|
يابن مظهور السوالف تدور
قصيدة موجهه للشاعر الرائع الغالي المبدع الذي تشرفت بمعرفته عن قرب وأفخر وأُجاهر بمحبته
الشاعر / عبدالله المظهور كيف أستبيح المشاعر وأستحل الشعور=وأترجم أحساس وأجعلها لغة ترجمه المستتر بالظمير ولا يحب الظهور=عليه كل النجوم المرقبة تَرجمه ياصاحبي (يابن مظهور) السوالف تدور=المعربة معربة والمعجمة معجمة كم لي وأنا أحاول أكتب عن عيون الصقور=صقورها مبرقعه وخيولها ملجمه حمل البطون يتشبه مثل حمل الظهور=يانجم من يقتدي بك لا سرى تنجمه ماتدري ان النفوس ليا لبسها الغرور=مافيه شئ بسطح الأرض ما تهجمه ياشاعر من بحر تغرف وتعبر بحور=وخليت حجم (الغرام) لكل من حجمه ولو ما أنت غالي لخليها عليهم دبور=لين الذهب يعترف راعيه عن منجمه |
فالك التوفيق والله يبيض وجهك
ويستاهل المظهور وافي وانت تستاهل وافي وصح السانك |
إقتباس:
ووجهك أبيض لا هنت يا سنام عبس وتستاهل الخير |
سلمت الايادي
لاهنت ع النقل |
صح الساانك يااابن براااك على هالقصيده الجزله
وافي ومااافيك حيله وفالك البيرق وبن مضهور يستاااهل هالقصيده الجزله واتمنا ان تمتعنا بجديدك يااشاااعرنا... |
كيـف أستبيـح المشاعـر وأستـحـل الشـعـور وأتـرجــم أحـســاس وأجعـلـهـا لـغــة تـرجـمـه المـسـتـتـر بالـظـمـيـر ولا يــحــب الـظــهــور عـلـيــه كــــل الـنــجــوم الـمـرقـبــة تَـرجــمــه
|
|
إقتباس:
اعجبني صعب القاف باخر البيوت وحبيت اجاريها
معنا المشاعر يترجم يافضي بصدور =ياكم صدورن كبار الانس ماترجمه والي يخيل البروق الي قفتها الدهور = نزل عن الرجم وقفاء مانفعه ارجمه كم وكم مات سر بصدر بين القبور = لابان منه الزلال ولا يبين اهمجه مايقري الضيف في بيت المعزب بخور = وكلن بجوده وجوده لو يجود اعجمه والشرهه الي غدت بين العشاء والفطور =تركتها وقلة لضروف الزمن تدمجه وناعلى ماقفي لادق كف النحور = على خطاء اثبات متغيرني البرمجه |
إقتباس:
تسلمين بس القصيدة من نظمي وليست من نقلي |
صح السانك وعتلاشانك قصيده رائعه:
بانتظارر رد بن مظهورر |
صح لسانك اخوي فضي على الرائعه ولا هنت وابن مظهور اشهد شهاده حق انه وسبعين نعم والمدائح ماتوفيه حقه وتقبل مروري
|
صح لسانك فضي البراك رائع دائماً
و مسند العويمري بيض الله وجهك على هذه المجاراة وعبدالله المظهور يستاهل وننتظر رد ابو مظهور |
إقتباس:
اهلا بالمراره الممزوجة بعذوبة الشعر والأخلاق واهلا بالحرف وكاتبه وأهلا بالمعنى وصائغه واهلا بالشعر واهله استاذنا الفاضل/ فضي البراك يكفيني شرفاً وجود اسمي بهذه المقطوعه الرائعه والمعزوفه الشيقه ، التي رددتها كثيراً ومازلت وسأظل ارددها حتى اجد لها صدى بداخلي يوازي سمو فكر كاتبها . انتظرني .. وسأعود لاحقاً بعد ان الملم شتات افكاري الذي ضاع في متاهات مابين السطور. اشكرك ياسمو الفكر تقبل تحياتي وتقديري واحترامي |
إقتباس:
ابو صالح مرورك الأجمل والأغلى لا هنت ،، |
فضي
