـار مكتـوب=والضايع اللي سمـع كلمـة طليبـه وانكان ابـو خالـد لوالـك بعرقـوب=وسحبك منـا نقـول ربـه حسيبـه بتال بعـدك بالوفـا يقضـي النـوب=ارشحـه بعـدك يـقـود الكتيـبـه ان كنت حي ارسل على الحزب مندوب=ولا عل علمـك طيـب اللـي تجيبـه وان مت قد ماتت رجاجيل وشعـوب=وماقـول غيـر الله يبـح ويثيـبـه ورد عليه زعيم حزب النصر ((ناصر صويان)) يالعمده اللـي صـار بالحـزب منكـوب=حزبـك علامـه صـار ذاهـب ذهيبـه حزبك بصوب وصرت عن حزبك بصوب=كـل ٍ علـى ماقيـل حــدر شعيـبـه فنجالكـم ياحـزب الاهـرام مـشـروب=حنـا هـل الوقفـات واهـل الصعيبـه ياما غزينا ويامـا اخذنـا مـن ذهـوب=ويامـا عطينـا ربعنـا مـن الكسيبـه والا انت حزبـك بيـن فتنـه ولاهـوب=واكبر دليل ان الجحش تعتزيبه وقايد جيوشـك ساجنينـه يـا شيبـوب=من ضمن الاسـرى واللـواء والكتيبـه مانته بداري وانـت هالحيـن مطلـوب=راسـك حنيتـه للسـيـوف العطيـبـه ضوء الشقاء مشبوب والحرب مشبـوب=والحـرب خدعـه وانتبـه مـن لهيبـه وين الوعد وين الجحش تقـل مصيـوب=مـع الشعابـه بـس نسمـع نحيـبـه صـارت مواعيـده مواعيـد عـرقـوب=قــام يتغـيـب بــس لازم تجيـبـه نبـا نحمـل فوقـه ابلـك مـع طـوب=لازوزع بحمله ياطيبه ياطيبه وبعدها بساعه تقريبا شن هجوما عنيفا القائد الشجاع (( العمده)) على حزب النصر وبالتحديد عبدالباري عبدالعزيز انت راس المشاكل وانت راع المصائب=تقتلب كنك اللي ينحذف فـي جمـاره ان سلمنا قبل لايحط فوقـي نصايـب=غير نكشفك في يومن يثـور غبـاره وكان ماخاب ظني انت من كان غايب=بين ضلعين سود وحمر ماقـع ديـاره ليه خونت باللـي يتعبـون النجايـب=حزبي اللي على شوفك يسوق البشاره والجحش خان مثلك يوم حام الها يب=قال انا في تبـوك ولاتدخـل بـواره وهقوني وحطوني بوسـط النشايـب=كل يومن جنود النصر تلعـن بغـاره مار راسي وانا طفل ٍ وهالحين شايب=تاج عزي على راس ماينـزل شعـاره ان بغوها بسلم اهلا نكـب الطلايـب=وان بغوها بحرب ٍ مانهاب الخسـاره وتصدى للهجوم الشرس الفارس المغوار (( عبدالباري عبدالعزيز)) وقال مـاعـلــى الله خـفـيــا يـاعـقـيـد الـركـايــب=والظـنـون الأثيـمـه طــق عنـهـا اسـتـخـاره الـتـهـدد حـــرام وشــــر بــيــن الـقـرايــب=والجـمـل لنـكـسـر ماتـفـيـد فـيــه الـجـبـاره خيبـة الظـن مابهـا شــك . خـايـب وعـايـب=سـايــقٍ مـايـسـوق ألا بـشــاص وغــمــاره خـانـك الـحـظ ملـعـون الـثـوى والصـلايـب=استدار الفلك والحظ واصل مساره وعـالـم الـيـوم عـالـم فـيـه سـبـع العجـايـب=اطيب النـاس مـن يـدري وش اخبـار جـاره لاتـوهـق وتـذنــب وأنـــت عـامـيـن تـايــب=مـن يـذوق الـحـلا مايـحـب طـعـم الـمـراره راح مــال الغـنـاوي مـــن يـديـنـه نـهـايـب=مابـقـى غـيــر مـفـتـاح الـهـمـر والـعـمـاره ليـت شيـخ الجماعـه حطلـه شـخـص نـايـب=لايخلط السياسه في علوم التجاره ورد زعيم حزب النصر (( ناصر صويان)) عمدة الحزب فوقه مثل صـال اللهايـب=كل ماشب نـاره جيـت وطفيـت نـاره يامـدور مكاسـب ماورانـا كسـايـب=انت مثل الـذي يبنـي ويهـدم جـداره جاك حزب ٍ على حزبك يحـط النصايـب=نارنا