إلى مقام الأخ العزيز سعادة المقدم المهندس/سليم بن نافع بن عريجة......مع التحية
.
.
.



على دروبي تشرق الشمس وتغيب=و رجاي في باكر إليا زل يومي
بين الرجاء واليأس خطاي ومصيب=مقدم ولأدري وش نهاية قدومي
إليا خذل كفي وثيق المقاضيب=قللت من شأنه ولأكثرت لومي
أدري كثر ما تخطي الهقوة تصيب=والطيب ما هو بالرجال معدومي
يإبن عريجة جف حبر المكاتيب=وأنا تزاحم لك بصدري علومي
مدري وش أخلي ولأدري وش أجيب=كني على العلم المبدأ كتومي
ضيفٍ لفى وهجسي لصوته معازيب=يرسل صدى صوته وأقول محشومي
ما بين ماجوبه وكثر التراحيب=تكبر مشاريهه وتكثر همومي
أكايل الهقوات وأخشى من العيب=ولا ضاق صدري مأوسعتني هدومي
يإبن عريجة يا حصان الأطاليب=كثر الكلام وصار مثل الحلومي
ولا لي عنك في حزة الضيق تجنيب=وأنت اللي بحمل النشامى تقومي
ومثلك إليا منه قراء للمكاتيب=دكتور شعر وفاهمٍ للسلومي
وهجسي يإبن نافع عريب المجاذيب=تبقى فخر ما تنتهي في لزومي
محشومةٍ حشمة هل الطيب للطيب=باللي ليا من طحت عنده يقومي.
.
.
.

أخوك/يوسف بن شلاح.

كما عرفتك ياأبا سالم
مبدع بكل حالاتك ,, وجعل صدرك مايضيق

بين الرجاء واليـأس خطـاي ومصيـب ...مـقـدم ولأدري وش نـهـايـة قـدومــي إلـيـا خــذل كـفـي وثـيـق المقاضـيـب...قلـلـت مــن شـأنـه ولأكـثـرت لـومـي أدري كثر مـا تخطـي الهقـوة تصيـب....والطيـب مـا هـو بالـرجـال معـدومـي

لاهنت ياابو سالم على القصيدة الجزلة في شخص حقيقة قام بالواجب اتجاهك وهذا مالمسته وسمعته من الاخ العزيز ابو نافع وهذا ليس بمستغرب على رجل الطيب (ابن عريجـــــــــــه) وهو فخر لكل قبيلة بني رشيد عامه وقبيلة الرويضات خاصة فالله در ابو نافع وهو قد الهقوه
وتقبلوا خالص التحيات والسلام عليكم ورحمة الله وبركاته