صح ألسسسآنك وصح بوحك رآئع دآئمآ والششاعر / ابن مظهور يكفيه ششهادة الجميع فهو شاعر له أسلوبه المميز والراقي في قصائده صح ألسسانك مره ثانيه |
مبدع وانا المبدع
ابيات بقمة الجمال والروعه فيها نفس شااااااااااااااااااااااااااااااااااااعر رايق يستاهل ابن مظهور وننتظره تحياتي ياشاعر |
قصيدة في غاية الابداع ورزانة المعنى
صح السان شاعرنا القدير ابوفيصل دمت بخير بن هديبان |
قصيدة جزله
صح لسآنك |
عفواً
لقد غلبني احساسي مره اخرى وجيت ارتشف من الإبداع مره اخرى(( مثل مقال اخوي عنتر زمانه )) كنت هنا وقد تكرر زيارتي لهذه الصفحه |
قصيدة جزله من شاعر متمكن وصح الله السانه
|
الشاعر حميد الرشيدي
يرد ويقول .. الاخ ابو فيصل مساء الخير وكل عام وانت ((صيني )) حتى تكون سور الصين العظيم لعبس قرأت القصيده .. وستوقفت ودركت أن القصيده أتت عاتيه واهيه ضاهيه فارهه بمعني مهرت ابو فيصل وهل يمتطيها غيره ... لا اريد الاسهاب في هذه القصيده من حيث تكنيكها وسبكها وحبكها ورفانتها رغم انها تستحق اكثر ولكن لقد افضت جعبتي ومررت وشكرت وحضرت حتى يكون للأدب ضمير حي هنا ياباء فيصل اشكرك انك لم توجه هذه القصيده لي حتى لا تضيق علي الخناق اصدقك القول ان هذه القصيده اخذت المكان الذي لاينزل بهي الا القله وانت تعرفها ابو فيصل ربما تكون لي عوده اخرى ولكن قاسمت الظهر شكرا |
صح السانك
ودمتم |
استاذنا الغالي وشاعرنا القدير وسفيرنا المميز فضي البراك اتشرف بالرد عليك بالقصيده التاليه واشكر اخونا وشاعرنا واستاذنا العزيز/ مسند العويمري على مجاراته الرائعه ولنا الشرف جميعاً بمعانقة حروفنا لحروفك الراقيه وانت ماقصرت طال عمرك ( وراع الاوله ماينلحق ) واليك الرد .. مع التحيه والتقدير . ياسيد الحرف .. خذها من الهجوس الجسور = يبثها من وكالاته .. ومن معجمه لبستني .. ( يافضي ) .. ثوب الرضى .. والسرور = ولمست مع السماء .. وحلقت فوق انجمه يانسل الاشراف .. ياالفذ .. الكريم .. الغيور = من قال بلسان غيره .. واجب ان نلجمه وتجارة التاجر الغشاش لازم تبور = وينبذ من المجتمع .. والعالم تحجمه وفرعون بالسحر حاول طمس بعض الامور = حتى انكشف سحر ساحر مصر .. ومنجمه وان قلت صوت الخفاء .. هو نفس صوت الجهور = اقول لك : لا !! .. وشيطان الظنون ارجمه من يوم خلق البشر .. حتى الحشر .. والنشور = والله جعل به شبه .. بين اعربه .. واعجمه وترى الذي حاول يسبب شقاق .. ونفور = مريض .. يحتاج من يكويه .. ويحجمه وعادي يجينا من الاقراب ضلم(ن) .. وجور = مرارة التمر تكمن وسط .. لُب .. اعجمه واحذر تكثر من مجادل قصير الشبور = لأن عنده خلل في داخل الجمجمه بينت لك مااختفى معناه بين السطور = في خط واضح .. ولا يحتاج له ترجمه !!! تحياتي .. للشعر واهله . |
قصيده وافيه ... وردود وافيه ..
صح الله السنتكم جميع ... |
| الساعة الآن +4: 10:28 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
