الدحيلي يا هلابك
 

مرحبا يالشاعر الموهوب أقول أحلا الليالي 00000 ما دخل قلبي شكوك ولا دخل قلبي مذله

فاقد الي تالـي الأيــام يا مجنون غــالـي 000000 مـير صعب أنـفـذ الأحكام ما عندي أدلــه

صح الله السنتكم ولاكن فيه طاروق من الواجب تتابعون واذا انتهى تلعبون وحنا نتابعكم وشكرا

صح السانك ...

عاش الدحيلي وصح لسانك

لكن ترى موضوع اخو جوزا الظهر واعتقد ماهو متواجد

ان كان متواجد واستمرت المحاوره فأنا في صفك يالامير الشاعر

.

ارحب يا نا صر

اسمع اسمع

البقى يالشاعر المفرود من سبت العلالي \\ يوم جيت الخير جاني يا وسيع العرف كله
كان غالي من حرام يضيع ماهو من حلالي \\ وانت اضنك للعقيده ملتحق من غير مله

فرق المفرود وافرق بالجنيه بالريالي 0000 تو جاك الخير با طراف المزون المستهله

أنت ودك تذبح الاجواد وتهد الجبالي00000 العقـيده خلها والهرج كله صاحي ألــه

الله محاوره رائعه

وأنت يالدحيلي من الشعراء الذي نحرص على أبداعهم ومحاوراتهم

والليله بصفك ولا يهون أخو جزعه

الشاعر أخو جزعه لا أنكر أنني أول مره اشوف لك محاوره وانت على ما يبدوا لي عضو جديد ونحن نرحب بقدومك وهاهو أنت تثبت لنا شاعريتك والى الامام

اسمع اسمع

وش نقول بهالمرد يا صحابنا يا هملالي \\ ليه ينفي شكته واليوم ينظر تحت ضله هههههه
لا تجي مضوي مطمه ثم امس ابك العقالي \\ وين غاليك المسمى يوم جبت الهرج زله

ياسلام ياخوو جزعه
7
7
متابع وبصفك كله عشان ردك على البرمكاني
7
7
متابع ومتابع لما يدور من معنى !!!!
7
7
عنتر زمانه ارحب تراحيب المطر

عليهم يالدحيلي عليك فيه

والله يخو جزعه من شاف ردك اليوم على البرمكي انه يحسبلك الف حساب

صح لسانك ياشيخ

.

.,

أرحب يا غرك زمانك

صراحه كثرانه المشاكل ويا هل ترى ماذا سببها !!

بكل صدق اني أدخل مجامل

لو نظربك الحزوم ولو نظربك السهالي0000 ما لحقني شك يا أصحاب العقول المستخله

كان جيتك كل ما بالي لقيته حول بالي0000000 ولا لقينا عندكم غير السوالف والأخلـه

كان جيتك كل ما بالي لقيته حول بالي0000000 ولا لقينا عندكم غير السوالف والأخلـه

سجل اعجابي

درر وبيت مليان من المعنى المغطاء بالفعل

اسمع اسمع

لا تسل السيف يا رجال واركد لا تلالي \\ انا جيت العب معك فالشعر وانته منتحله
السقيطه ما لتقطها يالدحيلي لي معالي \\ في محل اهل الوفا ما جيت اساوم كل جمله

لا تسل السيف يا رجال واركد لا تلالي \\ انا جيت العب معك فالشعر وانته منتحله
السقيطه ما لتقطها يالدحيلي لي معالي \\ في محل اهل الوفا ما جيت اساوم كل جمله


الله سجل اعجابي وبصفك

والله اني مثلك

والسبب ذكرته انت البارح بعد 2؟؟؟



عسى الله يصلح الحال

سيفنا قطاع واركد يالوليد أبن الحلالي 0000 لين أحطك وسط حوش ولين أحطك وسط فله

صعب أنا ازعل عمامي صعب انا زعل خوالي 00000 مير هل الدمع يازين الطبايع والجبله

عاشووووووو

صحت السنتكم جميعاً

ومسيت بالخااااااااااااااار يا خو جزعه هههههههه

وانا اجزم بأنك يا خو جزعه من الشعار المعروفين بالمنتدى من ردك على البرمكي

ومشكور يا مبدع ,,,

ارحبو بالجميع التراحيب لمطر

اسهرت الشايب يالدحالي وتشرفت باللعب معاك شاعر ما علاك كلام مشكور


اسمع اسمع

لو تجمع لك عناوين ابمجله للمقالي \\ ما يسد امن المقاله كل عنوان بمجله
يالدحيلي للقريب وللبعيد وللموالي \\ كل راعي طرش يا رجال منته مدهلله

هب والله انك تقل ابا زيد الهلالي 000000 كل ماتهل الشهور وكل ماتهل الاهله

الدحيلي مرتفع شانه وانت انسان عالي 000مير صلح لي من الفنجال يارجال دله


تصبح على خير وتشرفت باللعب معك ولا تدور عمك الدحيلي بعدين

ياسلام ياسلام

صح اللسانك وبيض الله وجهك يالدحيلي وعاش من شافك

وصح اللسانك ياخوو جزعه وبيض الله وجهك

اوجه لرساله لمجرد اسم واقول انت ظالم ولا تعرف الشعر ولا عمرك مدحت احد

تعال وشوف المحاوره هذي فتل ونقض وتلحيف للمعنى ولا فيه شي مكشوف

تذكرت لعب الثبيتي والمسعودي

اوجه لرساله لمجرد اسم واقول انت ظالم ولا تعرف الشعر ولا عمرك مدحت احد
تعال وشوف المحاوره هذي فتل ونقض وتلحيف للمعنى ولا فيه شي مكشوف
تذكرت لعب الثبيتي والمسعودي
عسى الله يبعد عنا الظلم يا طنطاوي
والشعر كله عند قسوره والمدح عند عنتر زمانه
والمحاوره فتل ونقض وتلحيف للمعنى ولا فيه شي مكشوف
وش نسوي يا طنطاوي
الرسول الله صلى الله عليه وسلم لمن بغى يوصل رساله كذبوه وتهموه عقلا قريش بانه ساحر ومجنون ودجال
مير الله يرحم الثبيتي والمسعودي

المحاوره قويه بين الشاعرين
وتشكرون على ذلك