|
(( القصائد المتأهلة لما قبل لــ10 قصائد من حصاد الموسم ( شاعر الموسم ) ))
أعزائي أعضاء ورواد شبكة المجد والتاريخ السلام عليكم ورحمة الله وبركاته : هذه القصائد التي تأهلت لمرحلة ماقبل ل عشر قصائد والتي أجمعت عليها لجنة التقييم بمسابقة أفضل عشر قصائد حصاد الموسم (شاعر الموسم) والتي شارك فيها أكثر من 56 شاعر وجميع الشعراء الذي شاركونا مميزين ونحن اللذين فزنا بمشاركتهم ونبارك للذي تأهلت قصائدهم وحظ أوفر لمن لم يحالفهم الحظ بالمسابقات القادمة نطرح امامكم القصائد المختارة للتصويت والتفاعل والتشجيع وابدى آرائكم ريثما تنتهي اللجنة الموقرة من فرز القصائد الفائزة قريبا أن شاء الله فوزان بن مربح البارحه يوم اول الليل ولا قريت في راي الحديث ابن ماجه قريت ماني بالرواه اتسلا لكن لقيت القلب ديني علاجه كلا لمن يغفل عن الدين كلا لو انتهج كل العلوم انتهاجه واللي على روح الخلايق تولا ان الحياه بليل والله سراجه ان الهدى نور الحياه وتجلا مثل الشروق بطلته وابتهاجه لو فيه من غلة يديه استغلا بالدين وادابه على شان حاجه مايدري ان النفس خيط تدلا وفي منتهاه يواجه اللي يواجه اما على نار الجحيم يتصلا يجهل ليامنه دخلها خراجه جل من تعالى ماعليه نتعلا لكن يامخلوق ادع ربك وناجه وانت برجاه وعزته ماتذلا وان حاط بك هم عليه انفراجه لابتلاك بنعمته لاتبلا حي تسبب ضيقته وانحراجه حاول بالاخلاق الحميده تحلا الكبر عرش ابليس والكذب تاجه سلام ياشيخ ليا جيت هلا شيخ تنومس نظرا في حجاجه مشعل كما جدي الكواكب تعلا شوفه علاج الي وشوفي علاجه يابعد كلمة لا على كلمة الا الاوله تنفي والاخرى احتجاجه قلها عساك بضلها تستضلا العمر عود فيه عدل وعواجه وين القصيد ومحتمين المخلا وفلة حجاج اللي عقدبي حجاجه مالك الصامل ماعاد فيها غريب لكل شي منتهاه مثل البدايات تنهيها نهاياتها نويت اسج الركايب يم درب النجاه تعبت من عالم (ن) ياشين نياتها عشت بزماني وانا دايم شديد انتباه فاهم تقاليد خلق الله وعاداتها أخذت فن التعامل من عقول الدهاه ولا مد يمنايه الا بجزل مداتها والناس دايم تحاول تعكس الاتجاه وتحمل انفوسها من فوق طاقاتها تزعل من الحق وتدور على الاشتباه ولاغيرتني طبايعها وشرهاتها تطاولت بالبناء حتى الحفاه الرعاه يعني القيامه مبينتن علاماتها يارب عشنا وشفنا ضعفنا بالحياه انا بجاهك عن الدنيا وشهواتها يارب عفوك ليا جينا حفاة عراه يوم الوقوف العظيم وكشف عوراتها ويحاسب العبد يوم البعث فيما جناه والنفس برحمتك تنجيها حسناتها أغفر لعبدك عن الزله وسدد خطاه قدام نفسه تعذب عند سكراتها وافرج لقلب يتضايق من خلاه بخلاه يسج سجه ولا يحسب حساباتها عثمان البراك لا مالت الشمس وتعدت للزوال وللغروب = قمت آتذكر فالزمان وفالليالي وش جرى كنت أحسب ان العاشق اللي يعشق الجادل كذوب = حتى طرالي في حياتي شي ماعمره طرى الله يسترمن عواقيب المسافة والدروب = والله يستر لا تعلقت بمشايخ وومرا وجهت صوبك