حبيت غيري لجل انا اموت مقهور ..؛؛
 

حبيت غيرك لجل أنا أموت مقهور..

حبيت غيرك لجل أردّ إعتباري..

وحده بوحده ياأرْيش العين مغدور..

والبادي أظلم لاتهلّ العذاري..

توّك شكيت الصد والهجر والجور..

توّك تعذّب من لواهيب ناري..

حبيت من خدّه يشعشع كما النور..

مجّفاه لوْ تجْفى يميني يساري..

الجادل اللّي كنّه الدرْ منثور..

داوى جروح الحزن قبل إنتحاري..

وأنا أحمد الله وإنه اليوم مسرور..

وأبشّرك جرحي من العام باري..

ماهوب أنا اللّي يقبل الذلّ مغدور..

حاولت تجرحني وأنا أخذت ثاري..

أتمنى تعجبكم.......

تحياتي للجميع...

قصيده رائعه مؤثره
سلمت
اخي على هذه الابيات
فما أصعب أن يطعن الشخص من الخلف وما أحمل أن ينهض ويداوي جرحه قبل أن يستفحل

اخوي /سالم الرشيدي

قصيدة رائعه
ونقل رائع يدل على الذوق الرفيع
مشكور الله لايهينك
تحياتي لك

الله الله الله جدا" رائعه اعجبتني بكلماتها بموضوعها ومااصعب الطعن بالظهر ..سلمت اخوي

صح السان الشاعر مشكور ياسالم الرشيدى

صح لسانك اخوي سالم وقصيده رائعه اشكرك عليها

قصيده رائعه من انسان رائع
تقبل مروري