توكلنا على الله ماتوكلنا على أي أنسان=وبدينا فيك يالمشروع يالله تكتب الخيره
ولادري ينجح المشروع ولا يصبح الخسران=اخذت الواجب اواصلت بالسيره
ولو ينجح ماني قايل تراي الماهر الفنان=تراها من فضل ربي وهذا من تياسيره
وحقيقه مادخلته غير انا من فكرتي قنعان=ولو يرسب يعوضنا عزيز الجاه في غيره
ترى الانسان لو يغلط يخيله ماهو غلطان=وترى بعض البشر نكبته دايم من تدابيره
ياللي تبى البينيان تكفى جود السيسان=ضعيف الساس مابه خير لو يعجبك تصويره
ومن يفهم يسمونه جميع الناس يالفهمان=نعم ياخذ معك يعطي ويامحلا تقاريره
وعديم الفهم لو تاخذ معه تصبح منه بلشان=وياللي عايش الدنيا ترى كل وتفكيره
يالحاسد نبي ننصحك بالله عوذ الشيطان=نصيحه رطب السانك بتهليله وتكبيره
ترى الارزاق عند اللي رفع سبع بلا عمدان=ورزقه ماحدً رده ولو كثرت طوابيره
وانا رازقني الله بالقناعه واشكر الرحمان=وقدر راعي التقدير وانا اشوف تقديره
ماهو خبلً لياشيم يحسبه هو السلطان=يحسبً العرب ماتفهم الا في تشاويره
وهو لاجاءكلام الجد ماتلقاه بالميدان=رديً ياهل الوقفات لافزعه ولاغيره
وعسى ربي يطهر ها البلد من حاسد وجبان=وقايدنا عسى عمره طويل ويالله تجيره

الله عليه صح السان الشاعر

ابيات تحاكي امور بالغة التعقيد بنظره خبيره

سلمت ياخاتم

انا اول لاقريتها قلت انه مشروعك الجديد

هذي وين لقيتها ههههه

اثر مشاريع عبس واجد

الله يكتب لنا ولهم الوفيق