واكثر العالم مع الأحباب صوب = كل يميز دربه وكل على همه سرى ألا الضميراللي يحسب انه مع الناس محسوب = أفقر من الذرة وفجأة طاح باموال الثرى عمري وانا ما صدق آشوف النعومة والعذوب = حتى ولا شفت النعومة فالمناطق والقرى يازهرة الأيام لو تدرين باوهام القلوب = أوهامي اللي بالخيال ونوب باحلام الكرى السكر امع الماء يذوب وقلبي بشوفك يذوب = ما كن أشوف ألا انت مابين الثريا والثرى تستعذب النظرات نوب وتكتم النظرات نوب = كنك ترى اني أراك ونوب ماكنك ترى ان كان في عشق المودة والغلا بعض العيوب = أشهد شهادة كلبونا فالمعاييب خشرا سولف تواضع لي وعطني من غلا الأحباب كوب = بريت جروح العالمين ونص جرحي ما برى ودي أعيش بفي رمشك لا رياح ولا هبوب = اعيونك الثنتين ما شا الله ورموشك ذرى قولة جرير اللي حكم للعالمين وللشعوب = مايذبح ألا نظرة عيون الغضيض الأحورا واحترت مدري وش ورى سر الحوادث والغيوب = أما آتقدم خطوة ال قدام ولا ارجع ورى اتصدقين اني على الأمرين فالحال مغلوب = وان الفؤاد اللي يحبك مات حب ولا درى توي عرفت المغرم اللي بالهوى ماهو كذوب = وتوي فهمت اللي حصل للعاشقين ووش جرى هاني عايض العرعري من هو اللي بحق الثاني اخطا وتاب *؟ * قل عسى الامر في تاليه خيره واتوب ** كل ماتلتفت عيني حداها السراب **وقمت اشوفك تصادفني بكل الدروب ** شد حيلك ترى ماعاد للضحك ناب **ولايهمك ترى ما فات شي محسوب ** هاك روحن جسدها متجه للتراب **ضاعت انفاسها وانساح من كل صوب ** . وش يهم البنادم غير يوم الحساب **من يلومه اليا صكت عليه الذنوب * . والله اعلم وش اللي بين الاضلاع ذاب **. طالبك ياعظيم الشان صلح القلوب ** . ياهجوس الليال الموحشه والغياب **. من حضرتي وناري كل ليله شبوب ** . صاحبي كل غفله في قفاها العذاب **. ومن تجاهل مصيره مافلح ومغلوب ** . كلنا تحت حكم اللي خلق هالدواب **ونلتجي له اليا اشتدت علينا الكروب ** وصاحبي والسؤال اللي بليا جواب **ماعرفت الحقيقه لين حل الغروب ** مسند العويمري كتبت الشعر في صفحة خيال وحل حلم وسال عن حلومن تحقق في عناق القوم ملزومه تخيلتك خيال اللي تخيل بلخيال خيال خيالن شح في برقه ورعاده وديمومه خيالن سار بي صوبك وفي لحضة وصولك قال طلع نور الفجر لابد لعيونك من القومه يطول الشرح وعجاج الخيال وشي ماينقال نهاية رحلة الطرقي ليال أيام محسومه شكيتك همي الصامت على مر الزمن لو طال شكيتك همي اللي لو خفيته بانت وسومه يتيم من الفرح جفنن كبر والدمع دمع اطفال يتباها ويتصبر و الحلوم تفتر أعزومه اذا الحمله ثقيله والجمال الي تشيل اهزال تبي تبقا مع أحمولن بقت بلقاع مردومه يقال الوقت مظلم في طيوفه والدجا لازال أقول الشمس تبقا شمس فوق الارض معلومه أضن الحيله الي ما تبيض جبهة الحيال ضعيفه والضعاف بسوقها ماهي بمسيومه وطن تبقا وطن غالي ويفداك العمر والمال ولكن عزتي تبقا بقدر وعز مشيومه وطن تلقاني بجنبك اذا بار العميل ومال وطن تبقى يدينه بيض لك ماهي بمسمومه |
