|
كبرنـــا وشفــنـا !! ( مبـارك السـوارج )
اقدم لكم هذه الابيات وارجو ان تحوز على رضاكم !
كبرنا وشفنا والتجاريب تعطي درس=دروسٍ تراكم من عناها تشيب الروس تركنا الهوا والغي يا ام العيون الخرس= هوانا تغير عقب هبت علينا كوس لو انه غرسنـا فوق شاط المحبه غرس= نبـا نبيع شاط الحب ونشلع المغروس خلصنا على ما قيل مخلاص راع الضرس = اليا ارقل وعزر فيه والحق عليه السوس انا بالجزيره وانت عني بدار الفرس!!= ووصل الموده قاطعينا بحد الموس هذا الكرس الاول وافهمه قبل ثاني كرس= اقوله جهارً لا مبطن ولا مدسوس مع الشكر والتقدير يا ام العيون الخرس= وخذها على ما قيل مني على المنكوس الـشـاعر : مبـارك رشيد السوارج |
محظوظ أنا بمعانقة .. هذه الرائعة ..
سلم فكرك .. وبنانك .. |
صحيح الكلام
صح لسانك رائعة |
صح لسانك يا بو رشيد
قصيده جزله من شاعر جزل |
الله لا يهينكم على المرور جميـعـاً ..
|
لو انه غرسنا فوق شاط المحبـه غـرسنبا نبيع شاط الحـب ونشلـع المغـروس خلصنا على ما قيل مخلاص راع الضرساليا ارقل وعزر فيه والحق عليه السـوس انا بالجزيره وانت عني بـدار الفـرس!!ووصل المـوده قاطعينـا بحـد المـوس يسلااااااااااام صح الله السانك وبيض الله وجهك اشكرك على كل بيت بهذي القصيدة مروري |
ابو رشيد الله يسعد مساك بكل خير 00
عزالله إنك قلت واجزلت والجزاله من عوايدك يامبارك رشيد ولايستغرب عليك أنت بحرٍ من الشعر ونهرٍ من العذوبه ولايمتلك هذه الموهبه إلا شاعر له باع طويل بالشعر , امتعتني وعدتني إلى الماضي البعيد يرحم الله ايامه , بارك الله فيك يابو رشيد , قصيدة في غاية الروعه والعذوبه صح لسانك وصح الله قلبك وعافاك الله وجعل ايامك سعيدة اعواما مديده 00 شكرا لك ولشعرك العذب الفرات تحياتي لك وتقديري |
صح بدنك ووجهك ابيض يا الشـاعر : نواف بن مفضي واشكرك على المتابعه والاهتمام .. لا هنت
|
| الساعة الآن +4: 09:13 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
