وقعه قبيلة بني رشيد وبين قبيلة حرب بالمصدر وقصيدة بنت ابن نحيت
المصادر التي ذكرت هذه الوقعه هو كتاب موسوعة القبائل العربيه بحوث ميدانيه المجلد الثاني الجزء الاول المجلد الثاني صفحه 580 يقول الكاتب مانصه
(غزا ابن نحيت الحربي على بني رشيد وبني بيت الحرب في ديارهم ودارت رحي المعركه وانتصر فيها بنو رشيد , ويذكر الرواه أن فرسان الرشايده قطعوا بيت ابن نحيت بالشباري , وتقول بنت ابن نحيت بعد خسارة وهزيمة ابن نحيت امام بني رشيد ياحرب ما انتم بحرب ولانتم حرابه ...... ويلاه يارجال السعد والحرايب رحتم لابن براك مثل الجلابه..............يقضا بكم حاجات مثل النوايب وادي الرمه حمى الرشيدي جنابه ......يطيب لك ولاعلى غير طايب أن كان ماخلي تعاوى كلابه...............يالبيض روحن للرشيدي نهايب) انتهى حديث الكاتب وهذه صورة النص من الكتاب ينقل الوقعه كما نقلتها من الكتاب http://www.al3wazem.com/vb/images/st.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1441x777 الابعاد 85KB.http://www8.0zz0.com/2010/08/09/09/730267156.jpg لتحميل الكتاب والطلاع على الوقعه كامله وعلى معارك قبيلة بني رشيد على هذا الرابط تحمل الكتاب الجزء الاول المجلد الثاني http://wadod.net/bookshelf/book/990 |
لاهنت ناصر تسلم يديك.
|
لا هنت يالغالي على التنزيل ولا هي غريبه على بني رشيد
|
لاهنت يالسوارج .
الموضوع موجود . لو تضع موضوعك رد يكون اعم للفائده . |
الف شكر الاخ ناصر السوارج على النقل الجميل
وفيه قصيدة او ابيات ثانية تكمله لهذه المعركه قالها احد الشعراء الرشايده لا يحضرنى اسمه وهو انه بعد انتصار بنى رشيد بالمعركة هجوا الرعيان والاطفال ببعض ابل حرب وصادفهم غزو من شمر بقيادة التمياط الشمرى ولما شافوا الابل ما عليها الا الرعيان والاطفال الصغار سالهم اهلكم وينهم قالوا ذبحوا اكثرهم بنى رشيد بالمعركه والباقين هجوا وتفرقوا وقام التمياط الشمرى واستولى على الابل واخذها غنيمه بارده مبرده بدون قتال وطرد الرعيان وخلاهم على بير ماء ولما انتشرت السالفه قال الشاعر الرشيدى هالابيات يذكر المعركه واخذ الشمرى للابل صدفه وبدون قتال يالله يا غافر ذنوب الميت انك تسمح نونا جانا ابن فرهود غازى وابن نحيت غازى يبون جونا حنا ذبحناهم بوسط البيت وحنا نواشى تونا ويالشمرى بيض اليا الفيت خذيتها من سونا يقصد الابل ودمتم بالف خير الدكتـــور |
لاهنت ياناصر ولا انت يالدكتور
وبيض الله وجيهكم والجميع ونعم بحرب ونعم بشمر كلن له قسمه من هاك الايااام |
ونعم بعبس وحرب وبس
|
موضوع رائع ومميز لا تحرمنا من جديدك ومواضيعك الشيقه وشكرا
|
موضوع رائع ومميز لا تحرمنا من جديدك ومواضيعك الشيقه وشكرا |
ونعم بالجميع ونشكرك على هذا الايضاح المميزلهذه المعركة الحاسمة في وقتها 0
تحياتي |
القصيده
لجرود العريمه ماهي لبنت ابن نحيت |
القصيده هي لبنت ابن نحيت الحربي ومثبته في المصدر المذكور
|
موضوع رائع الف شكر لك ونعم فيهم كلهم
|
الف نعم في الجميع في قبيلة بني رشيد وفي حرب
وماهي غريبة على بني رشيد الانتصار في المعارك عطبين الرماه تقبل تحياتي وتقديري وشكراً لك على النقل |
اخوي القصيده معروفه لجرود العريمه
