سلام والسبع ضاري والمدا مبدا وجمهور = الليل ما دك ياسبع الخلا والليل توه
دولاب الايام داير والليالي ما لها سور = والضلع تحويلته ماهي مثل طلعت علوه

يامرحبا يا المسلم والمدا غبه وبابور=سبع الخلا شاطر الغربي ولكن منك خوه؟

الله يعينك عليها واحتسب وتصير ماجور=واللي يناسب معك لو مايناسب معي سوه

الاوله في يديك وباقيلك شي مذخور = الاوله طيبه والثانيه تنضح مروه
البدو لا نوخو شقران ما يبرك على الزور = والهاشمي راح ما باقي على البيدا نبوه

ياطير كانك على نفض الجناح الزين مجبور=اكفخ وسبع الخلا مالك على روحه جروه

نوب الجمل بالحمل لادكه الجمال مايثور=ميرالجمل ياوسيع العرف قلي وين نوه

انته عيونك على عين المها والا على الحور = قرينك يخطها والمشكله قلب المفوه
من غير جاهيه انته يا طويل العمر مخبور =سم الولد باسم خاله ثم يعطيك السموه

لا والله ألا على عين المها والبال مسرور=برق الحيا ضمني يمه وعيني صوب نوه ههههههه

ان ما عذرت السبع سبع الخلا معذور معذور=مير ان ذبحه الضماء بالقيض يا هداج رووه

دور على اللي مواعيده تشابه وعد بلفور = يا سبع يا سبع وينك عن مواعيد الحموه
مطوع القريه اللي حطها في كف دكتور =كيف انت يا صاحبي والطب قلي كيف هوه

وجهت سبع الخلا للدرب يامشكاي مشكور=وانا سباريت صدري ماروت غيث المتوه

ياصاحبي ما على سمحه غزال ولالها كور=سرحان لو مرته ماجاب لك عنها طروه