شمال ديرة رسول الله عليه السلام
 

قصيدة اعجتنى انقلها لكم وهى تعبر عن نفسها

سلام على الدار واللي بأرضها ساكنين
واحمل لها من صميم الراس كل احترام

دار عليها نعود لو نحتنا السنين
شمال ديرة رسول الله عليه السلام

من حد طيبة على الأبيض إلى الشعبتين
ومن الثمد يوم تشمل لين تصل الخطام

ومن وادي الجول لجبال الرقب من يمين
ما كف واد الرمه لرياض قاع النعام

جبال إبانات واللي دونهن واقفين
يوم المكايد ودخان الفشق والسهام

زين هاك الشعاب إليا نزلها القطين
ويا زين في دوحها الناعم هديل الحمام

مدهل حسم الشعاف مهجرات الحنين
شيب الغوارب طويلات القرار والسنام

حم الذرا اللي لك الكفه عليهن تبين
من دونهن يستباح السيف ضد الخصام

إن طاش منها الجهام من الوطا للبطين
يبعد هموم الفؤاد اللي طواه الهيام

بأرض بها الطيب وهل الطيب والطيبين
ما غادروها سلايل عبس نسل الكرام

بني رشيد أهل الطولات علمٍ يقين
سم المعادي اليا وصلت لسل الحسام

قوم اليا قامت الهيجا بقوا صامدين
إن أدبر اللاش والهابي قليل الرحام

ولو صرح العلا غصبن على الحاقدين
اليا تعلو ظهور مطيرات العسام

كم وقفوا من غزاة وانكفوا مفلسين
وكم صبحوا دار قوم وأقبلوا بالجهام

وكم طوحوا شيخ قوم ويتموا من جنين
بمصقلات السيوف اللي تقص العظام

وعلى سجايا العروبة والشرف ثابتين
ومن الندم من يعاندهم يعض البهام

ونفوس الأحرار ما ترضى على كل شين
وعاداتهم ما توردهم عدود الليام

يرقون للطيبة لو هي وراء الفرقدين
ويرهون فيها ليا مس الحقب والحزام

خويهم شيمته تبدأ على الأقربين
يبقى خوي النشاما بشيمته ما يضام

دخيلهم من عدوه بالمكان الأمين
وعدوهم يفقد الفرحة ولذ المنام

ريف الضيوف إن لفو من فرجتن مرهقين
إن ساقهم سير صحصاح الوعر والعدام

يلقون زين القرا ومفطحات السمين
مع كيف هدف الدلال وفايق الاحترام


وعلى محجة محمد خاتم المرسلين
محجة الهادي اللي ما غشاها الظلام

قول على فعل مبني بقافٍ ثمين
من حاضر العام هذا وما مضى من ألف عام

ولي الفخر يوم أمجد ربعي الغانمين
اهل النفوس العزيزة طيبين المقام

ولا هو قصور بحق أهل الوفا السامعين
كم صيرمين ببحر الطيب للطيب عام

وصلوا عدد ما وصل مكة من المسلمين
على النبي عد ما يمطر صدوق الغمام

الشاعر
معيتق العويمرى الرشيدى

ودمتم بالف خير

صح السان شاعرها ولا هان ناقلها ,’,’,

تسل الايادي على النقل المميز ,’,’,

تسلمين

الرشـ بنت ـايده

على المرور الجميل والمشاركة الراقية والانيقه وهذا من ذوقك الحلو


ودمتى بالف خير

مشكور على النقل ولكن القصيدة مبداها يقول

اليابدينا بخلاق البشر نستعين =الخالق اللي من المنشا يسوق الغمام
غافر ذنوب العباد الركع الساجدين=اللي فرض خمسة الاركان منها الصيام
ارجي منه رحمته واستغفره كل حين=يوم القيامه وساعات اللقاء والزحام
ويمغرب من هجر لوتنتظر ساعتين=تحمل مراسيل مخلص صادق بالكلام
سلم على الدار واللي برضها ساكنين=وحمل لهم من صميم الراس كل احترام

للتوضيح فقط وصح لسان الشاعر الكبير / معيتق بن عبدالرحمن العويمري الرشيدي
وسلم من نقلها تقبلو مروري واحترامي

مشكور على النقل

صح اللسانك

شكرا للجميع على المرور الكريم

صح لسانك يالعبسي