|
خاتم انت من الشعار اللي اتمنى العب معهم
خاتم سليمان انت من الشعار اللي وضعت اسمائهم اني ودي العب معهم وانت موجود الحين وودي العب معك طاروق الله لايهينك http://www.bani-3abs.net/aa/showthread.php?t=84827 |
مررحبااا مرررحبا في شاعر الحجاز والله يحييك في منتدى ربعي عبس وابرك الساعات حضورك
وياهلاااا فيك أبشررك بعزّك واحنا نشرّف كذلك وانا قريت موضوعك الأن ولقيتك ودك بالبدايه تكون من عندك تفضّل إبداا بالطارروق وانا في رسم الأنتظار والله يحييك تقبل تحياتي خاتم سليمان |
سلام الله على خاتم عدد مانملك من النوق = سلامي لاجل خاتم مايعاتبنا بشرهاته سيوف الحرب ياخاتم بدلها قوة الطاروق = ياحظ الفارس اللي في حياته جاب لذاته |
الله يبارك فيك ياخاتم وهذي الساعه المباركه وجتك البدايه |
إقتباس:
شاعر بلا شك والبدايه خير دليل وهنا شاعرنا الفذ خاتم الشعر فكن حذر منه والكبار يبقون كبار تمنيت ان اكون معكم ولكن النوم غلاب ولي عوده باكر ان شاء الله |
إقتباس:
الله الله هلا يامرحبا بأهل الحجاز أهل الشعر والذوق=تراحيبي على اللي مالقينا مثل هقواته لو إنّ السيف مثل القول مايذبح ولا مخلوق=ياحظ الاجودي يوم إنّ قلبه بيض نيّاته |
الاقتباس غير متاح حاليا
مشكور على كلامك الطيب ياعنتر زمانه |
إقتباس:
اررحب ياعنتر زمانه ارررحب نوّرتنا ونوّرت المتصفح ويستاهل شاعر الحجاز شاعر بمعنى الكلمه ولاهنت على ماقلت وشهاده افتخر فيها ونووم العوافي ياالغالي ونحن في انتظار مرورك العذب غدا ّ بإذن الله تحياااتي |
الله الله شعار قسم بالله
اتمنى اصل لمستواكم خاتم سليمان ردك على البيت الثاني رد شاعر كبير الله يوفقك قسم بالله انك شاعر كبيررررررررر |
يدوم الك البقا حذرك من يعرف خفايا السوق = بدا طاروقنا وخاتم ماضره غير سجاته لو اني ذابحن خاتم تريح من لهيب الشوق = وهذا خير من طاروق تبقى دوم حسراته |
إقتباس:
ارررحب ياعاازف ارررحب نوّرتنااا وشهااده افتخرر فيها واعتبرها وسام وانت كفوو وشاعر جززل والله يجعلني دايم عند حسن ظنكم لاهنت لاهنت تقبل تحياتي |
إقتباس:
الله الله أنا ماشفت مثل الدله اللي بنّها محروق=مدحّها معزّب الضيفان والضيفان شمّاته لو إنّك ذابح ٍ خاتم ماتاخذ عبس فيك احقوق=تدوّر حرّ من ربعك وتاخذ دمّه ازكاته |
إقتباس:
صح لسانك ولايهون شاعر الحجاز |
الله يسلمك ياعاازف واعجابك محل اهتمام وتقدير
لاهنت ياالغالي تحياتي |
الاقتباس غير متاح حاليا
ياسلام عليك ياخاتم لاتعذبني سبب دمع ن بوسط الموق = انا جازيت ضيفي ياجماعه حسب مشهاته انا ربعي حرار ولاسكن في دارها الغرنوق = وخاتم دورو ياعبس من يشبه لميزاته |
ياهلافيك ياعازف نورت الصفحه
|
إقتباس:
الله الله عليك امن الثياب اثنين واحد تحت واحد فوق=والك ورث اليتيم اللي توفّن كل عمّاته ترى في كل ديره مقبره يالطيّب المطفوق=ولكن قلّنا ويش أصلك اللي فيك عزواته |
الاقتباس غير متاح حاليا
لوالله الا اصبحنا اسمع طال عمرك رسول الله ذكرك بجانبه في محكم المنطوق = وانا رجل ن كبير وخاتم اتحرم ولاياته ترى حنا بزمان العولمه ولى زمان البوق = انا وانته من تراب ومحد له فخر في ذاته |
إقتباس:
الله الله تجيب البيت ديكوره وتخلط طاق مع طابوق=كما البالون ينفخ بالهواء وتزيد نفخاته أنا أقول الحجازي فيه خلط ٍ من ثلاث اعروق=كما العود المخلّط ريحته من كثر خلطاته |
