|
سؤل عن مسابقة الموسم
كم باقي يوم وتقفل المسابقة ؟؟ وماهي وجهة نظركم بالجنة المقيمة .. تراي رجال ماعرف احد ولاني بحاجة للجحاف ... اذكان الدعوا غير ماني متكلف ...
مع العلم انه بعد الاعلان عن الاسماء الفايزةراح تكون هناك قفزة طويلة لصالح حزب الشكاوي بقيادت ابن حيان واخاف اشارك واصبح اول واحد ينظم لهذه الحزب واخسر حزبي الاول حزب الحرية وهذا الشي الي لااريدة مع العلم بأن حزب الشكاوي اذا نجحت ادارته سوف يسجل حضورة مباشرة بعد حزب الحرية نظراّ للقبال عليه بشكل مخيف بعد انظمام الشاعر الكبير ابوسوط بعد ان كشف هزيمة حزب العمده وبعض اسراره |
ياعلى هونك على هونك
حياك الله آخر موعد لأستقبال المشاركات 15/11/1431هـ يعني بكره ياتلحق ياماتلحق بس ؟ |
نعم يلحق لحيث انه يتم الفرز وحزب الشكاوي معاهم تمديد من صاحب الشان الاستاذ ملفي صالح له كلمته لاتخاف ولو تلقي قصيدتك بعد اسبوع
|
إقتباس:
والله لو مايبقى الاساعة لكن ياخاوك خايف من شياّ ثاني على العموم اخذ هالبيت وهو يصور لك الحقيقة والله يكاتب مثل ماصار قبل امس = خايف يصير اليوم مثله عليه كم صوت عالي ضيعوه اهل الهمس = وراحت مراح اجدودنا الاولية ودي وتقل اقراء عليها احذر الامس = الصاعقة والكهرباء عنصرية ونا ماحب احراقت البن بالحمس = وكيفي ببطن الدلة الشاذلية ومن اقبل اقيس البعد وخفايت الرمس = والله لاقصر في اخطام المطية ولابدباكر ماتبين به الشمس = واذكرك بالطيبه والرديه |
السلام عليكم ورحمة الله وبركاته
مساكم الله بالخير الجميع... وأشكر على هونك على طرح هذا الموضوع واشكر كاتب على التنويه الي قال وإن شالله اني بشارك اذا قدرت |
إقتباس:
يا ليتك شاركت بها القصيدة وتركت عنك الظنون لكن يبدو إن الحساسات عندك متلامسه أسلاكها هههههههههه |
إقتباس:
هههههههههههه حلوه يابو نوح صدقت هاه على هونك سمعت اللجنة عسى يمديك بس لحق هالبيوت اللي اللجنه اعجبو فيهن وامزر نفسك |
إقتباس:
والله يابونوح ماهو قاصر(ن) باعي = ارد مواريد غير ماشرب ماهاء لكن اخاف ازمن مع بعض الاوضاعي = يحدني حدت(ن) ماني بوياها بعض الرسايل يخفف وزنها الساعي = يوم الامانه خذاها الي موداها وانته عليك البياض ولالها داعي = تجي لها وانت منته من ضحاياها |
اي والله كان الله يسر انه يمديه
وان شاء الله انه يعجل فيها ونشووفها بكره مع القصايد ونصير 8 شعراء من حزب الحريه مشاركين بالمسابقه لضمان اكثر لفرص الفوووز |
إقتباس:
انته علامك تقل ياذيب ملتاعي= امن الفزع قربتك ماجودت ماها ادخل وتلقا ظنونك مالها داعي=وانا ظيمنك ياهالفكره لتنساها اما تحاذر وخوفك قل الاسناعي= وتثور البندق العوجا بمخباها مهي بحجة ذكا يالفاهم الواعي=هذي حركات من بطي تركناها |
إقتباس:
ادخل وش القى مابا للهرج صناعي = ان كان لك حجتاّ تتقيك عطناها وانا ادرينك مع الانظار مطواعي = لاقدمو وحدة الاخرى تقفاها على العموم الهواء ماطاب لشراعي = ان كان ترسي بامرسى غير مرساها وانا ماخصيت لكن فاهم واعي = ان الوباء لادخل بالديرة افناها |
إقتباس:
الذيب ما يترك اللي مالها راعي=واما الثعل لو يجيها ما تعشاها ماخوفك غير ناس ٍ شعرها ابداعي=ومن القهر لجنة التحكيم تشناها لانك تشوف القصائد توجع اوجاعي=لو تمشي ألفين كليو ما تعداها لكن تريح ولاتطقطق بالاصباعي=امسابقة شعرنا مانته بوياها |
إقتباس:
الذيب لوجاع مرباعه ومرباعي= كان الذيابه تسد اذنك عن اعواها وانا ادخل الباب واعرف وين مطلاعي = والخيبه كل ماتبين اتحاشاها وشعري علاجاّ يداوي كل الاوجاعي = يومن بعض القصايد ماتوحاها اصبر وبكرة يجيك العلم منذاعي = ترضيك والاتبا بالغصب ترضاها |
صراحه وبدون مجامله أن شعرك النبطي له وزنه وثقله يا على هونك
وأن لم تشارك هذي كارثه بحد ذاتها أجد أن لديك ما يؤهلك الى المراكز الاوليه أن لم تكن الاول وهذا بلا شك أن شاء الله .. وطالما ان أبو نوح وابو عقالين من اللجنه ومن الواضح أنهم يريدون مشاركتك فلما التأخير أيها الشاعر الفذ والملاق والله اني أقولها بدون مجامله انك شاعر أشهر من نار على علم ولا هرب الزيدي والكاولي من العمده الا شعرك لإنه يجي بالعظم ديركت فأنا أتمنى أن تمتطي صهوة جوادك وتهيجن لنا بــ قصيده شامخه وتاريخيه وصدقني أن اللجنه يعطون كل ذو حقآ حقه والجميل واضح ويفرض نفسه . ولك تقديري واحترامي |
يكفي من أبداع
ما يحتويه هذا الموضوع وما دار بينك وبين أبو عقالين وكاتب وأبو نوح هذا خير دليل بشهادتي لك بأنك شاعر |
الله الله الله عليك ياعلي هووونك معقووول اننا ماشفناك كل هالايام بضووح مثل الليله هذي وانت اوضح من الشمس الشارق صح اللسانك واعتلا شانك وبيض الله وجهك شاعر فحل وصح اللسانك يابوو عقالين لكن الوعد لك بعد المسابقه جهز حزبك وجمع فلوولك هالحين والله ماقدر اقووول لك شئ هههههههه |
إقتباس:
الله واكبر عليك يابن عطوان ولايهون على هونك عزالله انه مرد قوي وياليت كل مشارك تاخذ معه داس هههههههههه |
هههههههههههههههههههههه
ههههههههههههههههههههههههههههههه ههههههههههههههههههههههههههههههههههههه المعزب المعزب المعزب |
ياسلام عليك ياعلى هونك مايحتاج اقول انت شاعر كبير ومن هل المديح ولكن على مستوا هذا شارك
وانا كفيل لك بالفوز حقيقة مساجلة ابدعة فيها ولايهون ابو عقالين |
للحديث.. بقية !!
|
على هونك كيف الحال تدري اني ادري انه لن ينظر الى القصايد بل الى الاسماء
وكنت واثق من ذلك جدا |
إقتباس:
والله القصايد ادري انهم مراح ينظرون لكن السماء مادري |
| الساعة الآن +4: 03:08 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