يا حرب منتم حرب ولا انتم حرابه *** ويلاه يا رجال السعد و الحرايب الى ان يقول رحتو لابن براك مثل الجلابه و اسأل العالم كلها القصيده لجرود العريمه خطا من المصدر لان ذكرها بإسم بنت ابن نحيت |
القصيده هي لبنت ابن نحيت ومثبته بالمصدر والكاتب ناقلها من رواه بني رشيد وارجع الى الكتاب فيه مرويات كثيره من رواة وكتب بني رشيد
|
ونعم بالقبيلتين عبس وحرب
|
يعطيك العافيه
|
حياكم الله
|
تسلم يمينك الله يعطيك العافيه والله أخوانا والنعم بالجميع
|
السلام عليكم ورحمة الله
الاخوة الكرام من قبيلة بني رشيد العزيزه ونعم فيكم يابني عبس وكلمة حق ان لكم سمعة حسنه عند الناس بالخوة والرفقه الطيبه والعشره وهذا شي مشهود عند الناس وانا لي زملاء عزيزين علي من قبيلتكم الكريمه واقول ماعليكم زود يابة عن قبيلتي حرب لمن قال والنعم بحرب وسوف اتجاوز بعض الردود المسيئه احتراما للمنتدى والمعازيب وبني رشيد لهم افعال مشهوده وانتصارات ضد عنزه وشمر وهذا شي معروف والانتصار ماهو غريب عليهم حيث انهم لابه معروفه . وقعة بني سالم مع بني رشيد هي وقعة حقيقيه ولكن القصيده التي يزعم البعض انها لبنت ابن نحيت او للعريمه هي قصيدة غير صحيحه ومنسوجه حديثا ولايوجد لها مصدر معتبر كانوا بني سالم مربعين بالحره بديار بني رشيد وأغاروا بني رشيد على بني سالم ولكن تمكنوا بني سالم من رد غارة بني رشيد وهزيمتهم بديارهم تشهد على ذلك قصيدة محمد إبن قويطع المرواني يــاراكــب الــلــي كـنـهــا مــشـــي بــابـــور=تـفـزيـز ربـــدا ً مـــع شـلـيـل الـحـمــادي تفـزيـز ربــدا ً شـافـت الـدحـو مـجـرور=تــذيــرت مــــن شــــوف زول ٍ وكـــــادي حـمـرا ً سـنــاد وغـاربــه يـزعــج الـكــور=فـــجـــا وهــــــج مــــــن كـــبـــار الــثــنـــادي تـــمـــد مــــــن واد الـمــخــاريــز والـــقــــور=والـعــصــر بـالـبـيـضــا ذلـــولـــي تــــــرادي ملـفـاك بـيــت ٍ كـنــه الـحــزم مـشـهـور=ظــــلــــه لــــركــــاب الــمــطــيــة يــــنـــــادي تلـقـى ظــلال وغـايــة الـكـيـف مـسـطـور=فنـجـالـهـن يــغــدي الــضــرم والـعــمــادي كـم راس قـنـد بــه مــع الكـيـف مكـسـور=ونـفـوس أهـلـهـن كـــل يـــوم ٍ جـــدادي يابـو شجـاع اللـي بــك الطـيـب مـذكـور=إنـشــد منـاجـيـب ٍ لـفــوا مــــن بــعــادي لا تقصـرون العـلـم عــن سـاكـن الـغـور=الــبـــدو والــلـــي ســـاكـــن ٍ بــالــبــلادي مــا يستويـلـك غفـلـة ٍ وأنـــت مـجـبـور=مـــــا تـسـتـريــح ولا بـــتـــك بـالـجــهــادي *يارشـيـد يـاإبــن رشـيــد يـاوفــي الـشــور=زيـــــزوم عـــيـــرات الــنــضــا بـالـمــعــادي قـلـه تــرى الــوادي غــدى مـنــوة الـخــور=مـــنـــوة هــراجــيــف الــبــكـــار الـــتــــلادي وقل له ترى حمضه من الوسم ممطور=بــيــن الـقـبـايـل صــــار دونــــه عــنـــادي الـهــم جـانــا فـــي جـمــوع ٍ ومـظـهــور=جـانـا مــع الـحــرة عـلــى الـمــال عـــادي سـرنــا علـيـهـم وإنـتـخـى كـــل مـسـطـور=وأقـفــن بـهــم يـارشـيـد ضـــرب الأيـــادي سمـع المثـاري مـع هـل الخيـل مشهـور=ورمــا عـلـق بـنــت الـحـصـان الـجــوادي لـيـن إدّرق فـــي جمعـتـيـن ٍ وصـابــور=ويــشــيــد بـالـبـيـضــا لــبــنــت الـــمـــرادي من ادابنا الشعبيه منديل الفهيد الجزء السابع ص101 *رشيد بن رشيد من شيوخ ولد سليم والقصيده موجهه لشيوخ ولد سليم يخبرهم فيها بانتصارهم على بني رشيد وان وادي الرمه من جهة الحره بديار بني رشيد اصبح لهم بعد ضرب الايادي . |