الاقتباس غير متاح حاليا
لوامشيك بارض ن في وطاها الورد والرقروق = تقول الارض هذي ماسقاها الغيم قطراته وانا اقول الحجازي مالبس ثوبه وهو مشقوق = وخاتم من همومه ماعرفنا ويش غاياته ياخاتم والله انه ماهو خساره هالطاروق معك وبيض الله وجهك وان شاء الله يوم من الايام تجمعني الدنيا معك في طاروق مباشر وتصبح على خير |
تصبح بالف خير ياخاتم |
إقتباس:
الله الله وأنا أقول الحقيقه وأعرف إنّ الطق بالمطقوق=يضيق القبر بالميّت ليا شانت نهاياته وأنا اقول الحجازي لابس ٍ ثوبه وهو مسروق=ولو يفخر بجدّانه تقل يفخر بجدّاته وصح الله أبداانك ياشاعر الحجاز وانا كذلك تشرفت باللعب معك ولاهو خساره اللعب والتعب مع شاعر مثلك والكل مستفيد واعتقد ان هذا طاروق مباشر كلنا متواجدين إلا اذا تقصد الميدان فأتمنى ذلك وانا ماودي إنك انهيت الطاروق ودي انك كمّلت وانا رديت الرد الأخير عشان إنك انت البادي بالطاروق فيكون الرد الاخير عندي وإذا زان لك الطاروق وتبي تكمل عادي نكمل بس عطني خبر على طووول وتصبح على الف خيررر |
تصبحوووووون على خيررر يالررربع
|
هنا العمالقه تم تلاقيهم في الثلث الاخير من الليل
ولم يسمح لنا الوقت في موازرتهم بطاروقهم الذي يعتبر الافضل من حيث المفرده والانسياب والقافيه والوزن والمعنى والجزاله فأنتم بكل امانه أبدعتم وكفيتم لله دركم .. وكم أنا مراهن على نجاح هذا الطاروق بحيث ان خاتم طرف ولا يهون الحجازي فأنت جديد بالنسبه لنا ولكن الرجل يبين من منطوقه فأنت رجل بمعنى الكلمه فأن لم يخب ظني أن هذا اللقب لصياف رحمة الله عليه قد تكون من قبيلة حرب العريقه والجاره من قديم الزمن ونقول الف الف وانعم بكل من حيث ماتكون ,, ولكم تحياتي القلبيه ولا تقاطعوننا بالذات خاتم تراك تغيب أنتبه ترى عنتر يبي يفرض عليك رسوم للغياب والطيبين والله انه يشرفني تواجدهم وأنت واحد منهم |
لا ازود على كلام عنتر زمانه فهم شعار كبار
ولكن لفت انتباهي هذ المستوا العملاق لشاعر خاتم وكان بالمرصاد للكبيرة والصغيرة بصيغة جميلة ومطربة واعتقد انا هذه المحاورة الولى لخاتم سليمان ترتيبا لكل مااطلعت عليه من البيت الاول الى اخر بيت اعطيه الاعجاب عشرة على عشرة |
محاورره جزله ماقصروا الاخوان عنتر زمانه وصياف كفو ووفوا
|
نعـــــــــــــــــــــــــــــــــــــــــــم مثل ماقال عنتر وصياف
خاتم ابداع ولا اروووووووووووووووووووووع وكان في قمة الحضور الشعري والذهني تميز وتفرد مررررررررررعب بهذا الطاروق تجيب البيت ديكوره وتخلط طاق مع طابـوقكمـا البـالـون ينـفـخ بالـهـواء وتـزيـد نفخـاتـه أنا أقول الحجازي فيه خلط ٍ من ثلاث اعروقكما العود المخلّـط ريحتـه مـن كثـر خلطاتـه اعجبني خلط العروق وخلط العود |
مستوى شعري رفيع
اترقب لمثل هذه المحاوره بالتوفيق للجميع |
صحت الالسن 0طاروق جميل ونادر من نوعه فيه معنى وتركيبات من شاعر الحجازسلو اعجابى
|
خاتم سليمان يظم نفسه وبقوة مع عمالقة القلطة بعد هذا الطاروق