بركة الخياري كل ماذعذع هوى الليل في قلبي سرى هاجس مايعلمه غير علام الغيوب ماعرفت أعالجه بالعلاج ولا برى جرحه اللي غير عن كل جرح بالقلوب ياهني اللي عن الجرح داله مادرى ماعطاه الله من الهم و الجمر الشبوب طحت طيحت طايح لاظلال ولا ذرى خان فيه الوقتو إنغر بالحلم الكذوب ياوجودي وجد من طب بالسوق وشرى من حلاله علت يوم غرته الدروب و ياوجودي وجد من شاف بالصك وقرى حكمه بتعزير بكره قبل وقت الغروب وياوجودي ثم مثله من قبال ورى في زمان الجور لاهو ركوب ولا حلوب طال في الحزن ماذوق لذات الكرى والصدر ولواله أصبح على حاله ذنوب يأهل المدن العريضه وياناس القرى لي حبيب دونه النفس عيت لا تتوب تل قلبي من غرامه إليا منه طرى تلت اللي مامشت غير في يوم الحروب نوع نفاثه مع الجو ما تمشي ثرى بين مردوم السحايب وصفاق الهبوب من فراقه ذقت الاوجاع لاكن ياترى نلتقي عقب المتاهات بالوقت اللعوب أو لقانا شي ماهو حقيقي مفترى كذبة الافكار ولا خيالات القلوب ناعس العينين مترف صغير وأسمرى يكتمل بالزين لو مالبس له غير ثوب لا نظرني طبت وإنفك باب ومعبرى الله اللي حط له في من بد الشعوب ياعسى مايخيب من ظن ظنه وإحترى عقب لوعات الليالي و ضيقات الكروب محمد الراشد صحيح احبك من زمان الطفوله يوم الشقا عن قرب الاطفال تايب حتى المحبة يوم جتنا خجوله مستغربة؟ طفلين صاروا حبابب نضحك نسولف كل خافي نقوله والحب مخفينه.. نخاف القرايب رعيان نفرح بالربيع بحلوله لاقفى الدهر من جية الوسم هايب نفرح بساعات المطر في هطوله وانضيق اذا مافي سمانا سحايب وكان الفراق الليل لاعلن وصوله ويروح ليلي بس افكر بغايب والصبح كل "كيد ولم ذلوله وكل "على الثاني من الشوق ذايب احيانا اركب والذلول معقوله عجلان.. ماظنه عشان الركايب مع الفرح مرت سنيني عجوله وكل "مشى في درب مثل الذهايب لاصوت لاصورة ولاشفت زوله مدفون حي بدون قبر ونصايب والعنك ياشي "يجي بالسهوله مصيرك تواجه وراه الصعايب شفني؟ ربحت الكاس قبل البطوله وشفني خسرت الكاس يوم الكسايب ماكل شي "لابغيته تنوله تمشي وترجع باخر الوقت خايب اخذت لي في نعمة الحب جوله وتغير الواقع بليا سبايب واصبحت اعرف الحب عرضه وطوله وعرفت وش معنى الجروح العطايب حب الطفوله يوم وصل الرجوله تبدلت حاله وشفت المصايب بس انت حاول قدر الامكان توله لوني على مركاي والراس شايب انت بخفوقي لك ربوع وحموله وابشر بعزك لوتهب الهبايب عواض بن بهلان البارحه ياصاحبي ساعاتها تحبي حبي الثانيه نفس الدقيقه والدقيقه ساعتين طول على الليل والافكار مدري وش تبي كنك تقول مخيره ومسيره في حاجتين مابين هيض وغيض اردي ياهجوسي وشربي من هيض ولا غيض والمعنى من الشاعر يبين يبين في فكر الذكي ولا الغبي يبقا غبي ينجح ذكي يسقط غبي والمدرسه عبر السنين ومن ماعرف درس السنين وماعرف وش تطلبي يسقط لان الدرس فيه الساقطين الناجحين والشاعر المبدع يحفظ الدرس غيب ويكتبي ان اكترب يكتب جزل ون ارتخى يكتب