نار حيـه وانـت نـارك شـراره لاتدور عـن المفقـود لاصـار غايـب=دور المنكسـر وده لــراع الجـبـاره ابـك حنـا ترانـا مذلليـن الصعايـب=كل منا علـى الماقـف براسـه نعـاره نغزي ونكسب ونعطـي بكـل النوايـب=حزبنا حزب نصـر ودايـم ٍ بانتصـاره وحزبك الله رثعبه وانت راس السبايـب=يافلسطيـن مابيديـك غيـر الحـجـاره قايد الحزب ياهل العرف ماهـو بتايـب=راح حزبه شتات ولابقا ألا حماره تــــــــــــــــــأـأبـــــــــــــــــع |
وبعد أيام رد قائد جيوش حزب العمده الى صفوف القوات
وقال ((العمده)) بعد رجوع قائد قواته نباء عليهم غارتن منها يشيـب اللـي رضيـع=حـدد لساعـات الصفـر بالليـل ولا بالنهـار حط ابو خالد بالسلاسل لين عـن غيـه يطيـع=اما ولد عبد العزيز ابـا انتحـر فيـه انتحـار حنا سلايل عبس جونا افراد وان جونا جميـع=حنا ذراء اللي ياعتزت فينا نبيع الهـا العمـار من اليوم هذا واقفن حزبي لكم فـي كـل ريـع=بـالارض ولا بالسمـاء ولا بغبـات البـحـار نقضتم الميثـاق قبـل يحـل ميعـاد الربيـع=والغدر والخدعه لكم عن باقـي العالـم شعـار اللي سكن يم اليمن واللي على الخـط السريـع=واللي جنوب من القصيم واللي جنو بن من قفار والله لاخليهم حفاه اعـراه مثـل اهـل البقيـع=عقب الكدالك والجيوب الكل يركب الـه حمـار ورد قائد الجيووش ((معيوف بن زهيميل)) البـادي اظلـم والوداعـه ماتضيـع امــن الـوديـع=وابليس يرجم في نهار النحر فـي سبـع الجمـار وش غيـر الأحـوال بيـن المشتـري واللـي يبيـع=والحـرب يبـدأ بالشـراره ..ينتهـي بـعـد الـدمـار حنـا سلايـل عبـس لامنـه هبـاالأصـل الوضـيـع=حنا مقابيس الوغـى ، لعرّضـت قحـص المهـار الأمـر شـورى ، والتحـدي عـادة الـرأس الرفيـع=بالضـيـق وألا بالسـعـه ،رجالـنـا نــار وعـمــار العهـد وعـد ولابعـد نقـض العـهـد يبـقـى منـيـع=فـي سلـم خلـق الله وحنـا ألنـا بعـد سـلـم وقــار الـلـي يـريـد العافـيـه بــاب العـفـا بــابٍ وسـيـع=قبـل تفـوت الرحلـه اللـي تنتـظـر لــه بالمـطـار الله وأمانـه مانبـا الـزبـده عـلـى الـراحـه تمـيـع=وإن حدت الزرقاء عزلنا السحر عن لعب القمار ورد زعيم حزب النصر (( ناصر صويان)) ماقدمـك الا السيـف ابــو حـديـن غـادلـه لمـيـع=ياللـي تـدور للقشـر تبشـر علـى شعـلـه ونــار عرضـت راســك للسـيـوف و للمغـيـره يالفـديـع=المعركـه دارت رحـاهـا والـزمـن فـيـك اسـتـدار انتـه وحزبـك مالكـم مـن عندنـا فضـل وصنـيـع=نـبـا نـولـع نـارهـا حـتـى يقربـهـا الـقــرار يامجمـع ٍ حزبـه تـرا حزبـك بعـد بـكـره يضـيـع=يجيه قصف من السمـاء ويجيـه قصـف مـن البحـار ماعاد اخف الحـرب عنكـم ليـن تحـت امـري تطيـع=ياللـي تذكرنـي بجـار ٍ عــام الاول خــان جــار انتـه لكيـع ٍ طحـت لـك بيـديـن رجــال ٍ لكـيـع=عقـب الحـلاوه اشربـوا ياحـزب مـن كـاس المـرار يامـا كسبنـا ويامـا اخذنـا بالمغـازي مـن قطـيـع=حنـا مكاسبنـا رمـاح القـوم مـع حـسـك الـوبـار واللي على يمنـاي فـي وقـت اللقـاء رجـل ٍ شجيـع=والا انت يالعمده على يمناك صاحبك الحمار وهاهنا انظم ((بتال )) الى حزب العمده وقال