قبيلة بني رشيد - محاورةعادل بن هون وخاتم سليمان

خاتم سليمان:
سلام الله بقاف ٍ بعد زاد الكيف بالفنجال
وفنجالك من ذراع المعزب ماهي اذراعي
ترى ديس المنيحه يكفي الأيتام والجمّال
ولكن دونه عيال الرعاه اللي بلا راعي
عادل بن هون:
هلاياخاتم سليمان عبر النت كيف الحال=والياقدمت فنجال المعزب طبت ياساعي
عسى جلدالمنيحه يدفي النزال والرحال=مادام الطيب بين الناس يابليهان ماضاعي
خاتم سليمان:
عسى فيك البقاء بالنت والمحمـول والأرسـال
وعسى النيّه تزين امن الحسد وتزين الأوضاعي
ياعادل لو يزود الشـر نقطـه يقهـر الرجّـال
حقوق المسلمين اضّيع والمسلـم بـلا داعـي

عادل بن هون:
عربنا عايشه في حلم مبنين على الاطلال=وياكبر الخطا كان الرئيس لبوش ماطاعي
تمهل لاتوهق ثم تلحق راعي التمثال=وانا خايف تصيبك طلقتن من بين الاضلاعي
خاتم سليمان:
على روس العرب يظهر مسيح الأمّه الدجاّل=وهم سلعه على العالم بنص القرش تنباعي

يقولون الحقيقه باب ماتقفل عليه اقفال=طماميع العرب كثرت وانا رجّال طمّاعي

---عادل بن هون:---------------------------------------------------------------------
من اسمه كل شخصن ياعميلي ياخذالمكيال=وانااسمع عنك(خاتم )تنلبس دبله بالاصباعي
يقولون العرب لوشفت رجلي سابقن خيال=فلا تكذب وقل خيال هيفاصارمطواعي
خاتم سليمان:
عسى الله مايهينك وانت من اسمك عليك اشكال
وانا خاتم نبي الله ونوعـي غيـر الانواعـي
وانا أقول العرب ياطيبهـم بالقـول والأمثـال
ولكن روسهـم صلعـاء ومفلوقـه بمقلاعـي

عادل بن هون:
تشرفنا بمعرفتك وسهرالعين زاد وطال=نبي منك السموحه بالخطا يازين الاطباعي
وسلم لي على نفسك وسلم لي على الزلزال=عسى عمرك طويل ونلتقي في وقت مرباعي

http://www.bani-3abs.net/aa/Bany-3ab...ons/report.gif