لا يرد إلا شاااااعر ٍ بطرااااااااااااان عزمه من ورى 100 بيت
 

السلام عليكم ورحمة الله وبركاته , , , , ,



استلموووووا يالررررررربع هالطارررروق والبطراااان الجززززل يرررد ولاهو قصور بالباقين وكلكم كفوو كفووو

مساء الخير ياخاتم سليمان ياخصمي اللدود
من طول الغيبات جاب الغنايم

انا نزلت طاروق لكن انت وش رائك

حي ّ الله أبو رجبه حيّ الله أبو رجبه


جليّك متى نزّلت طاروقك ياابو رجبه

أنا عندي طاروقي هاذي باسط فيه بقلعة عبس إذا فضيت لك ررحت يم الضربات الجاضيه ياابو رجبه ,, ,,,

أبدا أنا منزّل الطاروج هذا واللي يرد حياه الله


تقبل خالص تحياتي الخالصه

خلوووووووووووهااا
هلا يامرحبا ترحيبة رجالً عزاز انفوس00زبون الطيبه يوم الرديه عرف راعيها
وانا ماني على بعض العرب ياصحابنا دبّوس00على قول المثل ياعبس حاميها حراميها

الله الله الله

خاتم سليمان موجوووووووود ابرك الساعات والله

صح لسانك بداية موفقة ومعنى محبوك لو انه مكشوف شوي لكن لكل مقام مقال

اعتبرني بصفك ولايهوووون ابو رقبة

الله الله

سلام الله للجميع

بدايه ناريه والله يستر جميع الطرق شائكه

بصف خاتم الشعر ولايهون ابو رقبه

مرررررحبا مرررررررحبااا والله بجحدر مرررحبا والله يبقيك وابرك الحزات حزاااتك ,,,,,,

وصح الله ابداااانك واشهد بالله انك تفهم المعنى من اول بيت والمشكله مكشووووووف ولا شفت النقض الصحيح الميه بالميه ههههههههههههههههه

عموما ً ابرك الايام اللي نواجهك فيهاااا ومرحبا ومسهلاا والصف عزيز فيك لاهنت

تحياتي

خلوووووووووووووهااااا
تقوله من بعد ركّزت الك بعوينتك دبّوس00نهار فيه خلق الله خواتمها بأياديها
وانا قاعي على عز ومعزه مادخل به سوس00عريب الساس مير الناس مانعرف مجانيها

الله الله




ويالرررررربع يعلم الله ان الاتصال عندي تعباااان مررره ماادري ليش ؟؟؟؟

الضاهر فيه مشكله بالاتصال او الجهاز

نعتذر عن الخلل الفني المصاحب للبث المباشر

ياخاتم يشوشون عليك
لانك تشبه كاس العالم
ههههههههههههههه

مساكم الله بالصحة والعافية

ارررررررررررحب ومساء النو والاحساس
وووووووووووووووووووووين الناس

مساكم الله بلخير صح الله السان الشعار

خلووووووووووووووهااا
ترى النامس مايتجمّع سوا بالموقع المنجوس00وانا اظنه يدل ادروبها وينحي مناحيها
وانا ما اقول فيك قصور شاعر باللقى مدروس00وانا انبذ شلة الارهارب ما امشي مع مماشيها

الله الله

تغيب وتحضر

شعراء من فطاحلة الموقع بلا شك خاتم وأبو رقبه شعر قوي وكما قال العميل السري شائك نوعآ ما مع العلم أن الهدف واضح والشمس لا يحجبها غربال ..

دائمآ يطربنا الشاعر خاتم في طرق رنانه وعلى الوتر الحساس فياهل ترى أن تجد حلول أو أن الشعر يعالج المشاكل الاجتماعيه ,.؟؟؟

مرررجبا بالعميل السررري مررررررررحبااااااااا


هههههههههههههههههههههههههههه

صدقت يالعميل السرري كني كأس العالم وفيه طحالب ههههههههههههههههه على قول ابن الذيب هههههههههههه يحاولون عدم استمرارية البث المباشررر هههههههههههههههههههههه

لكن انت تقل دوري زين لكرة القدم اللي اذا بدا كأس العالم كل واحد تركه وتابع كأس العالم في جنوب افريقيا هههههههههههههههه

