قال المقوعي قـدر الحـرف تقديـر=لاخيـر بالدنـيـا ولــذة منـامـه
يامنيف عقب ربوعنا جت معاصيـر=والجو أشوفـه قـام يـذري كتامـه
يامنيف وين اللـي يجونـا مساييـر=أهل الشرف والطيب وأهل الشهامـة
أهل البيوت اللي عمدهـن كواسيـر=ربعي اللي صـارت علـىٌ الغرامـه
ماتقل بأرض الصور بنـو دواويـر=ولاتقل شفـت بيوتهـم والجهامـه
توادعوا بالصور واقفـوا مسافيـر=الله يوفقهـم طـريـق السـلامـه
تشالعوا من عندنـا شلعـة الطيـر=صلف(ن) هواه وشاف فرخ الحمامه
بس العجـاج اقفيهـم لـه تثاويـر=مرباعهم جو(ن) كثيـر(ن) رمامـه
تلقى لهم بارض الموشـم مقاطيـر=هاك الديار اللـي رفيـع(ن) مقامـه
مدهالهـم يـوم الليالـي مخاضيـر=إليا اشتبك عشب السهل مع خزامـه
أهـل بيوتـن مجمـع للخطاطـيـر=والضيف عصبـان المفطـح يدامـه
برفافهم تلقـى الأوجيـه المسافيـر=ودلالهم من حـب صنعـاء طعامـه
ونجر(ن) يصوت بالليال المعاسيـر=ونار(ن) ينـادي للطرقـي شعامـه
ندعـي لهـم بمكبـرات المزابيـر=غرن)على صفر المخيط انهشامـه
غر(ن) هللهن فـوق لابـة زبيعيـر=منه لمخيـط يشيـل راس العدامـة
وتضفي على نجد المزون الشخاتيـر=راع الغنم والبل يطـش المسامـة
ياخذ سنه ما شد يجمع مـن الخيـر=ويمضي زمانه مارحل عقـب قامـه
وتخضر ديـار مدلهيـن المعاشيـر=بني رشيـد اللـي حكـو بالقوامـه
بني رشيد اليـا اعتمـن المشاويـر=وصارت على من شار فيها ملامـه
وصاح الصياح وقيل ماانتم على خير=مير افزعوا وخذ الدبش مع خيامـه
وقالوا ترى قوم الدبش حرب ومطير=ربع(ن) على الردات يعجب نظامـه
يبـون اباعركـم وخـز المعاشيـر=وضارين لأخذ اللي ردوم(ن) سنامه
لحقوا على شهب(ن) واهلهن مناعير=وحمي الطراد وصار عنـد الجهامـة
وتعاطبـوا بالفعـل عنـد المغاتيـر=وكلن جرد سيف الفرح من إلجامـه
ولجن بنات البدو حـدر المقاصيـر=وقبقب شراع العز عقـب انهدامـه
واقفت نحور الخيل عنهـم مدابيـر=وكل اجلج(ن) فاخت هدفه ومرامـه
هـاذي عوايدهـم تفـك المظاهيـر=لاطار ستر اللي جديـد(ن) وشامـه
ربعي هـل الـردات مابـه معاذيـر=بني رشيـد عـزات منهـم عمامـه
وربعي اليا نامووا بحدب المناظيـر=كـم واحـد بالكـون بتـو حزامـه
اليا عودو قفـوا المتلـي صوابيـر=وصارت على من شار فيهـا ندامـه
مركاضهم يشبع به السبـع والطيـر=والضبعـة العرجـاء تغـز العلامـه
صيـارم يـوم الملاقـا سواعـيـر=والعمر يهدونه لمـن كـان سامـه
ومن قال حنا أطيب فهو ماعمل خير=يظلـم نصيبـه والقبايـل اكعـامـه
الناس مثل النـاس مشـاي ومغيـر=وكـلٍ علـى حـده وكلـن بزامـه
والفعـل ماخـلاه عـرار لعمـيـر=وذيـاب ماقنعـس لشلفـاء سلامـه
هذا المثل والنـاس تمثيلهـم غيـر=والعيـب باللـي مايثمـن كـلامـه
ماحـط بالقيفـان كـذب ومعايـيـر=والصدق صابـون الفـؤاد وختامـه
وصلوا على اللي حج مكـة بتكبيـر=نبينـا اللـي شـرف الله مقـامـه

اقتباس من مشاركة صالح سعود (المشاركة 20245) الاخ الغالي - راعي البلها بحق رائعة هذه القصيدة للشاعر العلم معلث المقوعي شكرا لك على هذا النقل وبحق انت قلم مبدع بهذا المنتدى تقبل تقديري الخالص

اقتباس من مشاركة سامي الشويلعي (المشاركة 28802) راعي البلها بحق رائعة هذه القصيدة للشاعر العلم معلث المقوعي شكرا لك على هذا النقل

اقتباس من مشاركة بدر نوران (المشاركة 29449) راع البلهاا بيض الله وجهك ولاهنت على هذا النقل أحترامي لكـ

اقتباس من مشاركة ابو سيف المقوعي (المشاركة 56504) أخي راعي البلها مشكوررر على نقلك القصيده لشيخ المقاعية معلث بن مصلح المقوعي (رحمه الله) وبإذن لله سوف أجتهد بجمع قصائد الشاعر الشيخ معلث المقوعي إلى هذا المنتدي الرائع والمميز في مواضيعه وبااارك الله فيك ومشكورر على نقلك القصيدة والله يعطيك العافية

اقتباس من مشاركة مرزوق الرشيدي (المشاركة 61220) شاكر لك النقل وصح لسان قائلها وبيض الله وجهك أشكرك جزيل الشكر اخوك مرزوق الرشيدي