الفيه
 

الفن ابولف من الشعر ماطاب
نوادر من مثل الذهب عند صباب
قافن يعرفونه هل الشعرالالباب
اهل البيوت العالين مستواها
البا بسطرلي من الشعر ديوان
شعر تناقله العرب عبرالازمان
مثايلن يرسخ صداها بالاذهان
من شاعرن جزل المعاني نقاها
التاء ترى الشاعر بالامثال له دور
ياصف ضروف اهل الزمن باعمق شعور
به فكوا ارقابن وبه فك ماسور
فيه العرب تمدح كبار اوجهاها
الثاء ثمين القاف للناس مسموع
لاصار بالحكمه والامثال مبدوع
وعن الظروف يفك للناس مشروع
يبحث هموم اللي همومه شكاها
الجيم جبت من الحروف الزكيه
عن واقعن في هالحياه الشقيه
دنيا علي تحد شلفاء قويه
لاجيت اقاومها تزايد شقاها
الحاء حملت همومها والشقاء طال
والمتن كل ولاقدر شيل الاثقال
فوق الحمل زادت على الحمل مكيال
علي بقعاء تستدير براحاها
الخاء خليات الفجوج الوسيعات
في وادين بين الجبال الشهيقات
اخر من شوف الوجيه الكليحات
اللي مجالسها يبين رداها
الدال درب العز دور مساعيه
وان شفت غيرك منحرف لاتخاويه
من شذ يم النار شذت حراويه
والمرجله صعبه علي من بغاها
الذال ذب الرجم وارقب بعاليه
واللي مصد مصد لاتلفت فيه
خله بدربه وان هرج لاتحاكيه
ماضاقت الدنياء بكثر اسفاها
الرا رموز الشعرعند عند اكثر الناس
لافيه لامعنى ولاوزن وقياس
كلام فاضي سطره فوق قرطاس
واتعب حواسيسه على مابناه
الزا زهور الشعر يورق شجرها
واللي زرعها يقتطف من ثمرها
يعني بيوت بالشعر ماخسرها
لانه علي ساسن معزز بناها
السين سير للجماعه وزرها
سلم عليهم واحتسب واختصرها
لاتوه في دنياء طويلن قشرها
الناس ماتدرك لغاية رضاها
الشين شرهات القريب احتسبها
ادمح له الزله لعينه وسبها
عليه لاتبحث مصادر سببها
النار ماتحرق سواء اللي وطاها
الصاد صدك عن بنيخيك بالذات
حرام وموضح وتقرا بالابيات
زرهم وكثر للجماعه زيارات
ماعاش من عنهم دروبه نحاها
الضا ضميرك لا لاتبيح كنينه
خل السراير وسط قلبك دفينه
اجحد يلو قلبك تقطع وتينه
شكوى لغيرالله مايحمد ثناها
الطاء طبوع الناس متغيراتي
كلن على الموضه يجر الصواتي
فيه العيال يقلدون البناتي
مبليتن وابليس فيها بلاها
الظا ظهر جيلن على الارض باهي
داله وعن مايخجل النفس راهي
عن طبع جدانه تخلا ولاهي
يقول مالي بالسلوم وغثاها
العين عين لاينامن عيوني
وهاجوس فكري زاد قلبي طعوني
وعلي ضاقت من جميع الركوني
والعين عيت تهتني في كراها
الغين غبني ما
الظاء ظلام الليل يستر مساريه
والا النهار يبين منهو مشى فيه
واللاش بفعاله مافرح بنخيه
من جاه في حاجه رجع مالقاها