قبيلة بني رشيد

هذه الابيات كتبتها في موتري لوجود إعطال وقلت للموتر انتضر الراتب وابشر بالخير وهي من النوع الفكاهي ولكي لا أبخل عليكم بالجديد كتبتها لكم اتمنى ان تنال القبول:

ياموتري صبرك عليه أسبوعين=وينزل معاشي واشتري لك اقماشي
ياموتري والله فلا اقول بعدين=ان الله احياني وجاني معاشي
لو حاجتك عندي بغال المثامين=اللي ثمينن فيك عندي بلاشي
مرت اسنين انخلص الدين بالدين=ماهو بخوف من البلش والنقاشي
نخاف من يومن اتجاب الموازين=ويلقى البـنـ آدم ماسعابه وحاشي
والله لخلي شينك أزين من الزين=وش عاد لو انك بقية اقراشي
أبيك لامنه نحى البعد غالين=وابيك لاطالت علي المماشي
للي ابعيد وعد ماهم ابعيدين=اللي لهم بين الحنايا افراشي
أحبهم حبن اموصي به الدين=محبتن ماهي محبة اغشاشي
امي وابوي وحبهم مدهل العين=في حبهم ماصار عاذل وواشي