سحايب 02-01-2011 01:10 PM بين الحنايااااااا   بين الحنايااااااا اسحب زناد الفكـر وأعلـن مـن الأن قطـع العلاقـه يالوجيـه الشـريـره من تجربه عايشتهـا عبـر الأزمـان إن الأميـر يخـاف ضحكـة وزيـره وإن تعرية لأنفـس وتلميـع الأبـدان اشد من ضـرب السيـوف الشطيـره وإن الحياه تميـل مـن دون ميـزان لاهل المعالـي مـن سمـوٍ وأميـره وإن الفقيـر يعيـش هـمٍ وحـقـران لأن الأيـادي فـي زمـنّـا قصـيـره في داخلي من قسوة الوقـت بركـان لي ثـار دمـر كـل شبـه الجزيـره قريش عادت تعبـد اصنـام واوثـان وانا علـى الأسـلام مجنـون غيـره اصنام تتحرك وفـي صفهـا اعـوان يخيب مـن يجعـل بليـسٍ شويـره أعوذ بالله مـن وساويـس شيطـان زيـن لنفسـي ضـرب روسٍ كبيـره يافكر ليه تثور فـي بعـض الاحيـان مالـك ورى فرعـون وزنة شعيـره جاوبتنـي يافكـر والـزود نقصـان النـاس ماتـت والمـوارد غـزيـره وانـا معـك واذكّـرك بأبـن برمـان ياليـت ابـن برمـان ماهـد طيـره ارجع علي نعـزف ترانيـم والحـان نطرب ولي بعـض المعانـي خطيـره لـي هـب نسنـاسٍ عليـلٍ بهتـان والقى علـى روحـي نسايـم عبيـره بيـن الحنايـا لوحـة ابـداع فنـان يرسـم ولايعلـم نهـايـة مصـيـره يرسم نهاية روح في داخـل انسـان مايدري ان الـروح صـارت كسيـره تمازجت في لوحـة بعـض الألـوان نتـاج فـكـرٍ صاحـبـه يستثـيـره لين اثبت ان الروح تخلق على شـان تعشـق لهـا روحٍ وتصبـح أسيـره وتذوب بيـن افـراح لقيـاه واحـزان بعده عسى في الأمـر يـاروح خيـره وتعيش بين ورود فـي ظـل بستـان يضفي عليها الـورد ثـوب الستيـره متنقـلـه مابـيـن جوري وريـحـان بيـن الـورود الفاتنـات المثـيـره طارت وهي من دون ريشٍ وجنحـان وزارت لهـا ديـره وديـره وديــره هامت بحرف انسان من منطق السـان واستلهمـت فكـره بقـوة بصـيـره بنت لروحـه بيـت مـن دون بيبـان واصبح لروحه داخـل البيـت سيـره من ماء الذهب يكتب على البيت عنوان ملكٍ لروح انسـان مـن دون غيـره مـن منطلـق مبـدأ تمنيـت يافـلان ياليـت عيـن الشـر دايـم ضريـره اللي خذت في الحسد تـاجٍ ونيشـان سيف المفارق تنزعـه مـن جفيـره http://im.gulfup.com/2011-01-02/12939593881.gif

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.