هدبدب اسمح لي ان اقول لك ان الكذب مايجوز ومن ذم الناس وافعالها ذمه الله بالدنيا قبل الخرة هدبدب انت قلت ان القصيدة من نسج الخيال وانت تعلم من داخل ان كلامك((...)) فالله يسامحك انت تدري انك الان تكلم عن ناس ماتو وقاعد تجحد افعالهم
وتحاربهم وهم في قبورهم هدبدب اتق الله اتق الله صدقني ياهدبدب انك ماراح تغط النور بفمك ولو كتبت منيه الى يوم الدين لان الحق واضح وانا اخوك بس انا مستغرب منك ليش ها.........وش انت مستفيد بني رشيد قبيلة عزيزة وحرب قبيلة عزيزة والقبايل من خلقت الدنيا وهي كاسر ومكسور اما قصيدتك الي تقول فيها ياراكب اللي كنها مشي دابور مالها علاقة في غزوة ابن براك وابن نحيت الا اذا تبي تلوي ارقاب الابيات غصب وتحرفها على كيفك فهذا ماراح احد يقبله اما سبب الغزوة هو ان بني رشيد لما هاجرو الى السودان ومصر والكويت وغيرها من الدول بسبب الحروب اللي لو اذكرها اعتقلتني السلطات من ثاني يوم ماعلينا المهم اصبحت اكثر اديار بني رشيد خالية فتسابقت عليها بعض القبايل وفرحو بها لانهم كانوا محرومين منها في السابق بسبب وجود قبايل بني رشيد وقوتهم الجبارة من الصمان الى البحر الاحمر فالحاصل ان بني رشيد تشاوروا وجتمعوا على ان يردون بعض العدود وبعض مراتع الابل مثل وادي الرمة اللي هو بحماية بني رشد من قبل 1450 سنة فنزلوا بني عبس بوادي الرمه فسمع ابن نحيت بالخبر فقال عليهم وابن نحيت بالمناسبة من الفرسان النادرين في شبه الجزيرة الحاصل بنى بيت الحرب وهذي من عوايد القبايل وارسل لبن براك انه ناويه بالحرب فستعد ابن براك ومن معه من بني رشيد وهم من حوله كالاسود الضارية وهجم ابن براك على ابن نحيت ودارت رحى المعركة وانكسرة قبيلة حرب وهرب ابن نحيت ووقعت بنته واجواريها في الاسر فضنت ان ابن براك راح يهينها فقالت له يابن براك تسمح لي اقول لك ابيات مادام انا حرة الى الان قال ابن براك قولي قالت القصيدة ياحرب مانتم حرب ولاانتم حرابه ويلاه يرجال السعد والحرايب رحتو لبن براك مثل الجلابه يقضي بكم حاجات مثل النوايب وادي الرمه حامي الرشيدي جنابه يطيب لك ولا على غير طايب يالفرم نسوونا عيال الذيابه ارجيك لو انك ورا السد غايب وان كان محسن ماسعى بالثرابه يالبيض روحن لرشيدي نهايب والقصيدة اطول من ذالك فلما انتهت قال ابن براك بنات الاجاويد ماتنهان عندنا خذها ياصنهات وصنهات هذا عبد ابن براك برفقة بعض الفرسان واذهب بها الى اهلها هذه هي الحقيقة اللي نواجه الله سبحانه بها والسلام عليكم ورحمة الله وبركاته |
اخي الكريم قصيدة ابن قويطيع المرواني التي تتكلم عن انتصار بني سالم منقوله من كتب الشعر الشعبي يقول منديل الفهيد (هذه ابيات والمناسبه أغار الشيخ ابن براك على بعض بني سالم من حرب على رأسهم شيوخهم المضايين والشيخ ابن نحيت والقصيده تفسر نفسها للشاعر محمد ابن قويطع المرواني - اركب ذلول للشيخ عيسى بن ناقي يقول ...........الخ) الجزء السابع ص 101
