أبلعب معك طاروق وأفتح معك موضوع=قبل تكمل الشاشة على صفحة القاري
سلامي سلامٍ كنه الجايز الممنوع=خفيف على البايع ثقيل على الشاري

الا يافضي سولف معي وابد بالمشروع=وانا مدري اعن الوضع لكن تقل داري
هلا مرحبا ترحيب من كل نوع ونوع=على شان مايطري على صاحبي طاري

اقتباس من مشاركة سلمان (المشاركة 2106769) الا يافضي سولف معي وابد بالمشروع=وانا مدري اعن الوضع لكن تقل داري هلا مرحبا ترحيب من كل نوع ونوع=على شان مايطري على صاحبي طاري

علامك تثيقل كنك السبت بالأسبوع=مدام أنت قدمي لا يميني ولا يساري
تناديني ألعب معك والدرب مشي قطوع=يا طول الطريق اللي بديت أوله ساري

اقتباس من مشاركة الفيلسوووف (المشاركة 2106771) الله الله بصف سلمان ولايهون فضي مساكم شعر

اقتباس من مشاركة مالك الصامل (المشاركة 2106773) عااااااااااااااش فضي البراك ولايهون سلمان. >> يقول والله مانت بهين يافضي طلعت شاعر محاوره ^_*

علامك تطاولني وموقعك تحت الكوع=وهذي تراها شي من حكمة الباري
أبا آطا تراب الأرض وأنطق الجربوع=لو اني على تنطيقته ماني بضاري

اقتباس من مشاركة فضي البراك (المشاركة 2106780) علامك تثيقل كنك السبت بالأسبوع=مدام أنت قدمي لا يميني ولا يساري تناديني ألعب معك والدرب مشي قطوع=يا طول الطريق اللي بديت أوله ساري

اقتباس من مشاركة سلمان (المشاركة 2106805) علامك تطاولني وموقعك تحت الكوع=وهذي تراها شي من حكمة الباري أبا آطا تراب الأرض وأنطق الجربوع=لو اني على تنطيقته ماني بضاري

قبل ما يعقب (عيد) قلبان أهل ميقوع=يكفيك ثوب تستر ردونه العاري
مدآم الصرع يبرى ويرجع على المصروع=أبجري مثل نهرٍ يمر الثرى جاري

الا يافضي لاتنطح السيف بالفاروع=عليك السفيه يهوبل ويضحك الزاري

بعد مافرحت بنسخة كتابك المطبوع=وش تقول لو أقراه وأهيض وآماري

اقتباس من مشاركة سلمان (المشاركة 2106835) الا يافضي لاتنطح السيف بالفاروع=عليك السفيه يهوبل ويضحك الزاري بعد مافرحت بنسخة كتابك المطبوع=وش تقول لو أقراه وأهيض وآماري

يبي ينشا الأصل ولا نتهى الأصل تبقى فروع=ولكن ما يفنون البشر من طَلَقْ ناري
قليل السنوع يشارك أرياه عمي سنوع=ولا يبني بيوت البلد غير معماري

لو إنك دريت إن اللغم بالنفق مرزوع=ماخشيت في وسط النفق والنفق هاري

أبو بشت ماهو يافضي مثل ابو قبوع=وغوار مهما كان مربوط بمكاري

اقتباس من مشاركة سلمان (المشاركة 2106858) مالك الصامل الله لايهينك على المتابعة ولاهانوا الجميع

اقتباس من مشاركة سلمان (المشاركة 2106855) لو إنك دريت إن اللغم بالنفق مرزوع=ماخشيت في وسط النفق والنفق هاري أبو بشت ماهو يافضي مثل ابو قبوع=وغوار مهما كان مربوط بمكاري

من المآ القراح يسد شربي منه قرطوع=ظما اللآل ما يبريه عذب الهوى الذاري
أبطرح وبأضرب وأقسم الضرب للمجموع=وأقيس الزوايا والدواير بفرجاري

كثير العرب يستفزع من الفزوع فزوع=ويطعنهم الطاعن ويفراهم الفاري

أبقطف معك مقطوف وازرع معك مزروع=وآخاويك طول الليل والليل سماري

اقتباس من مشاركة سلمان (المشاركة 2106877) كثير العرب يستفزع من الفزوع فزوع=ويطعنهم الطاعن ويفراهم الفاري أبقطف معك مقطوف وازرع معك مزروع=وآخاويك طول الليل والليل سماري

أنا صولجان الشعر والنايف المرفوع=والأنبار بين بيوتهم جثة أنباري
أحد بالزهر نبتٍ طبيعي وأحد مصنوع=وروح التلاحم بالمهاجر والأنصاري

أقول ونعم ما قول تابع ولا متبوع=لكن الشعر لعبه ماهو لعبة آتاري


عسى الله يعوضك خير بذراعك المشلوع=بعد ماوقع في فكّ ( سبع الفلا الضاري)

اقتباس من مشاركة سلمان (المشاركة 2106897) أقول ونعم ما قول تابع ولا متبوع=لكن الشعر لعبه ماهو لعبة آتاري عسى الله يعوضك خير بذراعك المشلوع=بعد ماوقع في فكّ ( سبع الفلا الضاري)

أبحفظ عيون الآصدقا لا تهل دموع=على ذكريات رسوم الأطلال بدياري
وأبرسل نوايا خدعة الحرب للمخدوع=على شان تتبع وازرة وزره أوزاري

اقتباس من مشاركة سلمان (المشاركة 2106908) فضي البرااااك صح الله لسانك والله لايهينك انت بإجازة وفاااضي شغل وابن عمار عنده دواااام بكرة لكن تصبح على خيرررر

اقتباس من مشاركة مالك الصامل (المشاركة 2106910) الله الله كلاكما من ابداع الى ابداع