ياناصر صويان بسم الله وهو ربـن سميـع=نبدا على راسك نطق القفش ويثور الشـرار ان كان راسك معترض نفعل به الفعل الشنيع=ونطق عرقك من يمين ونظرب العرق اليسار يالين من حولك يخاف ويفعل اللي يستطيـع=لاكن مصيره للهزيمه كان عج المـوت ثـار ان كانها ثارت تراكم بين ميت مـع صريـع=ماتصمل البومه مع طير السعد نسل الحـرار وشلون تزمر قدم راس العمده اللي لك يبيـع=باعك على سلم القوافي ثم حطك وسط غـار والجحش نسله من خيار القوم ماهو بتبيـع=ان كان وقف صفقو له من كبار ومن صغار ياكم ظرب من شاعرن فالخشم ماحصل شفيع=ماهمه الخصم المسمى لو يكون من الكبـار وانا ترا بتال ضمن الحـزب والذايـع يذيـع=ياناصر صويان جاك العلم وانته من (خيار) تـــــــــــأـأأأبــــــــع |
وبعد اسبوع من القتال الشرس قال العمده وهو يظن ان زعيم النصر مات من الغاره الاخيره الذي قام بها
وقال ((العمده)) قطعت راس الشيخ ابو خالد وجبته في يـدي=وخليت جسمه لطيـور والسبـاع الجايعـات هذا جزاء اللي نعمل الهدنه معـاه ويعتـدي=خان العهود اللي قبل عامين معـه موثقـات والليله الليله يبين سهيل من نجـم الجـدي=مابين عبد الباري وعميد عبـس مطـاردات كان الجحش حوله من ظهر الفرس قلت بعدي=غزيت رايات الفرح ياعبس في كل الجهـات هذا مناي اليا كسبنا قبـل موتـي مقصـدي=ياحلو اخذ الثار يابنا عبس من قبل الممـات والكل طيـب ماذكـر فينـا جابـان ولا ردي=لكن حزبي فيه زود اشوي في بعض الصفات وبعدها بساعات قليله رد زعيم النصر (( ناصر صويان)) ليبن لنا انه لازال على قيد الحياه راسي صعيبه قطعتـه لاكـان ريـح ياولـدي=هذي احلام ٍ كـل ماترقـد يجنـك مزعجـات لو اضربك في ضربة ٍ وحده عن الحزب تغدي=وتصير في تال الزمان انته وحزبك في شتـات والليله الليله جحشك يصير عن حزبـك فـدي=تبا تجيب العيد فيه اهـل الفعـول الطايـلات من عام الاول وانتم اهدافي وغايـة مقصـدي=ياما وياما فوقكـم حامـت طيـور ٍ حايمـات يارئيس التجنيد لو في كل يوم ٍ تعتزي وتجندي=الخوف عقال الركب واحسب حساب المقبـلات اسمع كلامي وافهـم اللـي قلتلـك يامعـودي=انصح جحشك اللي معك قدام لايجيـه الممـات ورد الفارس المغوار ((عبدالباري عبدالعزيز )) المـوت جـاك وصاحبـك بالـمـوت هــادي ومـهـدي=اتبات فـي الـوادي،، يجيـك السيـل وتعـاف المبـات الـنـاس مـاتـدري وش الـلـي فـيـك لاقـمـت تـحـدي=ظلك تشوفه معك وتناديه ياالله هات هات الـشـكـوى لله ،شـــيء مـاهــو فـيـديــك ولايــــدي=بعـض الأمـور تعـد ضـمـن المشـكـلات الواهـيـات حرفي هجائي ،،والجحش حرفـه هجائـي وأبجـدي=مــاذم أبــو لـطـمـه مـعـودنـا يـجـيـب المـعـجـزات عينـي علـى اللـي مولـده ، منشـأه ،بحـدود أبـلـدي=مــا واق فــي رؤس المراقـيـب الـطـوال النايـفـات هــذا مــادام الشـعـر ينثروالبـسـاط ألـنـا احـمــدي=والعـلـم الآخــر نتـركـه لـغـطـرفٍ غـيــد الـبـنـات تـــــــــــــــــــــــــــــــــأـــــــــأبــــ ـــــــــــــــــع |
وبعد ايام اراد العمده تنفيذ حكم اعدام لعبدالباري عبدالعزيز بسبب سرقاته للصور