سمين من راسه لطهر الورق يكتب على اللي هو يبي يصبها فكره ذهب لان الفكر اصله ثمين مبدع ولا عنده مشاكل شرقي او غربي مبدع وشعره رشحه مبدع مع اللي مبدعين ولا الهزيل اصله هزيل وبالمدارس يرسبي ان ابتدا بيته عوج ون انتهاه البيت شين افكاره انه فاهمن ومحققن ما يرغبي ضايع حسب نفسه مع اللي باشعرمتسنعين الشعر في وصفه اذا قلت يهبي قلت يهبي قلت يهبي قلت يهبي اربع ولاهي مرتين الشعر فيه اسهوم قوم وحد سيفن احدبي وصهيل خيل وموت ورماحن يسار ومن يمين وحيان كن الشعر ورد وعطر ريحه يجذبي مابين مسك وبين عود وبين فل ويسمين والكير وسط النار ولا المسك في بطن الضبي الكير لهل الكير ولا المسك طيب الطيبين العلم بين والمعاني ليلها تسبي سبي البارحه ليل وهجاد وبرد ياربي تعين احسها ياصاحبي ساعاتها تحبي حبي الثانيه نفس الدقيقه والدقيقه ساعتين النقيشي قالولى ابطيت قلت لاعاد من بطا عساك طيب من جميع الهوايل قلت اليه حساب اسنين من تبعى الهوا اولاخير فلى يخلفن الرسايل رمتنى الى زينها يسقى الطنا وبزينها ماقربتها المحايل رميتها رميت عنود مع الخلا وهيه رمتنى بلعيون الكحايل خرعوبتن تشدا المطرق القنا الى مطاليعه رمال اوسلايل وجدى علاها عد ماينبت الحيا وعداد ماهلت عليه المخايل وونتى ونيتها بين اوخفا ياليت لى معهوحلال اورحايل فى ظف ربعا ماداخلوهوالعدا اهل الكرم واهل اليدين الطوايل انجيت ابتبعهو ودارى من الخطا ولد الطلق مايمشى الابدلايل اخاف من زله ومن هرجت الملا الى يبينون القول لوبالفعايل ايقولها الى ظايق الين والجسا ولايشد الحمل والحمل مايل مساعد عواض عشت في دنيا العجب سبعه وعشرين عام .......... مالقيت احدا تريح من التنكيد يوم لوحصلي كم سجه قديمه وانسجام .......... عارف لذات وقتي تروح ولاتدوم عايش عيشت نكد بين جمعه وانقسام .......... كن في راسي طيورا مع اللجه تحوم زحمت الافكار صارت حروب بلا سلام .......... والحقايق واضحه في دفاعي والهجوم اشهد ان الطيب فعله بغير اهله حرام .......... لو تبيه يدوم ساعه ثواني مايدوم بالردي لوتفعل الطيب كله ماستقام ........... مايشره ويتشره على الناس ويزوم يعتزي ويعد نفسه كريم ابن كرام .......... بالرخا يصير مثل القمر وسط النجوم والشدايد وقتها مايشد ابه الحزام .......... لاطلبته شي قامن يضيعن العلوم لاكن اعتبره وفا لاسلمت من الملام .......... هاكذا شكله من الخير مفلس ومحروم لو يكون اهل الكرم من خواله والعمام .......... دايم الاجواد يبلون في فعل الرخوم |
شامخ الشامخ غربة الانسان.. مجداف القصيد سفنها الاحزان.. والشاعر بحر صدرها القبطان.. وانفاسي عبيد وشطها الحرمان.. والميناء الصبر صوتها الامواج.. واحروفي جليد والفضاء المونتاج.. والضيقة صور عمرها المحتاج.. واسنيني رصيد والجروح التاج.. واحلامي قصر طاوي الاشواق.. واحساسي بريد واروي الاذواق.. من وجهة نظر لا رضيت افراق.. ما يرضاك عيد والحياة اوراق.. والفرقى جمر وغربة