قبيلة بني رشيد - ياللي تحرى وتنتظر للجديدي/إهداء لشيخ /نايف بن هني الرويضي

السلام عليكم ورحمة الله وبركاته

أعضاء وزوار شبكة عبس قلعة المجد والتاريخ
يسرني أن اصافحكم بهذه الابيات المهداه لشيخ /نايف بن هني الرويضي

الذي كسب حب الجميع بطيبه ودماثة اخلاقه والحقيقه أنه يستاهل أجزل من هذه الابيات
ولكن جت رد مني على طلبه لجديدي ويشرفني أن يكون بحجم الشيخ نايف متابع لجديدي

ياللي تحرى وتنتظر للجديدي=أسمع جديدي وآخر اللي كتبته
بيني وبين الشعر كيد(ن)نكيدي=أما مشى طوعي وطوعه غلبته
ولاتركت الشرد حتى تهيدي=أخشى يقال أني بهفوه جلبته
لو كان في بنكه مسجل رصيدي=ويابن هني لاجلك زهمت وطلبته
وجندلك جزله ودونه يحيدي=يوم استوى يمك سطيت وقلبته
وهاضن جزال ليمتك من فريدي=ياشيخ ياللي دلو عزك جذبته
من لابتن منهم يخاف الضديدي=أنا أشهنك يارويضي كسبته
بقمة سنام الطيب حبلك حديدي=وكل الظفر بالمختصر لك سلبته
نايف على أسمك بالمكارم تزيدي=وهذا الجديد اللي من أجلك كتبته

خاتم بن حاضر الرشيدي