|
اتمنى ان العب مع هولاء الشعار
اعزائي الكرام بهذا المنتدى الشامخ سلام من الله عليكم ورحمة منه وبركه وصبحكم الله بالف خير انا ابختصر الموضوع وبقوللكم اللي بخاطري بدون مقدمات انا شاعر توي جديد وتوي داخل ساحات المحاورات ولعبت مع عدد من الشعار وتعرفون الشاعر الجديد يبحث عن المحاورات والفتره هذي فترة صيف ياكلون الجو علينا الشعار الكبار فتكون الحفلات اللي نعزم فيها قليله جدا لاتكاد تذكر الا عن طريق معرفه ومثلكم عارفين لذلك نبحث عن ممارسة غرورنا الشعري بالمنتديات والمجالس والخ وانا صديقي رشيدي يدري اني اكتب بالمنتديات واشارك فدلني عليكم وقال فيه شعار ممتازين تقدر تلعب معهم مثلهم مثل المنتديات الثانيه كالنداوي والمرقاب ومنتديات القبائل الثانيه في حال كونك فاضي على العموم انا دخلت الفكره براسي ولي حدود الشهر ادخل واتابع المحاورات وخصوصا اللي مكتوب لهم شعار حتى مااكثر البحث بدون فائده واتعب زياده فاقتصر بحثي على اللي مكتوب لهم شعار فلفت انتباهي عدد من الشعار اتمنى منهم انهم يحققون رغبتي ويلعبون معي على شرط تكون البدايه عندي ويكون محاوراتي كل اثنين معهم حتى اجني اكبر فائده وانا كما قلت لفت انتباهي كثير من الاسامي ونقيت بجهد وعنايه واخترت خمسة اسامي بس ولاهو قصور بالباقين يمكن افضل من اللي نقيت لكن عاد هذي نظرتي ورغبتي وهم كالتالي 1_ صياف 2_ خاتم سليمان 3_ وضاح اليمن 4_ بعيد الهقاوي 5_ ابو عوجه فاتمنى منهم ان يردو علي باسرع وقت بالقبول وانا ممتن للي يقبل ومارايح ازعل من اللي يرفض لانه من ابسط حقوقه ودمتم: اخوكم شاعر الحجاز |
هلا حياك الله في منتدا عبس صياف متواجد اغلب اوقاته ,,,,,, ان شاالله تفيد وتستفيد
|
الله يقنيك ابركتهم
اخوي شاعر الحجاز هولا شعرا عمالقه بدون امجامله والمفروض انك ما وضحت انك توك مبتدي
علئ شان تقدر تلعب معهم ولاكن من كلامك كل شي واضح تقبل تحياتي |
ياهلا اويامرحبابك وانت شاعر لومنت كفو ماخترت كبار شعراء المنتد
|
ياااااااااااااااااااااهلا
|
با النيابه00 حياك الله ياشاعر الحجاز بين زملاك المنتدى منتدى الجميع الف هلا0
|
يسعدنا تواجدك بيننا
والكل هنا شعراء لا يقل مستواهم عمّا ذكرتهم ونحن في قلعة المجد والتاريخ ونرحب بالجميع لذا من الواضح انك متابع وتمنيت أنك عرفت بأسمك وقبيلتك لكي نتمتع بالشعر بينك وبين العمالقه .. ولك تقديري |
ارحب يلحجازي في ميدان المعارك
يشاعر الي قلت من دار الحجاز ------- يابو ثلاث نيات ملويه افهم علوم ارجل باللغاز ---------- خطتك مربوعه ومثنيه |
حياك الله اخووووووووووووي
|
اشكركم جميعا على هالردود الطيبه واشكر الشاعر صياف على قبوله طلبي بالنسبه لاسمي وقبيلتي انا اشوف ماهو مهم لاني جاي ابحث عن الشعر ماجيت ابحث عن النسب ولو كنت ابدخل واعلن اسم قبيلتي كان دخلت بااسمي الصحيح وانتهى كل شي وانا داخل بلقبي اللي لقبونياه ربعي وبالنسبه لكلام اخوي السيف انا اشكره على كلامه واتقبل وجهة نظره لكن اتمنى انه يوضح وش قصده بكل شي واضح لانه اشكل علي رده