وصدقني اخي الكريم انا لا أقلل من شجاعة بني رشيد بل قلت لك قبل هم مشهود لهم بالشجاعه واشتركوا بالسبله وقبيلة عريقه ولكنك أسرفت بالخيال اخي الكريم من انكم سلبتم بنت بن نحيت ! فهذا لم يحدث ولم نسمع به فهل لديك مصدر يؤكد كلامك ؟ . |
الله يحييك القصص هذي ماهي احاديث نبوية حتى نذكر السند دون انقطاع
ولكن سندنا نحن بني رشيد هو اباءنا واجدادنا وسند حرب ايضا اباؤهم واجدادهم والقصة اخي الكريم ماهي وليدة اللحظة حتى انك تستنكر بارك الله فيك ثانيا مصدرنا اقوى من مصدرك مصدرنا هو نحن اصحاب القصة وعيب علينا لو كذبنا امام الله وامام ربعنا حرب اما مصدرك انت مصدر راوي يكتب مايملى عليه من القصص ولا هو حربي ولا رشيدي فاخذ الاخبار من مصادرها الموثوقة اصلحك الله اما القصيد واجد وقادر الان اكتب قصة وقصيدة واقلل من شانك الله يعز شانك اقدر اكتب قصيدة لابن فهيداو اي مؤلف واقول هذي قصة وقعت بين اشجع ودبدوب والقصة تقول ان ((هدبدب)) شاب يبلغ من العمر 28 وكان من اجبن الجبنا ((الله يعزك ياهدبدب ولكن هذا ع شان اثبت لك ان المؤلفين يكتبون على مزاجهم)) فقالت له زوجته ليه ماتغزي مثل الرجال شف ((اشجع)) كل يوم يغزي ويكسب وانت فشلتني قال لها انشاءالله راح اغزي وكل يوم وهو يواعدها الحاصل قالت له ابيات تنتقده قالت دبدوب يادبدوب ماضن بك فود ماضن بك فودن ولابك شكاله دايم تقول اليوم بجيب لك ذود وبيتن مسودس من سمع به عناله مليت من هالهرج ياحسرة العود ياحسرة اللي ضن بك راس ماله والقصيدة اطول من ذالك سمع(( دبدوب)) بهالابيات وقال والله لجيب لك ذود ((اشجع)) مضت الايام ((ودبدوب)) يراقب عرب ((اشجع)) وفي واثناء المراقبه جاء الفرج فهاهو ((اشجع)) يتجهز لذهاب الى اماكن الصيد هو وربعه فاستغل الفرصة ((دبدوب)) واخذ الابل وساقها الى زوجته فلما نظرت واذ ((بدبدوب)) ومعه ابل ((اشجع)) وهذا هو الوسم عليها واضح قالت والله اني ماقدرتك يا((دبدوب)) وسامحني بس قلي كيف حصلت على الابل احكي لي يافارس الفرسان قال الحقيقة اني هجمت على ((اشجع)) وجماعته وقاتلتهم وذبحت من ذبحت ووقع ((اشجع)) في يدي وقتلته شر قتله هاه نرجع لعرب ((اشجع)) راعي الابل (الصبي) لحق عمه ((اشجع)) وعلمه بالسالفة قال اشجع ومنهو اللي اخذ الابل قال ((دبدوب)) غير اتجاهه ((اشجع)) وراح يم عرب ((دبدوب)) تدرون من راح له؟ راح لامير القوم وقال والله اذا ما((دبدوب)) ساق الابل هو بنفسه للمكان اللي اخذها منه اني لفعل فيكم كذا وكذا فامر امير عرب ((دبدوب)) وقال احضروا لي ((دبدوب)) الحاصل احضروه وعلمه الامير بالسالفة كلها قام ((دبدوب)) يحوص يمين ويسار لكن مامن فايدة ساق الابل ((دبدوب)) ل ((اشجع)) ويوم وصل عنده الا يوم شاف الطامه الكبرى الا زوجته امامه صاح ((دبدوب)) وش اللي جايبك قالت له انا دخلت على ((اشجع)) ودخلني وانا هالحين ابيك تطلقني دار النقاش وعلى الصياح وتدخل ((اشجع)) وطلب منها ان ترجع معه ولكن برضاها لانها كما ذكرت داخلتن عليه ماابي اطولها وهي قصيرة ذهبت مع زوجها وهي تردد هالابيات لاعدت لاعدت يادبدوب ياليت مالله خلقني لك الكوب ماهو عليك الكوب الكوب للي صفطني لك علمك تجيبه على المقلوب واشجع عدل علمك اللي لك وش رايك يادبدوب بالقصة كلها كذب في كذب الله يعزك لكن لوقراها راوي ماعنده مشكله انه يرويها لفائدتين الاولى انها تعتبر مادة لكتابه الثانيه انها مكسب له واكرر واقول هذا لايعيب الراوي لان الراوي يقول انا ما اروي حديث انا اروي ماسمعت والسلام ختام |