الايام.. تكتب ما تريد وتحفر الاقدام.. دربي والقبر وانسف الاعوام.. وابدأ من جديد وتصرخ الاحلام.. كااافي يا بشر! لو شربت الليل.. ما يرجع فقيد لو تعيش بويل.. ما ترد القدر لو دموعك سيل.. والنظرات بيد ما غمرت سهيل.. لو عمرك سفر هاجر الاوطان.. ومسافر وحيد واسقي الخلان.. من عمري عمر ليلي الاغصان.. وايامي جريد وعامي البستان.. واشهوري شجر! قسورة الغاب ماهقيت بسكوون الليل للورق زام لين غنت لحوون ماتنكرتها حسبي الله علي نغمة هديل الحمام ليلة جابني حظي وسامرتها اضحكتني مقام وعذبتني مقام حسبي الله عليها يووم قاصرتها ليتني ماسريت الليل وجفن نام ليت عنها القدم زلت وعبرتها ليتها ماتغنت في لحون الغرام ليتني عن جروح العام طيرتها جريتك ياحمامه ماعليها ملام الملامه عليه يوووم جاوورتها ياهديل الحمام وياسكوون الظلام صدفة جمعتنا ماتصوورتها يووم طيفه عبر وارخا عليه اللثام ول ياليلة زارتني وزرتها مادريت ان لذكري بقلبي خطام والعهد بالجروح العام دثرتها والله اني علي الذكري شديد الخصام لين نادتني طيووفه وحاوورتها في عنوود الضبا ماباح سد الغرام غير شكواي وسط احشاي كثرتها مايفيد السكووت ولايفيد الكلام ويل قلبي ليا مني تذكرتها الشاعر : حمود البراهيم على ذكراك ومن لهفت عيون (ن) ودهالقياك تخيلتك على شاشة خيال الفكر قدامي توقعت انها لحظة وصال وصادقه وياك جمعت لك اروع اوراق الغلاءفي غفلةايامي قضيت الليل مع وقع الخيال ولالحقت اقصاك اقلب صورتك فى ناظر (ن) غبتى ولانامي تهادى نظرتى مابين طرفك والهدب وشفاك تلاشى بين وجنات الخدود ونحرك الزامي الهت فيك العيون وسطرت بهدابها ذكراك عساها تلتهي بك عن خيال راح مادامي تنحى بك خيالك بعد ماطال اللقاءوخفاك على ضوءالشروق اقراءحقيقة نشوة احلامي دريت اني اعيش اوهام قلب ماقوى فرقاك شكى فى غيبتك جرح الزمان وهم والامي حياتى ينحنى ضيم الليال وشقاء لرضاك يتوق لك الخفوق اللى شقى بالحب ونظامي حياتى كل مامرت على قلب العناء طرياك تجدد بة صوابة ونفتح بة جرحة الدامي حياتى كان تيارالغلاءوالشوق ساق اخطاك على نفس الطريق اللى تلاقت فية الاقدامي انا كلي امل وانت الامل يمي تجي برضاك لعلك في وصالك تحيي اوراق الغلا الظامي المحيط الهادي الارض كوكب بالفضاء مستقله والشمس فيها ماتخاوى مع الليل وسقف الكواكب ثابت في محله من غير عمدان تشيله عن الميل والناس فوق الارض تسعين مله وفيهم من اللي يعبد الثور والفيل ياكثرهم لكن فإرادة الله في ثانية يقضي عليهم سرافيل ياهاجس الشعر.. الحياة الممله ثارت حفيظة متعب الجيش والخيل تعال خذ دفتر خفوقي وفله ولايزعجك فالصدر كثر المواويل خذ ماتبيه ومايخالفك خله وليا تعبت من العنا والمراسيل ماكل دلو يروي اللي يتله وشط البحر ماهو مثل ضفة النيل البحر حلق المضمية مايبله والنهر من ميه تزيد المحاصيل لا والله.. الا علة الوقت عله مافاد فيها الاخذ والحط والشيل ودروبي اللي من ورا الضلع كله قامت تلاقطها عيون الدرابيل