من اول بيت الى اخر بيت ولاهو قصور بشاعر الحجاز ساعر كبير ولكن الحقيقة تقال الفرق شاسع بين الاثنين من خلال هذا المحاورة ................................................ فيه رد وتعليق يريد الانقاص من حق خاتم لكن انا اقول الشمس لاتحجب بغربال اذا بينك وبين خاتم موقف احترم عقول الاخرين وان كان هذ معرفتك وتقديرك لاتعلق على المواضيع الي مثل هذا الموضوع حتى لاتقع في احراج خاتم سليمان في المحاورة هذه اتخذ اسلوب صياف او انه هو صياف لاتزعلون مني فوجه الشبه بينك الابداع ... اذا ماخاب ضني ان الاثنين واحد |
إقتباس:
ارررحب ياعنتر زمانه ارررحب وانا كذلك أرهن على مرورك العذب دائما ً فأنت الداعم الفني الأول والأسبق للشعراء هنا مثل الداعم الفني للمنتديات والشبكه العنكبوتيه ,,, وجميع ما يلفظه قلمك هو محل أهتمام وتقديرر للجميع لنبل أخلاقك ونقاء سريرتك كما عهدناه منك ,,,, وشهادتك معروفه فيني واعتبرها شرف وأمّا من ناحية الغياب وفرض العقوبات فأنت تمون على الروح يابن العم وتقبل فائق احترامي وتقديري خاتم سليمان |
إقتباس:
مرررحبا ياصيّاف مرررحبا نوّرتنا ونوّرت الموضوع والله يحييك وبيض الله وجهك على ماقلت ولا عليك زود وجعلني دايم عند حسن ظنكم وإعجابك محل اهتمام وإحترام لاهنت لاهنت تحياتي |
إقتباس:
ارررحب يالحجاج ابن يوسف ارررحب لاهنت على المرور والتعليق ولا قصرت كذلك تحياتي |
إقتباس:
ارررحب يالعميل السري ارررحب نوّرتنا والله يحييك ولاهنت على ماقلت وشهاده اعتز فيها والله يجملنا دايم معكم وإعجابك بالبيت محل اهتمام واحترام لاهنت لاهنت تحياتي |
ارررحب ياهامة العز ارررحب
لاهنت ع المرور والتعليق تحياتي ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,, اررررحب ياسعود العرعري ارررحب صح الله ابدانك ولاهنت ع المرور والتعليق تحياتي |
انا ما شفت مثل الدله اللي بنها محروق ----- مدحها معزب الضيفان والضيفان شماته
هذا البيت بيت القصيد وهو يفسر المحاوره لله درك يا خاتم المبدع |
إقتباس:
ارررحب يا على هووونك ارررحب نوّرتنا والله يحييك وبيض الله وجهك على ماقلت وشهاده افتخر فيها واعتبرها وسام على صدري واكبر فخر اني اجمّل ربعي وشي اتشرف فيه ويرفع راسي فووووووووق والله يجعلني عند حسن ظن الجميع أمّا بعض التعليقات تمثّل عقليات اصحابها فقط لاغير وليست بمقياس وضررها يرجع على اصحابها وانت شبّهتني بشاعر موجود وانا افتخر فيه وفيك لكن مثل ماقلت القاسم المشترك الأبداع لكن انا لي اسلوبي وهو له اسلووبه يعني ماحنا واحد والشي هذا معرووف لاعدمتك تقبل تحياتي وتقديري |
إقتباس:
ارررحب ياابو موسى ارررحب يالله حيه شرّفتنا وانت شاعر قنّاص ومرورك وتعليقك يكفي ولا عليك زوود انت مبدع وكفوووووو تحياتي |
عليك امن الثياب اثنين واحد تحت واحد فوق والـــك ورث اليـتـيـم الــلــي تــوفّــن كــــل عـمّـاتــه تــرى فــي كــل ديــره مقـبـره يالطـيّـب المطـفـوق ولـكـن قلّـنـا ويــش أصـلـك الـلـي فـيــك عـزواتــه لماذا لم يجاوبك شااااعر الحجاز على سؤالك ياخاتم.. واحب اقول صح السانك ياخاتم سليمان.. |
إقتباس:
ارررحب ياعيد الداموك ارررحب نوّرتنا والله يحييك وامّا السوال فيجاوب عليه شاعر الحجاز لأني حاولت أستفزّه في الطاروق لكن الرجل ماوضّح شيء مع ان سؤالي كان صريح وواضح وانقل سؤالك الى شاعر الحجاز ,,,, وصح الله ابداااااانك ولاهنت على المرور والتعليق ,,, تحياتي |
| الساعة الآن +4: 08:29 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