اخوي اشجع والنعم فيكم انا طلبت مصدرك انكم انتصرتم بالوقعه ؟
مصدرك الذي نقلت عنه الوقعه ليس بثقه اخي الكريم فانت تنقل عن موسوعة القبائل العربيه لمحمد الطيب وشككت في أمانة الراوي الشهير منديل الفهيد , ومحمد الطيب هو مصري الجنسيه اخي الكريم يعني ماله بالقبائل النجديه وصراعتها سوى مايصل اليه عن طريق الفاكس ممن يرغب في تدوين اي شي له حتى لو كان غير صحيح . |
احسنت وها انت تايدني من حيث لاتشعر
وتقول ان المؤلفين ماعندهم الا الفاكسات يعني كلامي عن الفهيد صحيح وانت تايدني بارك الله فيك اما قولك اني انا نقلتها من موسوعة القبايل لمؤلفها الطيب فهذا افتراء علي على كل حال اخي دبدوب القصة هذي ماتضر بني رشيد ولاتضر حرب سواء كانت صحيحة اوغير صحيحة بني رشيد من خلقة الدنيا وهم حامين الارض والعرض وحرب كذالك واضنك توافقني الراي وارجو اغلاق الموضوع لاننا بنظري وصلنا الى نتيجه وشكرا |
منديل الفهيد ينقل قصائد مشهوره وهو راوي كبير ينقل القصائد الموجوده المشهوره والصحيحه عند أهل نجد اما محمد اسماعيل الطيب فهو شخص مصري لايعرف القصائد ولا قصص اهل نجد وهو يكتب قصص ان طلب منه ذلك حتى لو كانت هذه القصص غير صحيحه
فلا يصح المقارنه بين الاثنين. |
سلمت الايادي
|
مشكور وماقصرت على هالواقعة وبيض الله وجهك
|
اخي الحربي ماهو بكيفك تكذب المصدر الذي ننقل منه نحن مصدرنا محمد الطيب والمصري الي مو عاجبك ينقل من رواة قبيلة بني رشيد ورواة قبيلة حرب وارجع الى كتابه واقرى من زوده في نتائج المعارك بعدين قي منتدى حرب انتم تنقلون مواضيعكم من كتاب محمد الطيب هل اذا قال انكم انتصرتم يصبح صادق واذا قال انكم انهزمتم كذاب في موضوع الذين تتحدثون فيه بأن الشريف قال انكم حرابة الدول ناقلينه انتم من كتاب محمد الطيب الذي نقله من كتاب عاتق الببلادي الحربي ومنهج محمد الطيب المصري الي مو عاجبك مايكتب شي من عنده بل ينقل من رواة حرب ورواة بني رشيد وارجع الى الكتاب واقرى من هم مصادره
|
ونعم بالقبيلتين بني رشيد وحرب ..
جيران وخوياء درب على عز ومعزه اول وتالي HageaS |
شكرا لصاحب الموضوع ولكن اتمني من الذي يكتب التاريخ أن يتحرى الدقه في القصيدة
|
لاهنت ياناصر ولا انت يالدكتور
وبيض الله وجيهكم والجميع ونعم برجال عبـــس ((ترااا من يقرب يمنا قصده شر وطيناها علي خده)) |
تسلم اخوي ماهي غريبه على عبس
|
وادي الرمه حمى الرشيدي جنابه ......يطيب لك ولاعلى غير طايب
أن كان ماخلي تعاوى كلابه...............يالبيض روحن للرشيدي نهايب) انتهى حديث الكاتب انششهد .. يعطـــيك العـــافيــهٌٌُ . خَ ـزامـىُ |
كماقيل من قبلي
ونعم في عبس وحرب يكفي |
الساعة الآن +4: 10:30 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.