فالبال غصن ماكسا الارض ضله ميت ضما وغصون غيره محاميل ليت الثريا اللي بعيني مطله تنشد لو أنه يوم عن غيبت سهيل الشوق مثل (الهيل) والصدر (دله) والبعد (جمر) تفوح منه المعاميل والمزنه اللي بالصدر مستهله ياما سقت بيض الورق والمناديل ياهاجسي لمرك الشوق قله قدام لاتسفي عليه الغراميل جسمي هنا.. والقلب يم الاهله له بين جرات الكواكب مداهيل مايجذبه للارض فندق وفله ولا يوم شدنه تواقيع (أبا الخيل) لولا الغلا وزروع عمري وفله لقطع عن العالم دروب المواصيل رائد الذيابي تجين.. .. نشاور / ايام العمر.. ونعزي المصباح ونكسر.. ضوه بنورك ونذبح. /. باقي آهاتك تجين.. نعلم التين الحكي /.. ونزخرف التفاح ونشعل في.. / حنايا الدرب.. من شمعات وجناتك تجين.. ونطفي انضار العيون.. / ونلحق الارواح ونمشي.. وين.؟ ما ادري.. / ولكن في مداراتك تجين.. نشارك اهداب الطيور /.. من الفجر لا لاح ونكشف للصباح.. ان الشعاع اسباب. /. لفتاتك تجين.. نعانق الوان المساء.. / اللي وقف يرتاح مابين اهداب.. عينك والوله حاضر.. / ولا فاتك تجين نفك.. .. ازارير / الزمان وعمرك اللي.. راح ونرمي بالجمر.. / دمعة حطب.. ونلملم شتاتك تجين.. نعاتب آيات الفنار /.. بنضرة الملاح ونكتب.. للسفر سر الوجود.. / وسر خطواتك تجين نهاجر.. بيوت البعاد.. / ونسكن الافراح تجين ونرسم.. النشوه من الجوري.. / على شفاتك تجين.. نشيل نعش التيه..! في دربك ليامن / صاح تجين نخبر.. النآي الحزين.. / شلون همساتك تجين.. نعد كم مره.. كسى. /. بدر الوجود.. وشاح وقمتي من كرم.. نورك حضنتي الكون.. / في ذاتك تجين.. نقارن المسك.. / بشذا نسماتك.. اليا فاح ونربط.. في متاهات العنا... شرطان هقواتك تجين.. نقفل ابواب القبور.. / ونبلع المفتاح وابنحت.. فوق صدرك عايشن..! (فيذآ).. / ولا ماتك تجين.. .. نبهرج / ايام العمر.. ونعزي المصباح ونشعل في.. خفوقي نآر.. حبك.. / واذبح آهاتك عبد الرحمن العويمري جو الفراق وغيم الأشواق والتيه = على بعضهن من بعضهن تشاكن وصار العتب على الزمن والمشاريه = هذا الزمان اللي بحزنة لفاكن لية المفارق يازمان الشقا ليه = يااحلى الليالي لية دارت رحاكن يعني فرح عمري معه جرح قافيه = ومغلفة بالجرح ضحكة جماكن والجرح وهمومة وقلبي وأمانيه = اسمع صداهن داخلي لاتحاكن يحكن عن غدر الزمان ومساريه = وذكرى الغلا من بين ذيك المساكن ذكرى وليف (ن) غاب والقلب هاويه = مايدري ان جوي بلياة داكن ياصاحبي شف خافقي شوف وش فيه = من يوم غبت الهم بالقلب ساكن غبت وجروح القلب هدت هقاويه = وحبك وجرحك في ضلوعي تراكن حبك مناة القلب والجرح كاويه = وعيون حبك في غيابك تباكن هذا وانا طرق الحزن بس اغنيه = تشتاق لك عيني وكل الاماكن أحمدسلهود هلا باللي سرق حزن الزمن من نظرة عيوني وخلا نظرتي بيضاء لوقت كان سوداوي أناظر في وجيه الخلق وألقاهم يهنوني وأنا قبلك تجي ذيب الهلاك بمهجتي عاوي تلحقت برمق وقتي وعاد الماء لعرجوني بعد ذاك الجفاف