فقال ((العمده)) اخر الايام مافيه ياغيـر الرصـاص=ذا علاج السارق اللي على ربعه يعيل يوم عبد الباري اليوم واجه للقصاص=ابو خالد ينـردع مايومـي بالشليـل اجتمع ساكن بريده وسكان النمـاص=وطبخوها ضدنا مار مالاقو حصيـل الجحش خم ابو خالد وبالميدان حاص=اخذ اثرانا منه ياعسا عمـره طويـل البيوت الوافيه ماتعـادل بالرخـاص=وكان ماربي هداكم نزيد الكيل كيـل الحكم نفذ ولالـك مفـر ولامنـاص=بيوم جمعه وسند اعدام راسك لبو ذيل وقال وزير الاعلام لحزب العمده ((ابو ذيل)) وجهك ابيض يو م خلصتنا منهم خلاص=ما بقا الا ثنين و شعل بهم مثل الفتيـل رو حو طعا م ابو ذيل ما فيها محا ص=الا مر سا مي وبا رصهم مثـل النثيـل وكلوني بالمهمه ونـا ذوا اختصـا ص=ويلكم ويلا ا ه يالي تخضون الصميـل منكم اكبر راس حطوه في وسط القلاص=والحذر ثم الحـذر لاتطبـون المسيـل القطار وحملته غير ماهو حمل بـا ص=بين الوزن الخفيف من الـوزن الثقيـل تا كلون الحنضله ما تذوقون الخـلاص=تحر مون الزاد ومن الشراب السلسبيل وبعد دقائق قليله تدخل وقال (( الاجهر)) اركبـو ينشامـا فـوق ذيـك العـواص=لاتـذوقـون زاد ولاتنـامـون للـيـل ارخصوهن مع الطرقة ولو ماهن رخاص=دون دار الصبـاح اليـوم مابـه مقيـل من حرار الرشيدي مادخلهـن مخـاص=يبـردن الكـبـود ويزبـنـن الذلـيـل وردهن على ابو تركي ولا بـه منـاص=واطلبوه السموحـه والعفـو لـه جميـل ولا عطاكم علينـا هيصوهـن هيـاص=واحرصو لايشم العلـم هـذ بـو ذيـل وبعد ان سمع الاخبار زعيم حزب النصر (( ناصر صويان)) قال وين ابو ليلـى يشـوف الكـوارث والمقـاص=وياخذالعبـره مـن العمـده اللـي بالمسيـل بكره العمده نبا نركبـه فـي حـوض شـاص=ثـم نعـرف فيـه مـن لايعرفـون الجميـل الله اكبـر كـل يـوم ٍوحزبـه فـي نقـاص=صـار حزبـه بيـن مفقـود والاخـر قتيـل المعارك ماهي لعـب الـورق شريـا وهـاص=المعـارك تشعـل الزنـد فـي راس الفتـيـل وانت مالـك عـن سناهـا مفـر ولامحـاص=عمـدة ٍحولـت بيـدي مـن راس الطـويـل وعبد الباري سيفه اللي ضربك مـع المفـاص=مير عود للجحش ثم عود لبو ذيل والختام نتمنى الاستمرار للحزبين بالرديات بينهم داخل هالموضوع ليكون كامل متكامل واتمنى ان اعجبكم تقديمي للحرب العالميه بين اقوى حزبين بالشعر صحفي حرب الحزبين ..// سعد الشقل |
بيض الله وجهك والف شكر وتقدير
على التنسيق الرايع والتعليق اللا يق وتقبل ازكا التحايا العطره من اخوك ابو ذيل وزير الاعلام ونا سوف ابذل قصار جهدي لتغطيه والا علان عن مفا جاه جديده ممكن الليله او الصباح الباكر هههههههههههههههه |
هلا ومرحبا بوزير الاعلام
حاضرين ما سوينا الا الواجب |
إقتباس:
|
بيض الله وجهك والف شكر وتقدير
على التنسيق الرائع والجميل وسعادة العمده وحزبه باق الى قيام الساعه متربع على عرش البطولات والانتصارات مهما حاول الاعداء النيل منه فهو صامد بقياده خبير محنك يملك من الحكمه والكلمه النافذه ما يجعلنا نرتح ونطمأن على الحزن والعمدة محل ثقه جميع أفراد الحزب سر سر يا ابو تركي ونحن معك ما نهب المووت وانت القائد ههههههههههه |
| الساعة الآن +4: 01:06 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
