|
اسمع يا سعد عادي قبل
السلام عليكم ورحمة الله وبركاته
وبعد وردني رسايل علئ بريدي يطلبون مني العب مع الشاعر الشلاش بعد صلاة العشا هذا الشاعر اللي له بصمه بهذا المنتدا الشامخ ويعلم الله اني معرفه ولاكن وردني عدة رسايل وسوف البي طلب الجمهور وان شا الله الشاعر الشلاش يكون موجد وانتم اللي عليك الحضور والسلام اخوكم السيف القاطع |
ياخواني من يعرف الشلاش
ايبلغه قبل يكون عنده ارتباط |
السلام عليكم ورحمة الله وبركاته
يامرحبا با الحضور والصفوف الان لابد من التواجد ومن يعرف الشاعر الشلاش يتصل عليه ويخبره والتشجيع مطلوب |
يامرحبا با الحضور ترحيب وافي
|
مرحبابكَ يآلسيف
إن شاء الله الاخونْ يبلغونه ونرى المحاورهـ لها طعم في شاعرين مميزينْ سجلني متابع |
حياك الله يا العبسي الغامض وبنك الشعر والداب الارقط وجميع من تواجد
|
مرحبا يالسيف وعلومك
|
اليل يا شلاش مدري وين غاب النصيب =الناس قالولي انك شاعر الملعبه=
انا قريت الرسايل قلت لازم نجيب==والبنك ياسمع علومي والخبر يكتبه== |
عليكم السلام ورحمه الله وبركاته
هلا ابك شاعرنا وما أحضرني لهذا المكان هو عنوانك وكنت اتمنى أجد للعنوان مضمون بالموضوع ولكني لم أفهم ما تقصد . واذا وصلتك رسائل من أحد ياليت توضح من مين وصلتك ,. |
حياك الله ياسعد عادي وسمك يشرفني يكون عنوان المبدا
وانا اقصد الشاعر الشلاش له جمهور ومطلوب ولاحضر والملعبه الان قايمه بيني وبين بنك الشعر وعذرني كان بدا مني خطا ولاكن فيه مواضيع تنقل ولا ادري وين تنقل ومشكور |
الله يشرف مقامك يا الغالي ...
وماجاء منك الا كل خير وان شاء الله يحضر الشاعر شلاش .. ويرد وبالتوفيق لك مع الشاعر بنك الشعر ورح اتابعكم ومتأكد ان الابداع حليفكم . |
السلام عليكم ورحمة الله وبركاته .
وش السالفه العلم ويش , الله يستر ههههههههه أنت موجود يالسيف أم لأ ؟ |
مرحبآ بالشاعر المطلوبْ :-
العلمَ سلامتكَ السيف توى يحآوركَ والاحوالَ طيبينْ ومجتمعينْ على شآنكم ^_^ |
خيال البويضا شلاش
يامرحبا ومسهلا أبرك الساعات وينه اللي يدورني أزهموه أنا بالميدان . |
جاك ياشلا ش هد الوضوع اوتبصر
|
ياسلام ياسلام استلم
يالليل يالليل يوم الخيل جاله هذيب *** أبنطح القوم دام القوم متزهبه أنته قريت الرسايل بين شكا" وريب *** ماتدري أن الاوادم علمكم تقلبه |
بدايه موفقه يا شلاش بس ترى السيف بيقعط نسمك
|
حيا الله الشاعر اللي للمواقف يصيب=لو غاب عن لازمه لابدما يحسبه=
انا عليه من الظاهر ولافيه عيب==والسيف ياصاحبي معروف وش مكسبه= |
الله يستر يالخشف
ماتعرف اهذا cpr أذا راح النفس هذا طبه بعد الله حللها إذا أنت شنب . |
يامرحبا با الحضور وصفوف مطلبوبه والتشجيع مطلوب
|
دام البقى ياعميلي والله اللي رقيب *** لكن هات السوالف حبحبه حبحبه
أحسب حساب البعيده قبل حسب القريب *** ترى الحصيني يقص الدرب راس أذنبه |
محاوره ناريه وبكل صراحه من الطرفين.....وبدايه جزله رد متعوب عليه من الشاعر الشلاش ولايهون الشاعر السيف القاطع وابن عايضه متابع ومحلل بنفس الوقت. |
الليل يالسيف الليل
|
الشمس يا شلاش لوتطلع تراها تغيب==وللي غدامع طريق المهد قص اشنبه=
الناس تجهل علوم الحق والذيب ذيب==يشوف ليل الغداري سا رقن مطلبه= |
حياك الله يابواحمد عايضه وانت شاعر وحضورك يسعدني
ويامرحبا بجميع الحضور |
إن بانت الشمس يالغالي يروب الحليب *** واللي ركض في طريقه يبتلش بركبه
اللي صغير بسنه مايجي فيه شيب *** لو الأوادم مع الأيام بتعذبه |
إقتباس:
الله الله ياسيف القاطع عزالله أنكَ واشهد إنك ذيبُ |
لا ياحبيب توقع ثم خلك حبيب=انت مجرب وعندك بيت من تجربه=
يا شلاش بعض السوالف حطها با القليب==لا تقول سوق المدينه مثل سوق اتربه= |
بيض الله وجهك يالعبسئ الغامض ويسعدني مرورك و
حضور الجميع |
ماقلتلي ياولد والعلم هذا عجيب *** وش سالفه راعي المحطاب طاح أحطبه
أنته ترحل وغيرك نازل" بالشعيب *** ياليت راع الركايب ينعرف مذهبه |
إقتباس:
جزاله وفتل ونقضُ ياسيف ^_^ وخلها في سوق تربه |
يعطيكم العــــــــــــــــــــــــافيه
|
محاوره رائعه بين الشاعرين ومتابع للجزاله والابداع
ولكن العنوان يخالف المضمن |
الدرب اليمن تشوفه فيه بعض الذهيب=لاكان راع النخل وشفيه عاف ارطبه=
المسلم اللي يصلي فيك مثل الخطيب=ياعل ماانت تبا تحوله عن منصبه== |
التأخير ذبحنا
الساعة الآن الواحدة والدوام الساعة السادسه صباحا" تصبحون على خير وبيض الله وجهك يالسيف ويعطيك الله الف عافيه على هالطاروق والسامعين . |
اسعد الله صباحكم بكل خير والله ايعافيك يا شلاش وانت شاعر بمعنا الكلمه
ولا الوم جمهورك لوقال ا طلبه وان شا الله النا لقئ وتصبحون علئ خير |
محاوره مكتمله وبيض الله وجيهكم
ونقض وفتل ممتع وشاكر ومقدر تواجدك المثمر |
يعطيكم العافي محاوره جزله
|
الله الله
صح لسانك وسجلني من الجمهوررر |
بيض الله وجيهكم جميعا" وشكرا" على الأشاده . *** يامرحبا بعمدتنا مرورك شرف لنا وللمنتدى . *** عنتر زمانه الله لايهينك بيض الله وجهك . *** صقر بني رشيد بيض الله وجهك وانت من جمهوري وفيه شاعر نبي نضحيبه مطنش بخشمه مايرى الناس شيء , ههههههههه *** السيف القاطع شهاده أعتز بها ووسام على صدري . وأنت بالمثل شاعر لا يستهان بك من كل النواحي . ( ومن لا يعرف الصقر يشويه ) تحياتي لكم الشاعر شــلاش |
| الساعة الآن +4: 01:00 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
