قبيلة بني رشيد - احوال مستورة :

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - احوال مستورة : (http://ban3abs.com/aa/showthread.php?t=136282)

احوال مستورة :

قصيدة راقت لي للشاعر الرائع محمد جفال

يلوموني ..
على شاني رياضي والعب الكوره
احب المنتخب واضرب سلام لراية بلادي

اشوش ليا سمعت ان المدرج صاااح جمهوره
ليا منه هتف باسمي وقام يصيح وينادي

أنا ما أقول انا اللي ف الملاعب لاعب أسطوره
ولكني مهاري .. وَاعرف وش كثر حسادي

ولكن المدرب رشّح عليوه وسنيوره
وذاعة بالاسامي شاشة التلفاز والرادي

ثلاث سنين وأحوال الفريق أحوال مستوره
مشاكل منتخبنا كلها من داخل النادي

وأنا شفت المباراة العصر بالصوت والصوره
هجومه مايجمل والوسط في ملعبه غااادي

يشيد معلّق الكوره ياااالين انبحّ حنجوره
وحنا اللي نشوف أن الفريق أقل من عادي

يعسكر بالسويد .. وينهزم في راس تنوره
نتايج ماتطمن والمدرب راايق وهادي

اختيار رااائع
لاهنت الذهبي الهلالي
وصح السان الشاعر محمد جفال

يعسكر بالسويد .. وينهزم في راس تنوره
نتايج ماتطمن والمدرب راايق وهادي

الله لى الابداع
صح لسان الشاعر محمد جفال
دائما يتحفنا بالجديد الممتع
والبعض لا يعلم ان الشاعر محمد جفال متواجد
في الشبكه باسم المحيط الهادي
نترقب جديد ابو عامر بكل شغف
ولا هنت يالذهبي الهلالي
دائما تتحفنا بالجديد

صح السانك

وعتلا شانك