المعزب + اخو وضحى
بسم الله الرحمن الرحيم
السلام عليكم ورحمة الله وبركاته هذه المحاورة بين الشاعر المعزب والشاعر عبدالباري عبدالعزيز المعزب ياخو وضحى اليامنه سرى ليل الدجا تعـال=ولا يدري عن الموضوع ابوتركي وابوعوجه نبيها تحت جنحان الضلام اللي بدون هـلال=على ضو النجوم المرقبه ناخذ لنا روجه عبدالباري سرا ليل الدجا والشاردات الـواردات اسجـال=مخاصير الخلا الخالي ليا اظلم وادوت ا فجوجه توكلنا على الله واشرف بشاهق حداالاطـلال=ولا تحدا شعيل اليا ضميت اينثر اخروجه المعزب يازين الصوره اللي تحتضن بيت الشعـر ودلال=بدون الوان لكن فلمها يازين منتوجه ولكن ياطويل العمـر جاوبنـي علـى السـوال=(ابان) الظلع عن (راس القرى)قلي وش هروجه عبدالباري مادام الصورة اللي شفتها تعجبـك يالخيـال=عليك الله وامانه ماتباع بسوق فلوجه انا ابا جاوبك مير انتبـه لاتحـرج الرجـال=ترا رأس (القرى وابان) ابن عطوان مايدوجه المعزب حفضت الصوره اللي عبرت عن ماضي الاجيال=وقبلنا منك ميثاق العهد متغير الموجه ليامنا خذينـا فـوق عيـرات النضـا زرفـال=نبي نصتاد من طاير قطا الديره ودحروجه عبدالباري لقيت افجوج نجد اعلاج للي فيه ضيقـة بـال=متى ماضاق بالك شوف الارض القفر مفجوجه انا ليه على مثلك مشاريـه ٍ خطاهـا اثقـال=ماشفتك باللقاء بين الجبرتي وابن عروجه المعزب ياخو وضحى عن احداث الليالي مكثر الاقوال=سوالف مجتمع عقال ماهي ناس مرجوجه وانا ليه على مثلك كذلـك والعلـوم اطـوال=مدامك محتزم بالسيف والسكين ابو خوجه عبدالباري مدام انك تسرحها مع المفلا بدون عقال=بعذرك لو عدود الباديه بالرجل مسهوجه انا ماودي اشغل بالمغازل شاشة الجوال=وأنا مزيون تفتني عيونٍ سود مدعوجه المعزب حذفت عقالها عنها بعد ماصابها السـلال=عراقيه تبي صدام والصحاف وعلوجه الا يالصاحب المزيون مالك وصف بالازوال=عساها فدوتك دلوعة العالم وغنوجه |
الله الله ياسلام عليكم شعار كبار مافيكم حيله فالكم البيرق والخمسه مليون
وتشكراتي لك يامنسق المحاوره ودمتم سالمين غانمين |
العالم الفلكي المشرف الرائع
اشكرك على التنسيق بيض الله وجهك |
مشكور يالعالم الفلكي لون هالشعار مادنيهم وانتم تعرفون السبب ههههههههههههه
|
مشكور ياالعالم الفلكي على التنسيق
الله لايهينك وصحت السنت الشعااااااااااااااااااار |
صحت السنتكم الشاعر الكبير / المعزب والشاعر الكبير / عبدالباري
محاورة جميلة بين شعراء متمكنين العالم الفلكي شكراً لك على التنسيق أيها المشرف الرائع |
إقتباس:
وجهك أبيض ياعبدالباري مشكور على المرور |
إقتباس:
مشكور على المرور يابو تركي |
الساعة الآن +4: 09:07 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.