اناتراني بنت عن عشرة رحال=وبنت النشامى ماتخون الوصيه
ماكل من يلبس له شماغ وعقال=قالوا عنه رجال مافيه زيه
بعض الرجال النواع بالطيب واشكال=واكرمهم الي صان حق البنيه
باعطيك سرً تنظرب فيه الأمثال=ان ماعرفت الحر حطه شويه
هذي بيوتي جاريه عبر الأرسال=عطني جوابك تنتظرك الثنيه

جتني بيوتً مرسله عبر جوال=أبيات شعرً والنوايا خفيه
بنت النشامى بالشعر تضرب أمثال=متساويً طيب الرجل والبنيه
مابه مقارن بين حرمه ورجال= الفرق واضح دامت الشمس حيه
حنا حماة الدين يابنت الأبطال=حنا مقابس الوغا يالغضيه
ليادق طبل الحرب في حامي الال=كلاً يابي بالروح يفدا خويه
دون الوطن وحمايتك دمناسال=والرواحناللموت تجلب هديه
بنت الوطن عن واهج القيض بضلال=ماسال كحل العين في ظل فيه
تبقا لنا بالبيت وتربي أطفال=مصيونةًبالبيت ويضامحميه
حياتنامن غيركن مالهافال=مااذمكن بالقول نفسي بريه
وقت الرخاء لعل يفدونكي انذال=تسوين من بعض الرجاجيل ميه
وختامهاحنا صناديد الأبطال=صلوا على المختار صبح وعشيه

ياصاحب الجوال خطك قريناه=وبنت النشامى ماتحب الميوله
افعولنابالقوم والخيل شفناه=جدي حفظناسيرته من افعوله
وان كانهابالطيب حناورثناه=ملكت كل الطيب عرضه وطوله
حتى المكان الي ورا الشط زرناه=وترى الشجاعه نعتبرهاسيوله

قال الرشيدي من بني عبس مجناه=كل العلوم مقيده ومعقوله
الطيب يابنت النشامى وسمناه=وسمً البوي وسم كل الحموله
بشت الفخر بالطيب حنا لبسناه=ولا الردا يابنت ماني بحوله
وقت الجهل يابنت راح وتركناه=قتل البري يابنت مابه بطوله
العلم نور وشرع ربي عرفناه=وكلً على ماقيل قيد ذلوله

هذي حقيقه واضحه ماهي بزور=وكل الحقايق واضحه ومعروفه
اعلن كلامه بين لجنه وجمهور=وحقق مناته ماحسب كل خوفه
وقت الدراسه نرسم بخط طبشور=وكل الحقايق واضحه ومعروفه

مدام نفسك بالخطاصابهاغرور=اكيدمانتي من النشامى معروفه
بنت الرسائل صارت عيونهاعور=االحق واضح مير عيت تشوفه
اباانسحب يابنت والفعل مخبور=مدام شعرك هابطاتن حروفه
الحر يشهر ماكره عالي القور=والبوم بوم وبيناتً وصوفه
يابنت يابنت الرسائل لكي شور=بعضً من الاوقات ماهي مخلوفه

سألت شايب نجد عن كل ماصار=وجاوبني بكل العلوم الصحيحه
قال الحقيقه واضحه وزمن دار=وسنينهم يابنت صارت شحيحه
اقفت ركايبهم مع ارجال وصغار=صوب الديار الممطره والفسيحه
حتى فعول الطيب نشرة بالأخبار=وأفعالهم بالضيف دايم فليحه
قال الشجاعه ضدها ناسً كثار=تجمعوا والكل تسمع فحيحه
وتفرقوا بعد الغزو قبل الأسحار=وكلاً على ماقيل ينقل جريحه
أستغرب الشايب وهوشبه محتار=وقال الزمن هذا علومه شحيحه

حنابدو يابنت مع حسك الأوبار=نتبع البراق الحياء في مطيحه
الدار نحميها على قب المهار=والي طمع بيض العذارى تصيحه
وندرا خوي الدرب ونقدر الجار=والضيف ماجوبه علينا ذبيحه
صحيح منا من قطع زرق الأبحار=وكل القبائل مثلنا يامليحه
نصف لقبائل بدلت دار في دار=يوم المراعي بالجزيره شحيحه
البعض منهم يم بغداد ويسار=والبعض منهم وسط كسلا مريحه
العلم وصلك وتركي نظم الاشعار=بكثر الرسائل تحرقين الشريحه