قبيلة بني رشيد - يامهدي الطعنآت ..طب وتخير

يا مِهدي الطعنات.. طـبْ وتخيـرّ
بين الحنايا .. اللي بهـا هـم واوجـاع

لا تشفق لحالي وابـد .. لا تطيـّر !!
بتعلمك الايام .. والصـاع بالصـاع !!

العمر مهمـا طـال وقتـه قصيـرّ !!
وكني بك اليا ضعت .. والوقت خداع !!

سجيت مـن قبـل الزمـان ايتغيـّر !!
ومن قبل لا تلبس عبايـات وقنـاع !!

أكبّـر افعالـي وعمـري صغـيـرّ !!
سنايني .. محدن غدااا مثلـي اطبـاع

الجرح حاكم ظلـم .. وآنـا فقيـرّ !!
من سبته خلانـي آاعيـش ملتـاع !!

ووقتي يعايرني .. وأنا مـا اتعيـّر !!
ابكي المحبه .. لا غـدت شـي ينبـاع

إن كان عادك صاحبـي ذاك .. سيّـر
بيت الغلا للحيـن مبنـي بالاضـلاع !!

وان كان يرضيك الجفـا .. لا تحيّـر
كم حلم عشت لشوفته .. لين ما ضـاع

تجفى .. وتنساني .. وانـا مـا اتغيّـر
لو ان ضلوعي من عنا صدك .. شباع

الجرح ظلما وقـت .. والصـدق نيـّر

وآخر أمل .. دمع ٍ على وجنتـي مـاع

بكيت واثر الدمع .. ملعـون خيـرّ !!
لو هو يريّح خاطري .. يرّث اوجـاع

للشاعر المبدع حمد البريدي