|
الرساله للعمده
نعم نعم سلمولي على العمده عقيد الركايب=ناصر خنيفر اللي كلكم تعرفونه والله انه على بالي ولو كان غايب=والعرب راعي الوقفات مايجحدونه مايذم الرجال الا لعين الصلايب=حسبي الله على اللي منه هذا النمونه يازمان العجايب يازمان الغرايب=ليه ذكرتني وقت ِ تقافت ضعونه يوم من بيننا نار ولهيب وحرايب=يوم نشيل راس المعتدي من متونه يوم من بيننا يذعذع نسيم الهبايب=والحسد بيننا الاصحاب مايعرفونه قبل مايصير راسي من عناء الوقت شايب=والجماء مادخل به سوسة ِ في سنونه ساهرين اليال ومتعبين النجايب=كم يمسى بدار ودار ِ يصبحونه نارد العد الاقصى في نهار الهايب=نارد اللي ضعوف الناس مايردونه لكن اليوم والله يابن براك طايب=من جميع الشعر لو طورو في الحونه واخر العلم بالايام مخطي وصايب=مير نبغى السموحه ولال عينك مهونه اخوك ابو عوجه |
صح اللسانك يبو عوجه طيب وقصيدك طيب والعمده يستاهل الطيب
|
يا سلام يالعوج دايم وانت تطلع بطلعه هههههههههه
والبيت اللي قبل الاخير تراه ماجازلي دور غيرها يالعوج |
صح السانك يابو عوجه والعمدة يستاهل
|
الله الله
صح اللسانك يابووو عوووجه وننتظر رد العمده ولي عوووده علي الموضووع ان شاء الله بيض الله وجهك ولاهنت |
صح السانك يابو عوجه وننتظر ابو تركي
|
إقتباس:
ولا هنت يابو عوجه |
صح لسانك يابو عوجه
|
صح الله لسانك يابو عوجه
|
الله درر لاتأتي الا من رسام
حبكه شعريه وبيوت جزله بيض الله وجهك |
الشاعر الكبير ابووووووووو صلعة صح لسانك وبانتظار رد العمدة
|
[quote=ابو عوجه;1901522]
نعم نعم سلمولي على العمده عقيد الركايب=ناصر خنيفر اللي كلكم تعرفونه والله انه على بالي ولو كان غايب=والعرب راعي الوقفات مايجحدونه مايذم الرجال الا لعين الصلايب=حسبي الله على اللي منه هذا النمونه يازمان العجايب يازمان الغرايب=ليه ذكرتني وقت ِ تقافت ضعونه يوم من بيننا نار ولهيب وحرايب=يوم نشيل راس المعتدي من متونه يوم من بيننا يذعذع نسيم الهبايب=والحسد بيننا الاصحاب مايعرفونه قبل مايصير راسي من عناء الوقت شايب=والجماء مادخل به سوسة ِ في سنونه ساهرين اليال ومتعبين النجايب=كم يمسى بدار ودار ِ يصبحونه نارد العد الاقصى في نهار الهايب=نارد اللي ضعوف الناس مايردونه لكن اليوم والله يابن براك طايب=من جميع الشعر لو طورو في الحونه واخر العلم بالايام مخطي وصايب=مير نبغى السموحه ولال عينك مهونه اخوك ابو عوجه مشكور يابو عوجه وسمحلي بالرد على عجل ومشغول هذه الايام جعل تسلم يابو عوجه وكل القرايب= ربعنا اللي علوم اهل الوفا يكسبونه وصلنا العلم مارده هضاب وجذايب= عبر الارسال وسط انت اللي ترسلونه مرحبابك عدد ماهل وبل السحايب= يوم صدق خياله ولودق في ركونه والمسبه ماتاتي غير من رجل خايب= وهل الطيب يقفا الرجل مايلحقونه وترك الناس مالك في كثير النشايب= من يتابع كلام الناس شابت عيونه الثعل وين يسكن مسكنه بالخرايب= ومن على طقته بالمجحره يتبعونه انتها وقتنا مافيه كسب وكسايب= طفرت العام هذا العام لاترتجونه يوم جوها الحبربش حط فوقه نصايب= كل واحد على الثاني يفسر ردونه زبدة الهرج اخذناها وشقر الذوايب= ومابقا خل ربع مسيلمه ياخذونه والسموحه وانا عن شنت الحرب تايب= شايبك عقب الستين لاتشغلونه هههههههههه ماتطول شواربنا كثير الطلايب= رجل معرض عن الطلبات لاتقعدونه |
الله يعينك يابووو تركي
انت بس مشغوول الله لاشغلنا الا بطاعته الليل والنهار تدعي وتستسقي للديره الممحله اخاف الله يرزقها بالمطر من كثر العنصريه الي بدمك هههههههههه صح اللسانك وبيض الله وجهك والحمد لله علي السلامه ولا تعبت |
يالعمده صح السانك مثل ماني خابرك ولا تغيرت
ربي يطول بعمرك دبل اللي ذكرته ههههههه |
صح السانكم جميعآ
وبلا شك شعراء لهم وزنهم وثقلهم رغم أني ضد التنحي عن العراك بالشعر فانتم رونق المعركه حينما تدار رحاة الحرب لذا أنا ضد مضمون قصائدكم وأنتم شعراء وتعرفون ما أعنيه بالضبط بيض الله وجيهكم ولا تحرموننا هالجزاله والابداع |
صحت السنتكم ولكن بعض الكلام مرفوض انتم اعمدة الشبكه قبل تجي قوم جوج وماجوج ولاعليكم من احد واذا فيه مضايقه او كلام غير مرغوب فيه انا ضد اي متغطرس وانا اخو فطيما
لعيون ابو عوجه وناصر صديقه= حنا معاكم باليمن والعراقي بالسلم ولا لو تولع حريقه= حنا كعام اهل الحيل والنفاقي خلو يديكم عن يديهم طليقه= اللي تبث اسمومها بالمتاقي مايواجهون اخصومهم لو دقيقه= ماغير سرد الحكي باقصا الرواقي انتم معاكم عن خطرهم وثيقه= موثقه بختوم عند التلاقي وهم قصاديرن ماينفع بريقه= شهرين مايبقا على الارض باقي ماحدن يزيحك يالرجال العتيقه= الغو نواياكم بذكر الفراقي والرجل مايحدث بما لايطيقه= والماء الغزير تحصله بالسواقي ماحدن يفرط بالجذور العريقه=قلته ماني خايف علي الطلاقي مثل ابو عوجه لابغيت الحقيقه= والعمده اللي فيه زاد اشتياقي |
قصيد شامخه بس البيت الى قبل الاخير فيه ضعف
لكـن اليـوم والله يابـن بـراك طايـب من جميع الشعر لو طورو فـي الحونـه |
صح لسانك يا بوعوجه وانت فوق الاشاده
تكفا يا بو تركي اوجعت قلبي في البيوت الثلاث الخيره تصوير عجيب وشاعر محنك |
| الساعة الآن +4: 11:25 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
