الله الله يا هاجوسي طال صمتي وأنتي أنتي = يمتك وحده سوات البوصله ما غير يمه
والله الله يا طعونه ما شكيتك لو طعنتي = من خبر له قلب يلقا ونسته من نفس همه
ما انطرم صوت القصيد وبالمكان اللي سكنتي = ما يضم إلا غلاك اللي ليا ضمه يضمه
ليه أترجمها قصيده وأنتي بقلبي زبنتي = ومن متى والشعر في مثلك قدرت أصك فمه
علميني كان من شعار الأحباب انشحنتي = إن ضميتيني شعر قولي وأجي بالبحر أزمه
ما استعنتي غير في عمق المحيط ليا استعنتي = يوم بعض الشعر ما يروي سموع الناس جمه
كنتي بقلبي وما زلتي هنا من حيث كنتي = ما حضنك إلا جدار القلب في صمام دمه
علميه إن ما درى لا هان عن قدرك لا هنتي = القصيد اللي قصر دونك يزيل الدمع كمه
وإن قريتي ما كتبته من قصيدي وإنفتنتي = إن ضميتيني شعر قولي وأجي بالبحر أزمه