المختلف معها اختلفنا على شآن=شيٍ يكد كل خاطر وشآني
إدارة ما تعرف احقوق الانسان=ما ميزة ما بين مجني وجاني
ضاعت هقاويها من افلان لفلان=ضاعت حسابات الزمن في ثواني
وايامنا تجري والاحسان بإحسان=والطيب يبقى لو يطول الزماني
ويا صاحبي يا صاحبي ذرف الايمان=يا الفاهم العاقل ذريف اليماني
قل للذي هرجه على غير برهان=راع الوعود المخلف الهيلباني
راع الكتاب اللي مبروز بالالوان=قله على بعض الامر لاايحداني
وانا مع الاصحاب في كل الازمان=آقف مع الطيب لا منه نخاني
واشيل ما شال الحموله بليهان=وليا صهلت اصهل صهيل الحصاني
وكل الرجال مقدره دون حقران=وانا على ما قول صادق لساني

صح بدنك اخوي ذيب الهجاد
وسعدت بمرورك وتواجدك

ووجهك ابيض يالامير
وصح بدنك وسعدت بتواجدك
تقبل تحياتي