مرررحباا والله بالنقيشي مررحبااا وابرك الايام اللي نشووفك فيهااا


ومسّاك الله بالنوور والعافيه


وصح الله ابداااااااااااااانك ولا هنت عل الحضورروالمتابعه

خلووووووووووهااا
صحيح اللي تقوله مير اظنك شايب ملحوس00يبى يدهن شناباته ولكنه يحنّيها
نعرف ان الفهد حيوان والجاموس معه اتيوس00من يطبّق على العالم وصوفه يبتلي فيها

مررحبا والله مرررحبا بامبراطور الكلمه مرررحباااا


كل موضوع انت تجي فيه فهو شرف بما يجود به فكرك النيّر وادراكك الواسع ولا هنت على ماقلت وشهاده افتخر فيها طال عمرك


ومن ناحية الشعر انه يعالج المشاكل الاجتماعيه مافيه شك اكيد انه يعالج المشاكل الاجتماعيه للمجتمع ولكن الشاعر نفسه دائما ً يتّبع سياسه خاصه في الطرح الشعري حسب توجّهات الشاعر نفسه ومبادئه فمنهم من يريد االمدح ومنهم من يريد الشهره ومنهم من يريد المردود المالي وغير ذلك ولكل شاعر طريقته الخاصه بتوظيف الطرح الشعري


وعندي ملاحظه لاهنت ... بس لفت نظري كلمة ( اااهب ) في ردك الثاني الكلمه هاذي ماهي بزينه تصدر من رجل عاقل وياليت لوتذكر الله افضل من كلمة اااهب


تحياااتي وتقديري

صحيح اللي تقوله مير اظنك شايب ملحوس00يبى يدهن شناباته ولكنه يحنّيها



أبداع وتسجيل أعجاب

ومتابع

وهل ليّ بسؤال ثاني

أين تجد نفسك بين هؤلاء فأنت شاعر أشهر من نار على علم ولا بد أن نعرف أين توجهاتك وماهي تطلعاتك المستقبليه ..؟؟

وهل لك بميدان الفروسيه حصان وسباق وأن وجد كيف أستطيع أن أشاهد هذا السباق أو المعركه فأنا أطلق دائمآ وأبدآ على شاعر المحاوره في ميدان المعركه الرجل المقاتل فهو يعتبر قتال ولو لم نجد سيف ودم ولكن ..؟؟


وبالنسبه الى كلمة أهب هذه ممازحه وهي تعتبر أشد الأعجاب وأعتذر لسعادتكم واقول ما شاء الله عليك وعلى شعرك والى الامام أيها البطل

تصبح على خيررررر
ياستاذ خاتم والله يوفقك لما يحبه ويرضاااه

الله الله



وصح الله لسااااااااااانك ياابو رجبه ولاهنت على الطاررروق ولنا لقاءات قادمه بإذن الله سبحانه وتعالى


تقبل خالص تحياتي الخالصه

بدري والله ماودنا تنتهي المحاوره لمجالها وجمال شعارها

ولكن قد تكون أوشكت على النهايه بالفعل

وشاكر لكم تواجدكم المثمر والنافع فلا تقاطع أنت وياه

أبو رقبه قسم بالله الاميل ملغيه لي مده طويله

واعتذر منك

عنتر زمانه


احيي فيك هذا الفكر وهذا الاسلوب الذي افتخر فيه انا قبل انت تفتخر فيه انت فيالك من مبدع كلمه .. متوهّج قلم

أمّا بخصوص سؤالك فسوف أرد عليك برساله خاصه بالقريب العاجل إن شاء الله حينا يكون الاتصال اكثر فاعليه من الان ؟؟ لأن الاتصال عندي يقطع ويشبك .. << موبايلي كنّكت


وتقبل وافر تحياتي وتقديري


اخوك // خاتم سليمان

ونحن في الانتظار

والف شكر لكم جميعآ أستمتعنا بهذه المحاوره الشامخه والفذه

محاوره قمه وشعراء متألقين

تقبلو فائق الود

خلووووووووووووووهااا
ترى النامس مايتجمّع سوا بالموقع المنجوس00وانا اظنه يدل ادروبها وينحي مناحيها

ياسلام عليك يابو رقبه اشهد انك شاعر كبير .

محاوره جيده ويعجبني الشاعر ابو رقبه واثق وموهوب ماشاءالله عليه

اشكر الشاعرين طاروق ممتاز خاتم سليمان المتجدد المبتكر ياتي بما هو جديد وغير مستهلك

وهنا الابداع ولا هنت يا ابو رقبه الشاعر الوافي