اللي جعله من الضماء ذاوي رزقني فيك ربي من دعاء ناس يحبوني وقف حظي على حيله بعد ماطاح متساوي حبيبي عادي التحطيم من ناس يحسدوني لأن أكثر عباد الله لا ترحم ولا تاوي عيوني منك أنا صرت استشف الكحل بجفوني وإذا به شخص غاوي بالمحبه فيك أنا غاوي تعال أجلس على عرش الغلا يا مرهب طعوني لهيب الشوق عاث بداخلي ويدورك ضاوي تضلل عن وهج حره بضل القلب وغصوني ولا منه ضواك الليل دور فيهن مخاوي عصافير الغرام بشجرته قاموا يغنوني تصدر من نهر حب عليه الضامي الراوي صدح صوت الغرام بمنبرك يا محرك شجوني واحس أعضاي مطربها بصوته حضرة الراوي الآ ياململم شتات السكون امشتت اسكوني تزلزلني بفرصاد الشفاة اوحكي شرقاوي حبيبي شف غلاك اجتث عرق الياس من كوني وخلا نظرتي بيضاء لوقت كان سوداوي.... زلزال الرعود كل ماتطلع عليه مفاجأة الطريق....اتذكر كلمة من زمان اوحيتها كلمة تبرابها تجربة عمر الصديق....طشها في بحر آمالي وانا زليتها قربتها بيض الايام لابواب المضيق....واوقفتلي لين ضاق الوساع وجيتها اثرها تبرم وصالي مع البيت العتيق....مثل ماقال ابن وسام! يخرب بيتها والله اني مانويت انقض العهد الوثيق....واترك اعهود على عاتقي حطيتها لين حال الموج بين السواحل والغريق....واستوت عندي سوا اخذتها او خليتها مايكلف ربنا.. نفس فيمالا تطيق....اما انا لو هي بودي فنت.. مااعفيتها اه من صبر صبرته على زيف البريق....انشفت حالي ورجلي وراه احفيتها كني اللي كل يوم معلق في فريق....الحضر مريتها والبدو مريتها شيء في حقي وحق النشاما مايليق....لكن اني مثل ما جبتها وديتها مادرا عنها معي لاالبعيد ولا الرفيق....صغتها في عرش كسرا سنه واخفيتها لو محاديب الضماير مثل نارالحريق....كل ماشبت بطيب الرجاء طفيتها اكفخ بجنحان حلمي كما الحر الطليق....واتفاءل ليت الايام تصدق ليتها من حجا شم الشواهق نظر عيني يويق....حق الارض اللي لو اموت ماطبيتها! عايض بن صالح الرشيدي (ابو صالح الشويلعي) البارحه سجلت من صيد الافكار...نزل البيوت اللي نبيلا هدفها اسبر نظرعيني على النزل واختار...اقز منه الطيبه وخطفها من شأن ماتسولف مفسرت الاشعار...اللي مضامين البيوت تعرفها اهل الخيول مروضة قب الامهار...فيما تبيه تعنها وتعسفها وانا مدنيلي على الدرب فكسار...يخطف من افواه الجوازي لعفها يوم الركايب بالعصا مطرقه نار...يقطع مسافه دمعته ماذرفها والخد ميدان المراكب والاحرار...لعل حاضرها يواكب سلفها لو تختلف باشكالها دمها حار...حذفه وشرهتها على اللي حذفها منها يصابح دار ويمسي بدار...مسافته لو طالت الله خلفها ومنها الياخذله مع الدرب مشوار...رجليه بالطرقه ايبين جنفها ومنها كثير الياقطع خمسة امتار...الناس بالسكه وهو مع طرفها واقع يشوفونه بعيدين الانظار...اللي زمان العولمه مانصفها والاقريبين النظر عمي الابصار...ماتحق شوف عيونها من صلفها والمركز العمده وسلمان عمار...والذيب ابن عطوان يهرف كنفها شعار اهل معنى ومارد ومصدار...