انا بانتظار رد باقي الشعار ودمتم |
شد حيلك يالحجازي
ترا الربع ماهم بهينين |
حياك واذ يشكل عليك اي رد مااااااااش
سر ولاتدقق وايد |
هلا بك ياشاعر الحجاز ومشكور على الكلام الطيب
ولكن؟؟ لفت انتباهي بأنك تقول البداية عندك دائماً ووضعتها شرط اساسي وهذا يجعل هناك علاامات أستفهام؟ فكل شاعر مبتدي يجب عليه أن يستفيد من خبرات الشعراء الآخرين وطواريقهم وقوافيهم والذي أعرفه أن كل شاعر عملاق سوى فالسابق أو حالياً لايحب أن تكون البدايه من عنده أبداًَ لاسيما وأنك جعلت نفسك محل الأتهام بأنك تجهزز الطواريق والألحان والقوافي مسبقاً تقبل نقدي الهادف |
حياك الله شعراء بمعنى الكلمه الي اخترت بس واحد رحاه مستديره الشعر بوادي وهو بوادي ؟؟؟؟؟
وانا والله مرتبط بمراكز وحفلات والا جيتي انشالله برمضان بس اعقب على المنتدى اخر الليل الفجر وطويق مااحد يجهله بمعنى اخر الفيلسوووووف |
اخوي الحجاج بن يوسف كلامك ميه بالميه صحيح ووجهة نظرك في محلها بالنسبه للبدايه عندي لو فرضنا اني مجهز طواريقي الشاعر المقابل خصوصا في حجم الشعار اللي اخترت مارايح يعطيك فرصه تلعب على كيفك هذي فائده بالنسبه لي كيف استطاع يغير المعنى هل السبب مني اومنه ولو جهزت بيت صدقني الناس رايح يعرفون مع استمرار الطاروق وانا اذا ابجهز طواريقي في المنتديات متى اببدع امام الشعار السبب الثاني في اختياري البدايه ابشوف قوة النقض لان المحاوره ليست قوتها بالفتل انما بالنقض فاانا لما اجيب كلام وينقضه الشاعر المقابل هذي فائده واستطيع الحكم على نقضه لاني عارف الموضوع اللي انا قايله اما اذا جاب شاعر فتل وانا نقضت كيف اقيم نقضي هل هو قوي اومتوسط اوضعيف بالنسبه للالحان والطواريق صدقني مارايح استفيد شي لاني لااسمع اللحن لانه كتابي وحنا ياهل الحجاز عندنا اغلب الالحان معروفه حتى الالحان الجنوبيه مرعلينا عدد لاباس فيه من هذي الالحان |
ياجماعة خير فيه ردوود انا مارديت عليها لاني ماادري وش يقصد اصحابها منها وبالنسبه لردود الشكر انا ايضا اشكرهم وفيه عندي مشكله ياجماعه مااقدر لااقتبس ولاارسل رسائل خاصه ياليت تفيدوني بالسبب
|
باقي ثلاث شعراء ماردو خبر عسى المانع ان شاء الله خير اتمنى انهم يردون علي لورد واحد بالموافقه اوالرفض وهم وضاح اليمن وبعيد الهقاوي وابوعوجه واشكر مره ثانيه الشاعر خاتم سليمان والشاعر صياف على قبولهم الدعوه |
يسعدنا تواجدك بيننا والكل هنا شعراء لا يقل مستواهم عمّا ذكرتهم ونحن في قلعة المجد والتاريخ ونرحب بالجميع لذا من الواضح انك متابع وتمنيت أنك عرفت بأسمك وقبيلتك لكي نتمتع بالشعر بينك وبين العمالقه .. ولك تقديري |
مرحبابك ياشاعر الحجاز عند اخوانك في قلعة المجد بالنسبه لتحديد الموعد انا ضد ذلك لاننا لانعلم بالضروف لكن متى ماكنت انت موجود وانا موجود نزل طاروقك وابشر باللي يسرك
|
حياك الله شد حيلك اخوووووي
|
| الساعة الآن +4: 12:43 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
