توكلنا على الله مانبا الا الشاعر البطران=عسى عبس العريقه تفهم الغز وتجيب الحل
لقيت الذيب يرتع فالغنم واهل الحلال اخوان=ولا يوخذ بزلاته لونه كل يوم يزل

هلا يامرحبا بسمي واسم ربعي بني قطفان=سلايل عبس واقوله نيابه عن جميع الكَل
انا ماقول غير الله يديم الأمن والأيمان=ياجاهل بالمعرفه والعلـوم الـطيبه يـ جهـَل

اقتباس من مشاركة ساحر العرب (المشاركة 2021774) توكلنا على الله مانبا الا الشاعر البطران=عسى عبس العريقه تفهم الغز وتجيب الحل لقيت الذيب يرتع فالغنم واهل الحلال اخوان=ولا يوخذ بزلاته لونه كل يوم يزل

ترى الواجب تسلم ياقوي العزم ياكحيلان=ترى عبس العريقه عندها بيض السيوف السل

تراك ان جيت مع درب الخطر تصبح كما الضميان=علشان البلد ممسوكتن في حكمة المحتل

اقتباس من مشاركة ساحر العرب (المشاركة 2021907) واحد يتنازل يالربع

اقتباس من مشاركة السيف القاطع (المشاركة 2021914) السلام عليكم ورحمة الله وبركاته

ياراشد في زمان العولمه حتى غصين البان=طلع صيته مابين الناس لونه واحدٍ منحل
انا اطرب للحمام اللي يغني واكره الغربان=حمام الدوح في عال الغصون اليانعه ينزل

ياساحر طال عمرك وش لنا في كان يا ماكان=وصدر الناس من بعض الكلام اللي يقال يملَ
انا مـاني وكـيل أدم عـلى ذريتـه يا فــلان=اعرف ان القمر يكمل وبعض أحيان مايكمل

يازين اللي محايد في في زمانه في عقل ولسان=ليا حلت صلاة الفرض يارشد توض وصل
وانا مالي ومال مقاشر العميان والطرشان=ابا ابعد دام عز الراس تاجه والزمان امهل

احد يهدر هدير بعير احد يصهل صهيل حصان=واحد ماغير جالس عن سموم الغيض تحت الظلَ
عصا موسى ياساحر في يدَي وخاتم سليمان=ولــي منــزل مــع اهــل الــطايله وانته بــلا منـزلَ

علاج اصداع راسي كيف من دله ومن قيفان=واذا ماعالجني للديار الممطره برحل
ترى الاجرب ماصار اجرب سوى بمخالط الجربان=واذا ما انته بخيص ادخل مع اهل المعرفه وسئل

علاجك يامريض القلب عند محمد الردعان=لونَ القاع ممطر صار لا طبيت به ممحلَ