اوتار عسرات اللحون تعزفها على الذهوب مسلطه مثل الاقمار...و ان لاحضة جرباه تلعن جدفها يقوله اللي كان مذهب ودوار...ذهيبته ماغيرهم من وصفها حسد القريب وظلم ناقلة الاخبار...لو ابدت الايام للناس اسفها .......................................... shoeely (مخاوي) ياعذبتي في غيابك تعتريني ضيقة الحال ردي علي الضيا واعطيني المجد وصهيله اشتقت لاحلى الليالي شوق ما يطري على بال واشتقت يا عذبتي لعيونك السودالكحيلة ياماعلى حنجرتك الدافية علقت الامال واهديت عطرك وهمساتك للاضلاع النحيلة واشتقت للضحكة اللي صبت من الحلم شلال والمبسم اللي يشب البرق من سدر المخيلة تعالي ابغى استريح بظلك الممدود واختال تعبت واتعبني الركض الطويل بلا وسيلة تعالي ابغى عيونك معطفي وذراعك الشال ترجف عظامي من البرد العنيد ومن صليلة البارحة كنت افكر واعزف التفكير موال وابكي رماد الليالي والمسافات الطويلة من يختصرني لوصلك من يبشرني بالامال من يطفي الشوق في صدري ومن يبردغليلة قضيت الايام لاجل اعيونك الحلوين رحال بين الورق والمحابر والطروق المستحيلة ولمست في بعدك الدرب الطويل امن اشهب اللال واخضر عود البلح في بيدر الشعر ونخيلة ذكراك في داخلي جلسة غريب ونار ودلال وشعاع قمرا ودمعة شوق احر من الفتيلة لي في عيونك سهاد وفي هدبك الظل مقيال لكن مااسرفت في فية هدبك وفي مقيلة وشلون اشوفك واكيد العاذل الكذاب واحتال وانا نفد صبري الطيب ولا فاليد حيلة عليك مني سلام وحب يا دلوعةالبال ما رف رمشك وما ذاب الزهر فوق الخميلة اتذكريني ليا هب النسيم وحرك الجال واختل وجه القمر في ماه واطلق به سبيله |
صح اللسان الشعار والله يعطيكم العافيه اللجنه وفعل القصايد الروعه واقول لمن لم يحالفه الحظ
الشعر ماوقف علي كل ميدان ---له ابواب مفتوحه ومقفوله الشعر رمز لكل عنوان ---- يعبر به شاعر عن مافي كنينه النمر1012 والله وفق الجميع واختار قصيده احمود البراهيم حياتى كان تيارالغلاءوالشوق ساقاخطاك على نفس الطريق اللى تلاقت فيةالاقدامي انا كلي امل وانت الامل يمي تجيبرضاك لعلك في وصالك تحيي اوراق الغلاالظامي |
فيه اخطاء املائيه المفرووض تصحح وتنسق جميع القصايد تنسيق واحد لكي يستمتع القاري لقراائة النصوص الشعريه
مجرد اقترااح وشكرن |
طحت طيحت طايح لاظلال ولا ذرى خان فيه الوقتو إنغر بالحلم الكذوب ياوجودي وجد من طب بالسوق وشرى من حلاله علتٍ يوم غرته الدروب و ياوجودي وجد من شاف بالصك وقرى حكمه بتعزير بكره قبل وقت الغروب |
الله يعطيكم العافيه جميع لجنه منسقين شعار
القصآئد جميله وانا صوتي لـ للشـآعر المدع بركة الخياري وفالكم الجنه |
اشكر اللجنه ع اختياري من هولاء الكوكبه الجميله
والله يعيينكم وانا اصووت للشاعر القادم بقووه بركه الخياري واتمنى التوفيق للجميع *وليت يتم تنسيق القصايد وتصحيحها من الاخطاء الاملائيه تحياتي لكم |
| الساعة الآن +4: 08:46 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
